ಯುಎಇ ಕ್ರಿಕೆಟ್‌ ಮಂಡಳಿ ಪರವಾಗಿ ಅಮಾನತುಗೊಳಿಸಿರುವ ಐಸಿಸಿ, 38 ವರ್ಷದ ಆಟಗಾರನ ವಿರುದ್ಧ 3 ನಿಯಮ ಉಲ್ಲಂಘನೆ ಆಧಾರದಡಿ ಪ್ರಕರಣ ದಾಖಲಿಸಿದೆ. ಆಟಗಾರರಿಗೆ ನಿಯಮ ಉಲ್ಲಂಘಿಸುವಂತೆ, ಫಿಕ್ಸಿಂಗ್ ನಡೆಸುವಂತೆ ಉತ್ತೇಜನ ನೀಡಿದ್ದರು ಎಂದು ಐಸಿಸಿ ತಿಳಿಸಿದೆ.
ದುಬೈ(ನ.14): ಯುಎಇನಲ್ಲಿ ಕಳೆದ ವರ್ಷ ನಡೆದ ಟಿ10 ಲೀಗ್‌ನಲ್ಲಿ ಮ್ಯಾಚ್‌ ಫಿಕ್ಸಿಂಗ್ ನಡೆಸಿದ್ದಾರೆ ಎಂದು ಆರೋಪಿಸಿ ಶ್ರೀಲಂಕಾದ ಮಾಜಿ ಆಲ್ರೌಂಡರ್‌ ದಿಲ್ಹಾರಾ ಲೋಕುಹೆಟ್ಟಿಗೆಯನ್ನು ಐಸಿಸಿ, ಅಮಾನತುಗೊಳಿಸಿದೆ.
ಯುಎಇ ಕ್ರಿಕೆಟ್‌ ಮಂಡಳಿ ಪರವಾಗಿ ಅಮಾನತುಗೊಳಿಸಿರುವ ಐಸಿಸಿ, 38 ವರ್ಷದ ಆಟಗಾರನ ವಿರುದ್ಧ 3 ನಿಯಮ ಉಲ್ಲಂಘನೆ ಆಧಾರದಡಿ ಪ್ರಕರಣ ದಾಖಲಿಸಿದೆ. ಆಟಗಾರರಿಗೆ ನಿಯಮ ಉಲ್ಲಂಘಿಸುವಂತೆ, ಫಿಕ್ಸಿಂಗ್ ನಡೆಸುವಂತೆ ಉತ್ತೇಜನ ನೀಡಿದ್ದರು ಎಂದು ಐಸಿಸಿ ತಿಳಿಸಿದೆ. ಪ್ರಕರಣದ ಕುರಿತು ಪ್ರತಿಕ್ರಿಯಿಸಲು ಅವರಿಗೆ 14 ದಿನಗಳ ಕಾಲಾವಕಾಶ ನೀಡಲಾಗಿದೆ.
2005ರಿಂದ 2013ರ ಅವಧಿಯಲ್ಲಿ ಲೋಕುಹೆಟ್ಟಿಗೆ ಶ್ರೀಲಂಕಾ ಪರ 9 ಏಕದಿನ ಹಾಗೂ 2 ಟಿ20 ಪಂದ್ಯಗಳನ್ನು ಆಡಿದ್ದಾರೆ.