ಎಟಿಪಿ ವರ್ಲ್ಡ್ ಟೂರ್ ಫೈನಲ್ಸ್ ಟೆನಿಸ್ ಟೂರ್ನಿಯಲ್ಲಿ ಸೆಮಿಫೈನಲ್ ಪಂದ್ಯದಲ್ಲಿ ಜೋಕೊವಿಚ್, ಫ್ರಾನ್ಸ್'ನ ಗೀಲ್ ಮೊನಿಲ್ಸ್ ಎದುರು ಸೆಣಸಲಿದ್ದಾರೆ.
ಲಂಡನ್(ನ.16): ವಿಶ್ವದ ಸ್ಟಾರ್ ಟೆನಿಸಿಗ ಸರ್ಬಿಯಾದ ನೊವಾಕ್ ಜೋಕೊವಿಚ್, ಎಟಿಪಿ ವರ್ಲ್ಡ್ ಟೂರ್ ಫೈನಲ್ಸ್ ಟೆನಿಸ್ ಟೂರ್ನಿಯಲ್ಲಿ ಸೆಮಿಫೈನಲ್ ಹಂತಕ್ಕೇರಿದ್ದಾರೆ.
ಇಲ್ಲಿನ ಒ2 ಅರೇನಾದಲ್ಲಿ ಮಂಗಳವಾರ ತಡರಾತ್ರಿ ನಡೆದ ಪುರುಷರ ಸಿಂಗಲ್ಸ್ ವಿಭಾಗದ ಕ್ವಾರ್ಟರ್ ಫೈನಲ್ ಪಂದ್ಯದಲ್ಲಿ ಜೋಕೊವಿಚ್ 7-6(6), 7-6(5)ಸೆಟ್ಗಳಿಂದ ಕೆನಡಾದ ಮಿಲೊಸ್ ರೋನಿಕ್ ಎದುರು ಗೆಲುವು ಸಾಧಿಸಿದರು.
ಪಂದ್ಯದುದ್ದಕ್ಕೂ ನಡೆದ ರೋಚಕ ಹಣಾಹಣಿಯಲ್ಲಿ ಜೋಕೊವಿಚ್ ಟೈಬ್ರೇಕರ್ ಅವಕಾಶದಲ್ಲಿ ಅಂಕಗಳನ್ನು ಹೆಚ್ಚಿಸಿಕೊಂಡು ಎರಡು ಸೆಟ್ಗಳಲ್ಲಿ ತಲಾ 1 ಅಂಕದ ಮುನ್ನಡೆ ಪಡೆದು ಜಯ ಸಾಧಿಸಿದರು.
ಮುಂದಿನ ಸುತ್ತಿನಲ್ಲಿ ಜೋಕೊವಿಚ್, ಫ್ರಾನ್ಸ್'ನ ಗೀಲ್ ಮೊನಿಲ್ಸ್ ಎದುರು ಸೆಣಸಲಿದ್ದಾರೆ.