ಭದ್ರತಾ ಪಡೆ ಕಣ್ತಪ್ಪಿಸಿ ಎಂ ಎಸ್ ಧೋನಿ ಬೈಕ್ ರೈಡ್!
ಸಾರಾಂಶ
ಟೀಂ ಇಂಡಿಯಾ ಮಾಜಿ ನಾಯಕ ಎಂ ಎಸ್ ಧೋನಿಗೆ ಅಲ್ಪ ಸಮಯ ಸಿಕ್ಕಿದರೂ ಸಾಕು, ಬೈಕ್ ಮೇಲೆ ಸವಾರಿ ಮಾಡ್ತಾರೆ. ಇದೀಗ ಸಿಕ್ಕಿರೋ ಸಮಯದಲ್ಲಿ ಧೋನಿ ಬುಲೆಟ್ ಏರಿ ಸವಾರಿ ಮಾಡಿದ್ದಾರೆ. ಆದರೆ ಭದ್ರತಾ ಸಿಬ್ಬಂಧಿಗಳ ಕಣ್ತಪ್ಪಿಸಿ ಧೋನಿ ಬೈಕ್ ರೈಡ್ ಮಾಡಿದ್ದಾರೆ. ಇಲ್ಲಿದೆ ಧೋನಿ ಬೈಕ್ ರೈಡ್ ವಿವರ.
ಶಿಮ್ಲಾ(ಆ.28): ಟೀಂ ಇಂಡಿಯಾ ಮಾಜಿ ನಾಯಕ ಎಂ ಎಸ್ ಧೋನಿ ಸದ್ಯ ಕುಟುಂಬದ ಜೊತೆ ಹಿಮಾಚಲ ಪ್ರದೇಶದ ಶಿಮ್ಲಾದಲ್ಲಿದ್ದಾರೆ. ಇಂಗ್ಲೆಂಡ್ ವಿರುದ್ಧದ ನಿಗಧಿತ ಓವರ್ ಸರಣಿ ಬಳಿಕ ಧೋನಿ ವಿಶ್ರಾಂತಿಗೆ ಜಾರಿದ್ದಾರೆ. ಇದೀಗ ಸಿಕ್ಕ ಸಮಯದಲ್ಲಿ ಧೋನಿ ಕುಟುಂಬದ ಜೊತೆ ಶಿಮ್ಲಾಗೆ ಹಾರಿದ್ದಾರೆ.
ಶಿಮ್ಲಾದ ಸುಂದರ ತಾಣದಲ್ಲಿ ಬೀಡುಬಿಟ್ಟಿರುವ ಧೋನಿ ಕುಟುಂಬ ಸಖತ್ ಎಂಜಾಯ್ ಮಾಡುತ್ತಿದೆ. ವಿಶೇಷ ಅಂದರೆ ಧೋನಿ ಹಾಗೂ ಧೋನಿ ಮಿತ್ರ , ರಿತಿ ಸ್ಪೋರ್ಟ್ಸ್ ಮುಖ್ಯಸ್ಥ ಅರುಣ್ ಪಾಂಡೆ ಬೆಳ್ಳಂಬೆಳಗ್ಗೆ ಶಿಮ್ಲಾ ಬೆಟ್ಟಗುಡ್ಡಗಳ ದಾರಿಯಲ್ಲಿ ಬೈಕ್ ರೈಡ್ ಮಾಡಿದ್ದಾರೆ.
ಬುಲೆಟ್ ಬೈಕ್ ಏರಿ ಶಿಮ್ಲಾ ಸುಂದರ ತಾಣಗಳಲ್ಲಿ ಎಂ ಎಸ್ ಧೋನಿ ಹಾಗೂ ಅರುಣ್ ಪಾಂಡೆ ಸುತ್ತಾಡಿದ್ದಾರೆ. ಆದರೆ ಯಾವುದೇ ಭದ್ರತಾ ಸಿಬ್ಬಂಧಿಗಳಿಲ್ಲದೆ ಧೋನಿ ಹಾಗೂ ಅರುಣ್ ಪಾಂಡೆ ಶಿಮ್ಲಾದಲ್ಲಿ ಸುತ್ತಾಡಿದ್ದಾರೆ.
ಬ್ರೌನ್ ಜಾಕೆಟ್, ಬ್ಲೂ ಜೀನ್ಸ್ , ಗಾಗಲ್ಸ್ ಹಾಗೂ ಹೆಲ್ಮೆಟ್ ಹಾಕಿದ ಧೋನಿ ಶಿಮ್ಲಾ ಸುತ್ತಾಡಿದ್ದಾರೆ. ಧೋನಿಗೆ ಅರುಣ್ ಪಾಂಡೆ ಕೂಡ ಸಾಥ್ ನೀಡಿದ್ದಾರೆ. ಇವರಿಬ್ಬರು ಶಿಮ್ಲಾ ದಾರಿಯಲ್ಲಿ ಸುತ್ತಾಡುತ್ತಿರುವ ಚಿತ್ರಗಳು ಇದೀಗ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.
ಇದನ್ನೂ ಓದಿ: ಫ್ಯಾಮಿಲಿ ಜೊತೆ ಎಂ ಎಸ್ ಧೋನಿ ಶಿಮ್ಲಾ ಟೂರ್!
ಕ್ರಿಕೆಟ್ ಮತ್ತು ಕ್ರೀಡಾ ಜಗತ್ತಿನ (Sports News in Kannada) ಕ್ಷಣಕ್ಷಣದ ಕನ್ನಡ ಸುದ್ದಿ ಅಪ್ಡೇಟ್ಗಳಿಗಾಗಿ ಏಷ್ಯಾನೆಟ್ ಸುವರ್ಣ ನ್ಯೂಸ್ ಫಾಲೋ ಮಾಡಿ. ಐಪಿಎಲ್ ಲೈವ್ ಸೇರಿದಂತೆ ಟೀಂ ಇಂಡಿಯಾದ ಬ್ರೇಕಿಂಗ್ ಸುದ್ದಿ (Cricket News in Kannada), ವಿಶೇಷ ವರದಿಗಳು ಮತ್ತು ನೇರ ಪ್ರಸಾರಗಳೊಂದಿಗೆ ಸಂಪೂರ್ಣ ಮಾಹಿತಿ ನಿಮ್ಮ ಒಂದೇ ಕ್ಲಿಕ್ನಲ್ಲಿ ಲಭ್ಯ. ಏಷ್ಯಾನೆಟ್ ಸುವರ್ಣ ನ್ಯೂಸ್ ಅಧಿಕೃತ ಆ್ಯಪ್ ಡೌನ್ಲೋಡ್ ಮಾಡಿ ಹಾಗೂ ಎಲ್ಲಾ ಅಪ್ಡೇಟ್ ಗಳನ್ನು ಪಡೆಯಿರಿ.