
ನ್ಯೂಯಾರ್ಕ್(ಸೆ.04): ಸುಮಾರು 15 ತಿಂಗಳು ನಿಷೇಧದ ಬಳಿಕ ಮೊದಲ ಬಾರಿಗೆ ಗ್ರ್ಯಾಂಡ್'ಸ್ಲಾಂನಲ್ಲಿ ಕಣಕ್ಕಿಳಿದು ಪ್ರಶಸ್ತಿ ಜಯಿಸುವ ಕನಸು ಕಾಣುತ್ತಿದ್ದ ಮರಿಯಾ ಶರಪೋವಾಗೆ ಆಘಾತವಾಗಿದೆ. ಮಹಿಳಾ ಸಿಂಗಲ್ಸ್'ನ ನಾಲ್ಕನೇ ಸುತ್ತಿನಲ್ಲಿ ರಷ್ಯಾ ಆಟಗಾರ್ತಿ, 16ನೇ ಶ್ರೇಯಾಂಕಿತೆ ಲಾತ್ವಿಯಾದ ಅನಸ್ತಾನಿಯ ಸೆವಸ್ಟೊವಾ ವಿರುದ್ಧ 7-5, 4-6, 2-6 ಸೆಟ್'ಗಳಲ್ಲಿ ಸೋಲುಂಡರು.
2006ರ ಯುಎಸ್ ಓಪನ್ ಚಾಂಪಿಯನ್ ಶರಪೋವಾ, ಮೊದಲ ಸೆಟ್'ನಲ್ಲಿ ಗೆಲುವು ಸಾಧಿಸಿದರೂ, ಆನಂತರ ಅನಗತ್ಯ ತಪ್ಪುಗಳ ಮೂಲಕ ಮುಂದಿನ ಎರಡು ಸೆಟ್ ಬಿಟ್ಟುಕೊಟ್ಟರು. ಸೋಲಿನ ಬಳಿಕ ಮಾತನಾಡಿದ ಶರಪೋವಾ ‘ಹಿಂದಿರುಗಿ ನೋಡಿದಾಗ ಈ ಪಂದ್ಯಾವಳಿಯಲ್ಲಿ ನನ್ನ ಪ್ರದರ್ಶನ ಖುಷಿ ನೀಡಿದೆ. ಈ ಪಂದ್ಯಾವಳಿ ಸಾಕಷ್ಟು ಅನುಭವ ನೀಡಿದೆ’ ಎಂದಿದ್ದಾರೆ.
ಮುಗುರುಜಾ ನಿರ್ಗಮನ:
ಹಾಲಿ ವಿಂಬಲ್ಡನ್ ಚಾಂಪಿಯನ್ ಸ್ಪೇನ್'ನ ಗಾರ್ಬೈನ್ ಮುಗುರುಜಾ ಸಹ ಪಂದ್ಯಾವಳಿಯಿಂದ ನಿರ್ಗಮಿಸಿದ್ದಾರೆ.
ಪ್ರೀ ಕ್ವಾರ್ಟರ್'ನಲ್ಲಿ 3ನೇ ಶ್ರೇಯಾಂಕಿತೆ ಮುಗುರುಜಾ, 13ನೇ ಶ್ರೇಯಾಂಕಿತೆ ಜೆಕ್ ಗಣರಾಜ್ಯದ ಪೆಟ್ರಾ ಕ್ವಿಟೊವಾ ವಿರುದ್ಧ ಸೋಲುಂಡರು. ಕ್ವಿಟೊವಾ 7-6(7/3), 6-3 ಸೆಟ್'ಗಳಲ್ಲಿ ಸುಲಭ ಜಯ ದಾಖಲಿಸಿದರು.
ಕ್ರಿಕೆಟ್ ಮತ್ತು ಕ್ರೀಡಾ ಜಗತ್ತಿನ (Sports News in Kannada) ಕ್ಷಣಕ್ಷಣದ ಕನ್ನಡ ಸುದ್ದಿ ಅಪ್ಡೇಟ್ಗಳಿಗಾಗಿ ಏಷ್ಯಾನೆಟ್ ಸುವರ್ಣ ನ್ಯೂಸ್ ಫಾಲೋ ಮಾಡಿ. ಐಪಿಎಲ್ ಲೈವ್ ಸೇರಿದಂತೆ ಟೀಂ ಇಂಡಿಯಾದ ಬ್ರೇಕಿಂಗ್ ಸುದ್ದಿ (Cricket News in Kannada), ವಿಶೇಷ ವರದಿಗಳು ಮತ್ತು ನೇರ ಪ್ರಸಾರಗಳೊಂದಿಗೆ ಸಂಪೂರ್ಣ ಮಾಹಿತಿ ನಿಮ್ಮ ಒಂದೇ ಕ್ಲಿಕ್ನಲ್ಲಿ ಲಭ್ಯ. ಏಷ್ಯಾನೆಟ್ ಸುವರ್ಣ ನ್ಯೂಸ್ ಅಧಿಕೃತ ಆ್ಯಪ್ ಡೌನ್ಲೋಡ್ ಮಾಡಿ ಹಾಗೂ ಎಲ್ಲಾ ಅಪ್ಡೇಟ್ ಗಳನ್ನು ಪಡೆಯಿರಿ.