ಮಾಜಿ ವಿಶ್ವ ಎಫ್1 ಚಾಂಪಿಯನ್ ನಿಕ್ಕಿ ನಿಧನ
ಸಾರಾಂಶ
ಫಾರ್ಮುಲಾ 1 ವಿಶ್ವ ಚಾಂಪಿಯನ್ ಆಸ್ಟ್ರಿಯಾದ ನಿಕ್ಕಿ ಲಾಡಾ ಮಂಗಳವಾರ ಸ್ವಿಜರ್ಲೆಂಡ್ನ ಝ್ಯರಿಚ್ನಲ್ಲಿ ನಿಧನರಾಗಿದ್ದಾರೆ.
ಲಂಡನ್(ಮೇ.22): 3 ಬಾರಿ ಫಾರ್ಮುಲಾ 1 ವಿಶ್ವ ಚಾಂಪಿಯನ್ ಆಸ್ಟ್ರಿಯಾದ ನಿಕ್ಕಿ ಲಾಡಾ ಮಂಗಳವಾರ ಸ್ವಿಜರ್ಲೆಂಡ್ನ ಝ್ಯರಿಚ್ನಲ್ಲಿ ನಿಧನರಾಗಿದ್ದಾರೆ. ಅವರಿಗೆ 70 ವರ್ಷ ವಯಸ್ಸಾಗಿತ್ತು.
ಹಲವು ವರ್ಷಗಳಿಂದ ಅವರು ಅನಾರೋಗ್ಯದಿಂದ ಬಳಲುತ್ತಿದ್ದರು. 8 ತಿಂಗಳ ಹಿಂದಷ್ಟೇ ಅವರು ಶ್ವಾಸಕೋಶದ ಕಸಿ ಮಾಡಿಸಿಕೊಂಡಿದ್ದರು. 1975, 1977 ಹಾಗೂ 1984ರಲ್ಲಿ ಅವರು ವಿಶ್ವ ಚಾಂಪಿಯನ್ ಆಗಿದ್ದರು. ಎಫ್ 1 ಇತಿಹಾಸದಲ್ಲಿ ಫೆರಾರಿ ಹಾಗೂ ಮೆಕ್ಲಾರೆನ್ ತಂಡಗಳೊಂದಿಗೆ ವಿಶ್ವ ಚಾಂಪಿಯನ್ ಆದ ಏಕೈಕ ಚಾಲಕ ಎನ್ನುವ ದಾಖಲೆ ನಿಕ್ಕಿ ಹೆಸರಿನಲ್ಲಿದೆ.
1976ರಲ್ಲಿ ಜರ್ಮನ್ ಗ್ರ್ಯಾಂಡ್ ಪ್ರಿಕ್ಸ್ ರೇಸಿಂಗ್’ನಲ್ಲಿ ಭಾಗವಹಿಸಿದ್ದ ನಿಕ್ಕಿ ಕಾರು ಭೀಕರವಾಗಿ ಹೊತ್ತಿ ಉರಿದಿತ್ತು. ಈ ಸಂದರ್ಭದಲ್ಲಿ ನಿಕ್ಕಿ ತೀವ್ರವಾದ ಗಾಯಕ್ಕೆ ತುತ್ತಾಗಿದ್ದರು. ಇದರ ಹೊರತಾಗಿಯೂ ರೇಸ್’ಗೆ ಗುಡ್’ಬೈ ಹೇಳದೇ ಕಮ್’ಬ್ಯಾಕ್ ಮಾಡಿದ್ದನ್ನು ಹಲವು ಅವರ ಅಭಿಮಾನಿಗಳು ಇಂದಿಗೂ ಸ್ಮರಿಸಿಕೊಳ್ಳುತ್ತಿದ್ದಾರೆ.
ಕ್ರಿಕೆಟ್ ಮತ್ತು ಕ್ರೀಡಾ ಜಗತ್ತಿನ (Sports News in Kannada) ಕ್ಷಣಕ್ಷಣದ ಕನ್ನಡ ಸುದ್ದಿ ಅಪ್ಡೇಟ್ಗಳಿಗಾಗಿ ಏಷ್ಯಾನೆಟ್ ಸುವರ್ಣ ನ್ಯೂಸ್ ಫಾಲೋ ಮಾಡಿ. ಐಪಿಎಲ್ ಲೈವ್ ಸೇರಿದಂತೆ ಟೀಂ ಇಂಡಿಯಾದ ಬ್ರೇಕಿಂಗ್ ಸುದ್ದಿ (Cricket News in Kannada), ವಿಶೇಷ ವರದಿಗಳು ಮತ್ತು ನೇರ ಪ್ರಸಾರಗಳೊಂದಿಗೆ ಸಂಪೂರ್ಣ ಮಾಹಿತಿ ನಿಮ್ಮ ಒಂದೇ ಕ್ಲಿಕ್ನಲ್ಲಿ ಲಭ್ಯ. ಏಷ್ಯಾನೆಟ್ ಸುವರ್ಣ ನ್ಯೂಸ್ ಅಧಿಕೃತ ಆ್ಯಪ್ ಡೌನ್ಲೋಡ್ ಮಾಡಿ ಹಾಗೂ ಎಲ್ಲಾ ಅಪ್ಡೇಟ್ ಗಳನ್ನು ಪಡೆಯಿರಿ.