ಶಮಿ ನನಗೆ ಪರಿಚಯವಿದೆ, ಭೇಟಿಯಾಗಿದ್ದು ನಿಜ, ಆದರೆ..? ಪಾಕ್ ಯುವತಿ ಹೇಳಿದ್ದೇನು..?
ಸಾರಾಂಶ
ರಾಷ್ಟ್ರೀಯ ಸುದ್ದಿ ವಾಹಿನಿಯೊಂದರ ಜತೆ ಮಾತನಾಡಿರುವ ಅಲಿಶ್ಬಾ, ಕಳೆದ ವರ್ಷ ಚಾಂಪಿಯನ್ಸ್ ಟ್ರೋಫಿ ವೇಳೆಯಿಂದಲೂ ಶಮಿ ತಮಗೆ ಪರಿಚಯ ಎಂದಿದ್ದಾಳೆ.
ನವದೆಹಲಿ(ಮಾ.20): ಪತ್ನಿಯಿಂದಲೇ ಮ್ಯಾಚ್ ಫಿಕ್ಸಿಂಗ್ ಆರೋಪ ಎದುರಿಸುತ್ತಿರುವ ಭಾರತ ಕ್ರಿಕೆಟ್ ತಂಡದ ವೇಗಿ ಮೊಹಮದ್ ಶಮಿ, ಹೊಸ ವಿವಾದದಲ್ಲಿ ಸಿಲುಕಿದ್ದಾರೆ. ಶಮಿ ಪತ್ನಿ ಹಸೀನ್ ಜಹಾನ್ ತಮ್ಮ ಆರೋಪದಲ್ಲಿ ಪ್ರಸ್ತಾಪಿಸಿರುವ ಪಾಕಿಸ್ತಾನಿ ಯುವತಿ ಅಲಿಶ್ಬಾ ದುಬೈನಲ್ಲಿ ಶಮಿಯನ್ನು ಭೇಟಿಯಾಗಿದ್ದಾಗಿ ಖಚಿತ ಪಡಿಸಿದ್ದಾಳೆ.
ರಾಷ್ಟ್ರೀಯ ಸುದ್ದಿ ವಾಹಿನಿಯೊಂದರ ಜತೆ ಮಾತನಾಡಿರುವ ಅಲಿಶ್ಬಾ, ಕಳೆದ ವರ್ಷ ಚಾಂಪಿಯನ್ಸ್ ಟ್ರೋಫಿ ವೇಳೆಯಿಂದಲೂ ಶಮಿ ತಮಗೆ ಪರಿಚಯ ಎಂದಿದ್ದಾಳೆ.
‘ಶಮಿಯನ್ನು ದುಬೈನಲ್ಲಿ ನಾನು ಭೇಟಿ ಮಾಡಿದ್ದು ನಿಜ. ವೈಯಕ್ತಿಕ ಕಾರಣದಿಂದಾಗಿ ನಾನು ದುಬೈಗೆ ಭೇಟಿ ನೀಡುತ್ತಿರುತ್ತೇನೆ. ಲಕ್ಷಾಂತರ ಮಂದಿಯಂತೆ ನಾನೂ ಸಹ ಶಮಿ ಅಭಿಮಾನಿ. ನಮ್ಮಿಬ್ಬರ ನಡುವೆ ಉತ್ತಮ ಸ್ನೇಹವಿದೆ. ಆದರೆ ನಾನು ಶಮಿಗೆ ಹಣ ನೀಡಿದ್ದೇನೆ, ಅವರೊಂದಿಗೆ ಹೋಟೆಲ್ ಕೋಣೆಯಲ್ಲಿದ್ದೆ ಎನ್ನುವ ಆರೋಪಗಳೆಲ್ಲಾ ಸುಳ್ಳು. ಶಮಿ ಯಾರಿಗೂ ಸುಳ್ಳು ಹೇಳದ ವ್ಯಕ್ತಿ. ಆತ ದೇಶಕ್ಕೆ ಮೋಸ ಮಾಡಲು ಹೇಗೆ ಸಾಧ್ಯ’ ಎಂದು ಅಲಿಶ್ಬಾ ಹೇಳಿದ್ದಾಳೆ.
ಕ್ರಿಕೆಟ್ ಮತ್ತು ಕ್ರೀಡಾ ಜಗತ್ತಿನ (Sports News in Kannada) ಕ್ಷಣಕ್ಷಣದ ಕನ್ನಡ ಸುದ್ದಿ ಅಪ್ಡೇಟ್ಗಳಿಗಾಗಿ ಏಷ್ಯಾನೆಟ್ ಸುವರ್ಣ ನ್ಯೂಸ್ ಫಾಲೋ ಮಾಡಿ. ಐಪಿಎಲ್ ಲೈವ್ ಸೇರಿದಂತೆ ಟೀಂ ಇಂಡಿಯಾದ ಬ್ರೇಕಿಂಗ್ ಸುದ್ದಿ (Cricket News in Kannada), ವಿಶೇಷ ವರದಿಗಳು ಮತ್ತು ನೇರ ಪ್ರಸಾರಗಳೊಂದಿಗೆ ಸಂಪೂರ್ಣ ಮಾಹಿತಿ ನಿಮ್ಮ ಒಂದೇ ಕ್ಲಿಕ್ನಲ್ಲಿ ಲಭ್ಯ. ಏಷ್ಯಾನೆಟ್ ಸುವರ್ಣ ನ್ಯೂಸ್ ಅಧಿಕೃತ ಆ್ಯಪ್ ಡೌನ್ಲೋಡ್ ಮಾಡಿ ಹಾಗೂ ಎಲ್ಲಾ ಅಪ್ಡೇಟ್ ಗಳನ್ನು ಪಡೆಯಿರಿ.