ಬಿಸಿಸಿಐನ್ನೂ ಬಿಡಲಿಲ್ಲ #Metoo-ಸಿಇಓ ಮೇಲೆ ಲೈಂಗಿಕ ಕಿರುಕಳ ಆರೋಪ!

#Metoo ಆರೋಪಗಳಿಂದ ದೂರವಿದ್ದ ಭಾರತೀಯ ಕ್ರಿಕೆಟ್ ಮೇಲೆ ಗಂಭೀರ ಆರೋಪ ಕೇಳಿಬಂದಿದೆ. ಬಿಸಿಸಿಐ ಸಿಇಓ ವಿರುದ್ಧ ಇದೀಗ ಲೈಂಗಿಕ ಕಿರುಕುಳ ಆರೋಪ ಕೇಳಿಬಂದಿದೆ. ಈ ಕುರಿತ ಸಂಪೂರ್ಣ ವಿವರ ಇಲ್ಲಿದೆ.

ಮುಂಬೈ(ಅ.13): ಲೈಂಗಿಕ ಕಿರುಕುಳ ವಿರುದ್ಧ ಸಾಮಾಜಿ ಜಾಲತಾಣದಲ್ಲಿ ನಡೆಯುತ್ತಿರುವ #Metoo ಅಭಿಯಾನದಿಂದ ಹಲವು ದಿಗ್ಗಜರ ಮುಖವಾಡಗಳು ಕಳಚಿ ಬೀಳುತ್ತಿದೆ. ಹಲವು ಕ್ಷೇತ್ರಗಳ ಪ್ರಮುಖರ ಮೇಲೆ #Metoo ಆರೋಪಗಳು ಕೇಳಿಬಂದಿತ್ತು. ಇದೀಗ ಬಿಸಿಸಿಐಗೂ #Metoo ಬಿಸಿ ತಟ್ಟಿದೆ.

ಬಾಲಿವುಡ್ ಸೇರಿದಂತೆ ಹಲವು ಕ್ಷೇತ್ರದಲ್ಲಿ ನಡೆದೆ ಲೈಂಗಿಕ ಕಿರುಕಳ ಇದೀಗ ಹೊರಬರುತ್ತಿದೆ.  ಇಷ್ಟು ದಿನ #Metoo ಆರೋಪಗಳಿಂದ ದೂರ ಉಳಿದಿದ್ದ ಬಿಸಿಸಿಐ ಇದೀಗ ಗಂಭೀರ ಆರೋಪಕ್ಕೆ ಗುರಿಯಾಗಿದೆ.  ಇದೇ ಮೊದಲ ಬಾರಿಗೆ ಬಿಸಿಸಿಐ ಸಿಇಓ ರಾಹುಲ್ ಜೊಹ್ರಿ ವಿರುದ್ಧವೂ  ಲೈಂಗಿಕ ಕಿರುಕುಳ ಆರೋಪ ಕೇಳಿಬಂದಿದೆ. 

ಇದನ್ನೂ ಓದಿ: ಬಾಲಿವುಡ್ ಹಾಗೂ ಇತರ ದಿಗ್ಗರ ಮೇಲೆ #Metoo ಆರೋಪ

ಉದ್ಯೋಗದ ಕಾರಣಕ್ಕಾಗಿ, ಹೆಸರು ಹೇಳಲು ಇಚ್ಚಿಸಿದ ಪತ್ರೆಕರ್ತೆ ರಾಹುಲ್ ಜೊಹ್ರಿಯನ್ನ ಬೇಟಿಯಾಗಿದ್ದಾರೆ. ಈ ಸಂದರ್ಭವನ್ನ ಜೊಹ್ರಿ ಉಪಯೋಗಿಸಲು ನೋಡಿದ್ದಾರೆ ಎಂದು ಆರೋಪಿಸಿದ್ದಾರೆ. @ಪೆಡಸ್ಟ್ರೀಯನ್ ಪೊಯೆಟ್ ಅನ್ನೋ ಹೆಸರಿನ ಟ್ವಿಟರ್ ಖಾತೆಯಲ್ಲಿ ತಮಗಾದ ಅನ್ಯಾಯವನ್ನ ಹೇಳಿಕೊಂಡಿದ್ದಾರೆ.

ಇಷ್ಟು ದಿನ ಕ್ರಿಕೆಟ್ #Metoo ಆರೋಪದಿಂದ ದೂರವಿತ್ತು. ಆದರೆ ಶ್ರೀಲಂಕಾ ಕ್ರಿಕೆಟಿಗ ಲಸಿತ್ ಮಲಿಂಗ ಹಾಗೂ ಮಾಜಿ ಕ್ರಿಕೆಟಿಗ ಅರ್ಜುನ್ ರಣತುಂಗ ವಿರುದ್ದ ಲೈಗಿಂಕ ಆರೋಪ ಕೇಳಿಬಂದಿತ್ತು. ಇದರ ಬೆನ್ನಲ್ಲೇ ಬಿಸಿಸಿಐ ಸಿಇಓ ಮೇಲೂ ಆರೋಪ ಕೇಳಿಬಂದಿರೋದು ನಿಜಕ್ಕೂ ದುರಂತ.