ಕೊಹ್ಲಿ, ABD ಹೊರತು ಪಡಿಸಿದ್ರೆ RCBಯಲ್ಲಿದ್ದಾರೆ ಮೂವರು ಗೇಮ್ ಚೇಂಜರ್ಸ್!

12ನೇ ಐಪಿಎಲ್ ಟೂರ್ನಿಯಲ್ಲಿ  RCB ತಂಡ ಮತ್ತಷ್ಟು ಬಲಿಷ್ಟವಾಗಿದೆ. ನಾಯಕ ವಿರಾಟ್ ಕೊಹ್ಲಿ, ಎಬಿ ಡಿವಿಲಿಯರ್ಸ್ ಹೊರತು ಪಡಿಸಿದರೆ ತಂಡದಲ್ಲಿ ಮೂವರು ಯುವ ಕ್ರಿಕೆಟಿಗರು ಗೇಮ್ ಚೇಂಜರ್‌ಗಳಾಗಿ ಗುರುತಿಸಿಕೊಂಡಿದ್ದಾರೆ. ಮೂವರು ಯುವ ಕ್ರಿಕೆಟಿಗರ ವಿವರ ಇಲ್ಲಿದೆ.  

ಬೆಂಗಳೂರು(ಮಾ.20): ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡ 12ನೇ ಆವೃತ್ತಿ ಪ್ರಶಸ್ತಿ ಮೇಲೆ ಕಣ್ಣಿಟ್ಟಿದೆ. ಇದಕ್ಕಾಗಿ ಭರ್ಜರಿ ತಯಾರಿ ಕೂಡ ನಡೆಸುತ್ತಿದೆ. ಈ ಬಾರಿಯ ಹರಾಜಿನಲ್ಲಿ ಯುವ ಆಟಗಾರರಿಗೆ ಮಣೆ ಹಾಕಿದ RCB ಬಲಿಷ್ಠ ತಂಡವನ್ನು ಸಜ್ಜುಗೊಳಿಸಿದೆ. ನಾಯಕ ವಿರಾಟ್  ಕೊಹ್ಲಿ, ಎಬಿ ಡಿವಿಲಿಯರ್ಸ್ ಹೊರತು ಪಡಿಸಿದರೆ, ತಂಡದಲ್ಲಿರುವ ಮೂವರು ಯುವ ಕ್ರಿಕೆಟಿಗರು ಗೇಮ್ ಚೇಂಜ್ ಮಾಡೋ ಸಾಮರ್ಥ್ಯ ಹೊಂದಿದ್ದಾರೆ.

1 ಶಿಮ್ರೊನ್ ಹೆಟ್ಮೆಯರ್
ವೆಸ್ಟ್ ಇಂಡೀಸ್ ಯುವ ಬ್ಯಾಟ್ಸ್‌ಮನ್ ಶಿಮ್ರೊನ್ ಹೆಟ್ಮೆಯರ್, ಆಡಿರೋದು 24 ಏಕದಿನ ಪಂದ್ಯ. ಅಷ್ಟರಲ್ಲೇ 4 ಶತಕ ಸಿಡಿಸಿದ್ದಾರೆ. 2016ರ ವಿಂಡೀಸ್ ಅಂಡರ್-19 ತಂಡದಲ್ಲಿದ್ದ ಶಿಮ್ರೊನ್ ಸ್ಫೋಟಕ ಬ್ಯಾಟಿಂಗ್ ಮೂಲಕ ಚಾಂಪಿಯನ್ ಪಟ್ಟ ಗೆಲ್ಲಿಸಿಕೊಟ್ಟಿದ್ದರು. 22 ವರ್ಷದ ಈ ಯುವ ಬ್ಯಾಟ್ಸ್‌ಮನ್ ಏಕಾಂಗಿಯಾ ಪಂದ್ಯದ ಗತಿಯನ್ನು ಬದಲಿಸಬಲ್ಲರು.

2 ನವದೀಪ್ ಸೈನಿ
ದೆಹಲಿಯ ವೇಗಿ ನವದೀಪ್ ಸೈನಿ ಸ್ಥಿರ ಪ್ರದರ್ಶನ ನೀಡುತ್ತಿರುವ ಕ್ರಿಕೆಟಿಗ. 2017-18ರಲ್ಲಿ ದೆಹಲಿ ರಣಜಿ ತಂಡ ಫೈನಲ್ ಪ್ರವೇಶಿಸಲು ಮುಖ್ಯ ಕಾರಣ ನವದೀಪ್ ಸೈನಿ ಮಾರಕ ದಾಳಿ. ಸೆಮಿಫೈನಲ್ ಪಂದ್ಯದಲ್ಲಿ 7 ವಿಕೆಟ್ ಕಬಳಿಸಿ ಮೊಹಮ್ಮದ್ ಶಮಿ ಬದಲು ಟೀಂ ಇಂಡಿಯಾ ಟೆಸ್ಟ್ ತಂಡಕ್ಕೂ ಆಯ್ಕೆಯಾಗಿದ್ದರು. 26 ವರ್ಷದ ಈ ವೇಗಿ RCB ಬೌಲಿಂಗ್ ವಿಭಾಗಕ್ಕೆ ಮತ್ತಷ್ಟು ಶಕ್ತಿ ನೀಡಿದ್ದಾರೆ.

3 ಶಿವಂ ದುಬೆ
ಈ ಬಾರಿಯ ರಣಜಿ ಟ್ರೋಫಿ ಪಂದ್ಯದಲ್ಲಿ ಬರೋಡಾ ವಿರುದ್ಧ ಒವರ್‌ನ 5 ಎಸೆತಗಳನ್ನು ಸಿಕ್ಸರ್ ಸಿಡಿಸಿ ಎಲ್ಲರ ಗಮನಸೆಳೆದಿದ್ದರು. 25 ವರ್ಷದ ಈ ಆಲ್ರೌಂಡರ್ ಸ್ಫೋಟಕ ಬ್ಯಾಟ್ಸ್‌ಮನ್ ಹಾಗೂ ವೇಗಿ ಅನ್ನೋದು ವಿಶೇಷ. ಕಳೆದ ವರ್ಷದ ಮುಂಬೈ ಲೀಗ್ ಟೂರ್ನಿಯಲ್ಲಿ ಪ್ರವೀಣ್ ತಾಂಬೆಯ ಓವರ್‌ನ 5 ಎಸೆತವನ್ನು ಸಿಕ್ಸರ್ ಸಿಡಿಸಿದ್ದರು. ಇದೀಗ RCB ತಂಡದ ಲಕ್ ಬದಲಿಸುವಲ್ಲಿ ಶಿವಂ ದುಬೆ ಪ್ರಮುಖ ಪಾತ್ರ ನಿರ್ವಹಿಸಲಿದ್ದಾರೆ.