ಮಹರಾಜ್ ಘರ್ಜನೆಗೆ ಸೋಲೊಪ್ಪಿಕೊಂಡ ಕಿವೀಸ್

ಯುವ ಎಡಗೈ ಸ್ಪಿನ್ನರ್ ಕೇಶವ್ ಮಹರಾಜ್ ಶಿಸ್ತುಬದ್ಧ ದಾಳಿಗೆ ನಿರುತ್ತರವಾದ ಕಿವೀಸ್ ಪಡೆ ತವರಿನಲ್ಲೇ ತೀವ್ರ ಮುಖಭಂಗ ಎದುರಿಸುವಂತಾಯಿತು.

ವೆಲ್ಲಿಂಗ್ಟನ್(ಮಾ.18): ಕೇಶವ್ ಮಹರಾಜ್ ಮಾರಕ ಸ್ಪಿನ್'ಗೆ(40/6) ತತ್ತರಿಸಿದ ನ್ಯೂಜಿಲ್ಯಾಂಡ್ ತಂಡ ಮೂರೇ ದಿನಕ್ಕೆ ದಕ್ಷಿಣ ಆಫ್ರಿಕಾ ತಂಡದೆದುರು ಶರಣಾಗಿದೆ.

ಯುವ ಎಡಗೈ ಸ್ಪಿನ್ನರ್ ಕೇಶವ್ ಮಹರಾಜ್ ಶಿಸ್ತುಬದ್ಧ ದಾಳಿಗೆ ನಿರುತ್ತರವಾದ ಕಿವೀಸ್ ಪಡೆ ತವರಿನಲ್ಲೇ ತೀವ್ರ ಮುಖಭಂಗ ಎದುರಿಸುವಂತಾಯಿತು.

ವೆಲ್ಲಿಂಗ್ಟನ್'ನಲ್ಲಿ ನಡೆದ ಎರಡನೇ ಟೆಸ್ಟ್'ನಲ್ಲಿ ಮೊದಲು ಬ್ಯಾಟ್ ಮಾಡಿದ ನ್ಯೂಜಿಲ್ಯಾಂಡ್ 268 ರನ್'ಗಳಿಗೆ ಸರ್ವಪತನ ಕಂಡಿತು. ಇದಕ್ಕುತ್ತರವಾಗಿ ದಕ್ಷಿಣ ಆಫ್ರಿಕಾ 359 ರನ್'ಗಳಿಸಿತ್ತು.

ಇದಾದ ನಂತರ ಎರಡನೇ ಇನಿಂಗ್ಸ್ ಆರಂಭಿಸಿದ ಕಿವೀಸ್ ಪಡೆ ಕೇವಲ 171 ರನ್'ಗಳಿಗೆ ಆಲೌಟ್ ಆಗುವ ಮೂಲಕ 83 ರನ್'ಗಳ ಗುರಿ ನೀಡಿತು. ಅಲ್ಪಗುರಿ ಬೆನ್ನತ್ತಿದ ಹರಿಣಗಳ ಪಡೆ ಕೇವಲ ಎರಡು ವಿಕೆಟ್ ಕಳೆದುಕೊಂಡು ಕೇವಲ ಮೂರೇ ದಿನಗಳಲ್ಲಿ ಜಯದ ನಗೆ ಬೀರಿತು.

ಆಫ್ರಿಕಾ ಪರ ಕೇಶವ್ ಮಹರಾಜ್ ಕೇವಲ 40 ರನ್ ನೀಡಿ 6 ಪಡೆದು ತಂಡ ಗೆಲುವಿನಲ್ಲಿ ಪ್ರಮುಖ ಪಾತ್ರವಹಿಸಿದರು. ಈ ಮೂಲಕ ಮೂರು ಟೆಸ್ಟ್ ಪಂದ್ಯಗಳ ಸರಣಿಯಲ್ಲಿ ದಕ್ಷಿಣ ಆಫ್ರಿಕಾ ತಂಡ 1-0 ಅಂತರದಲ್ಲಿ ಮುನ್ನೆಡೆ ಕಾಯ್ದುಕೊಂಡಿತು. ಮೊದಲ ಟೆಸ್ಟ್ ಪಂದ್ಯ ಡ್ರಾನಲ್ಲಿ ಅಂತ್ಯಕಂಡಿದ್ದು, ಮೂರನೇ ಟೆಸ್ಟ್ ಪಂದ್ಯ ಮಾರ್ಚ್ 25ರಂದು ಹ್ಯಾಮಿಲ್ಟನ್'ನಲ್ಲಿ ನಡೆಯಲಿದೆ.