ಆಸ್ಟ್ರೇಲಿಯಾ ಫುಟ್ಬಾಲ್ ಪಂದ್ಯಕ್ಕೆ ಅಡ್ಡಿಪಡಿಸಿದ ಕಾಂಗರೂ
ಸಾರಾಂಶ
ಫುಟ್ಬಾಲ್ ಪಂದ್ಯ ಸ್ಥಗಿತಗೊಳ್ಳೋದು ವಿರಳ. ಇಂಜುರಿ, ಹಾಗೂ ಇತರ ಕಾರಣಗಳಿಂದ ಹೆಚ್ಚು ಅಂದರೆ 5 ರಿಂದ 10 ನಿಮಿಷ ಪಂದ್ಯ ಸ್ಥಗಿತಗೊಂಡ ಉದಾಹರಣೆಗಳಿವೆ. ಆದರೆ ಆಸ್ಟ್ರೇಲಿಯಾದ ಮಹಿಳಾ ತಂಡದ ಮಹತ್ವದ ಪಂದ್ಯ ಅರ್ಧಗಂಟೆಗೂ ಹೆಚ್ಚು ಕಾಲ ಸ್ಥಗಿತಗೊಂಡಿತ್ತು. ಇದಕ್ಕೆ ಕಾರಣ ಕಾಂಗರೂ. ಏನಿದು ಸ್ಟೋರಿ,ಇಲ್ಲಿದೆ.
ಕ್ಯಾನಬೆರಾ(ಜೂ.25): ಆಸ್ಟ್ರೇಲಿಯಾ ಫಿಪಾ ವಿಶ್ವಕಪ್ ಟೂರ್ನಿಯಲ್ಲಿ ಹೋರಾಟ ನಡೆಸುತ್ತಿದ್ದರೆ, ಇತ್ತ ಆಸ್ಟ್ರೇಲಿಯಾ ಮಹಿಳಾ ತಂಡಗಳಾದ ಕ್ಯಾಪಿಟಲ್ ಫುಟ್ಬಾಲ್ ಕ್ಲಬ್ ಹಾಗೂ ಬೆಲ್ಕಾನೆನ್ ಯುನೈಟೆಡ್ ತಂಡಗಳು ಮಹತ್ವದ ಪಂದ್ಯ ಆಡುತ್ತಿದೆ. ರೋಚಕ ಪಂದ್ಯದ ಮೊದಲಾರ್ಧ ಇನ್ನೇನು ಅಂತ್ಯವಾಗಬೇಕು ಅನ್ನುವಷ್ಟರಲ್ಲೇ ಕಾಂಗರೂ ದಿಢೀರ್ ಎಂಟ್ರಿ ಕೊಟ್ಟು, ಪಂದ್ಯವನ್ನೇ ನಿಲ್ಲಿಸಿಬಿಟ್ಟಿತು.
ಬೆಲ್ಕಾನೆನ್ 1-0 ಅಂತರದಲ್ಲಿ ಮುನ್ನಡೆ ಪಡೆದುಕೊಂಡಿತ್ತು. ಇತ್ತ ಕ್ಯಾಪಿಟಲ್ ತಂಡ ಇನ್ನೇನು ಗೋಲು ಬಾರಿಸಬೇಕು ಅನ್ನುವಷ್ಟರಲ್ಲೇ ಪಂದ್ಯ ಸ್ಥಗಿತಗೊಂಡಿತು. ದಿಢೀರ್ ಆಗಿ ಕಾಂಗರೂ ಮೈದಾನಕ್ಕೆ ಲಗ್ಗೆ ಇಟ್ಟಿತು. ಸುಮಾರು ಅರ್ಧ ಗಂಟೆಗಳಷ್ಟು ಕಾಲ ಕಾಂಗರೂ ಮೈದಾನದಲ್ಲಿ ಸುತ್ತಾಡಿತು.
ಮೈದಾನದಲ್ಲೇ ಬೀಡುಬಿಟ್ಟ ಕಾಂಗರೂ ಒಡಿಸಲು ಸಿಬ್ಬಂಧಿ ಒಳಪ್ರವೇಶಿಸಿ ಬೇಕಾಯಿತು. ಸಿಬ್ಬಂಧಿಗಳ ಪ್ರಯತ್ನದಿಂದ ಕಾಂಗರೂ ಮೈದಾನ ಬಿಟ್ಟು ತೆರಳಿತು. ಬಳಿಕ ಪಂದ್ಯ ಆರಂಭಗೊಂಡಿತು.
ಕ್ರಿಕೆಟ್ ಮತ್ತು ಕ್ರೀಡಾ ಜಗತ್ತಿನ (Sports News in Kannada) ಕ್ಷಣಕ್ಷಣದ ಕನ್ನಡ ಸುದ್ದಿ ಅಪ್ಡೇಟ್ಗಳಿಗಾಗಿ ಏಷ್ಯಾನೆಟ್ ಸುವರ್ಣ ನ್ಯೂಸ್ ಫಾಲೋ ಮಾಡಿ. ಐಪಿಎಲ್ ಲೈವ್ ಸೇರಿದಂತೆ ಟೀಂ ಇಂಡಿಯಾದ ಬ್ರೇಕಿಂಗ್ ಸುದ್ದಿ (Cricket News in Kannada), ವಿಶೇಷ ವರದಿಗಳು ಮತ್ತು ನೇರ ಪ್ರಸಾರಗಳೊಂದಿಗೆ ಸಂಪೂರ್ಣ ಮಾಹಿತಿ ನಿಮ್ಮ ಒಂದೇ ಕ್ಲಿಕ್ನಲ್ಲಿ ಲಭ್ಯ. ಏಷ್ಯಾನೆಟ್ ಸುವರ್ಣ ನ್ಯೂಸ್ ಅಧಿಕೃತ ಆ್ಯಪ್ ಡೌನ್ಲೋಡ್ ಮಾಡಿ ಹಾಗೂ ಎಲ್ಲಾ ಅಪ್ಡೇಟ್ ಗಳನ್ನು ಪಡೆಯಿರಿ.