ನೇರಪ್ರಸಾರದಲ್ಲಿ ಪಾಕ್ ಆ್ಯಂಕರ್ ಅಶ್ಲೀಲ ಸನ್ನೆ-ವೈರಲ್ ಆಯ್ತು ವೀಡಿಯೋ!
ಸಾರಾಂಶ
ಬಾಂಗ್ಲಾದೇಶ ವಿರುದ್ಧದ ಗೆಲುವನ್ನ ಸಂಭ್ರಮಿಸಲು ಹೋದ ಟಿವಿ ನಿರೂಪಕ ಇದೀಗ ಭಾರಿ ಟೀಕೆಗೆ ಗುರಿಯಾಗಿದ್ದಾನೆ. ಕಾರ್ಯಕ್ರಮ ನೇರಪ್ರಸಾರದಲ್ಲಿರುವುದನ್ನ ಅರಿಯದ ನಿರೂಪಕ ಅಶ್ಲೀಲ ಸನ್ನೆ ಮಾಡೋ ಮೂಲಕ ಪಾಕಿಸ್ತಾನ ಆ್ಯಂಕರ್ ವೈರಲ್ ಆಗಿದ್ದಾನೆ. ಇಲ್ಲಿದೆ ವೀಡಿಯೋ
ಕರಾಚಿ(ಸೆ.25): ಕ್ರಿಕೆಟ್ ಪಂದ್ಯದಲ್ಲಿ ಆಟಗಾರನಾಗಲಿ, ಅಭಿಮಾನಿಯಾಗಲಿ ಏನೇ ಯಡವಟ್ಟು ಮಾಡಿದರೂ ಪರಿಣಾಮ ಮಾತ್ರ ಊಹಿಸಲು ಅಸಾಧ್ಯ. ಇದೀಗ ಏಷ್ಯಾಕಪ್ ಟೂರ್ನಿಯಲ್ಲಿ ಎಲ್ಲೆ ಮೀರಿ ವರ್ತಿಸಿದ ಪಾಕಿಸ್ತಾನ ಟಿವಿ ಆ್ಯಂಕರ್ ಭಾರಿ ಸುದ್ದಿಯಾಗಿದ್ದಾರೆ.
ಬಾಂಗ್ಲಾದೇಶ ವಿರುದ್ಧದ ಏಷ್ಯಾಕಪ್ ಪಂದ್ಯದಲ್ಲಿ ಪಾಕಿಸ್ತಾನ ಪ್ರಯಾಸದ ಗೆಲುವು ಸಾಧಿಸಿತು. ಸೋಲಿನ ಭೀತಿಯಲ್ಲಿದ್ದ ಪಾಕ್ ಅಂತಿಮ ಕ್ಷಣದಲ್ಲಿ ಗೆಲುವಿನ ನಗೆ ಬೀರಿತ್ತು. ಈ ಗೆಲುವನ್ನ ಸಂಭ್ರಮಿಸಲು ಹೋದ ಪಾಕಿಸ್ತಾನ ಟಿವಿ ನಿರೂಪಕ ಇದೀಗ ಟೀಕೆಗೆ ಗುರಿಯಾಗಿದ್ದಾರೆ.
ಏಷ್ಯಾಕಪ್ ಟೂರ್ನಿ ವಿಶೇಷ ಕಾರ್ಯಕ್ರಮದ ನಿರೂಪಕ ನೇರಪ್ರಸಾರದಲ್ಲಿದ್ದೇನೆ ಎಂಬುದನ್ನೇ ಮರೆತು ಮಧ್ಯದ ಬೆರಳು ತೋರಿಸಿದ್ದಾರೆ. ಪಕ್ಕದಲ್ಲಿದ್ದ ಮಹಿಳಾ ನಿರೂಪಕಿಗೆ ನಗು ತಡೆಯಲಾಗಲಿಲ್ಲ. ತಕ್ಷಣವೇ ಎಚ್ಚತ್ತ ಕಾರ್ಯಕ್ರಮ ನಿರ್ಮಾಪಕ ನೇರಪ್ರಸಾರದಲ್ಲಿರುವುದನ್ನ ಸೂಚಿಸಿದ್ದಾರೆ. ಅಷ್ಟರಲ್ಲೇ ಗಂಭೀರತೆ ಅರಿತ ನಿರೂಪಕ ಮತ್ತೆ ತನ್ನ ಸುದ್ದಿ ಬಿತ್ತರ ಮುಂದುವರಿಸಿದ್ದಾನೆ.
ಒಂದು ಕ್ಷಣದ ಸಂಭ್ರಮ ಇದೀಗ ವಿಶ್ವದೆಲ್ಲೆಡೆ ವೈರಲ್ ಆಗಿದೆ. ಇಷ್ಟೇ ಅಲ್ಲ ಭಾರಿ ಟೀವಿ ನಿರೂಪಕ ಭಾರಿ ಟೀಕೆಗೆ ಗುರಿಯಾಗಿದ್ದಾನೆ.
ಕ್ರಿಕೆಟ್ ಮತ್ತು ಕ್ರೀಡಾ ಜಗತ್ತಿನ (Sports News in Kannada) ಕ್ಷಣಕ್ಷಣದ ಕನ್ನಡ ಸುದ್ದಿ ಅಪ್ಡೇಟ್ಗಳಿಗಾಗಿ ಏಷ್ಯಾನೆಟ್ ಸುವರ್ಣ ನ್ಯೂಸ್ ಫಾಲೋ ಮಾಡಿ. ಐಪಿಎಲ್ ಲೈವ್ ಸೇರಿದಂತೆ ಟೀಂ ಇಂಡಿಯಾದ ಬ್ರೇಕಿಂಗ್ ಸುದ್ದಿ (Cricket News in Kannada), ವಿಶೇಷ ವರದಿಗಳು ಮತ್ತು ನೇರ ಪ್ರಸಾರಗಳೊಂದಿಗೆ ಸಂಪೂರ್ಣ ಮಾಹಿತಿ ನಿಮ್ಮ ಒಂದೇ ಕ್ಲಿಕ್ನಲ್ಲಿ ಲಭ್ಯ. ಏಷ್ಯಾನೆಟ್ ಸುವರ್ಣ ನ್ಯೂಸ್ ಅಧಿಕೃತ ಆ್ಯಪ್ ಡೌನ್ಲೋಡ್ ಮಾಡಿ ಹಾಗೂ ಎಲ್ಲಾ ಅಪ್ಡೇಟ್ ಗಳನ್ನು ಪಡೆಯಿರಿ.