ಭಾರತಕ್ಕೆ ಬಂದಿಳಿದ ಕಿವೀಸ್ ಪಡೆ

ಒಟ್ಟು 16 ದಿನಗಳ ಪ್ರವಾಸ ಇದಾಗಿದ್ದು ನ್ಯೂಜಿಲೆಂಡ್, ಭಾರತ ವಿರುದ್ಧ 3 ಏಕದಿನ ಮತ್ತು 3 ಟಿ20 ಪಂದ್ಯಗಳನ್ನಾಡಲಿದೆ.

ಮುಂಬೈ(ಅ.13): ಭಾರತ ವಿರುದ್ಧ ಸೀಮಿತ ಓವರ್ ಸರಣಿ ಆಡಲು ನ್ಯೂಜಿಲೆಂಡ್ ಕ್ರಿಕೆಟ್ ತಂಡ ಭಾರತಕ್ಕೆ ಆಗಮಿಸಿದೆ.

ಅಕ್ಟೋಬರ್ 22ರಿಂದ ಆರಂಭವಾಗಲಿರುವ ಏಕದಿನ ಸರಣಿಯಾಡಲು 9 ಸದಸ್ಯರನ್ನೊಳಗೊಂಡ ತಂಡವಿಂದು ಮುಂಬೈಗೆ ಬಂದಿಳಿದೆ. 15 ಆಟಗಾರ ಪೈಕಿ 9 ಮಂದಿ ಆಟಗಾರರು ಇಂದು ಮುಂಬೈಗೆ ಬಂದಿಳಿದ್ದು, ಇನ್ನುಳಿದ 6 ಆಟಗಾರರನ್ನು ನ್ಯೂಜಿಲೆಂಡ್ ‘ಎ’ ತಂಡದಿಂದ ಆಯ್ಕೆ ಮಾಡುವುದಾಗಿ ನ್ಯೂಜಿಲೆಂಡ್ ಕ್ರಿಕೆಟ್ ಮಂಡಳಿ ತಿಳಿಸಿತ್ತು. ಈಗಾಗಲೇ ಹೈದರಾಬಾದ್'ನಲ್ಲಿ ನ್ಯೂಜಿಲೆಂಡ್ ‘ಎ’ ತಂಡ ಭಾರತ ‘ಎ’ ವಿರುದ್ಧ ಸರಣಿ ಆಡುತ್ತಿದೆ.

ಒಟ್ಟು 16 ದಿನಗಳ ಪ್ರವಾಸ ಇದಾಗಿದ್ದು ನ್ಯೂಜಿಲೆಂಡ್, ಭಾರತ ವಿರುದ್ಧ 3 ಏಕದಿನ ಮತ್ತು 3 ಟಿ20 ಪಂದ್ಯಗಳನ್ನಾಡಲಿದೆ.

ನ್ಯೂಜಿಲೆಂಡ್ ತಂಡದ ಅನುಭವಿ ಆಟಗಾರ ರಾಸ್ ಟೇಲರ್ ಭಾರತಕ್ಕೆ ಬಂದಿಳಿದಿರುವುದು ಸಂತಸ ತಂದಿದೆ ಎಂದು ಟ್ವೀಟ್ ಮಾಡಿದ್ದಾರೆ.