ಏಷ್ಯಾ ಸೈಕ್ಲಿಂಗ್: ಭಾರತದ ರೋನಾಲ್ಟೋ ಏಷ್ಯಾ ದಾಖಲೆ
ಸಾರಾಂಶ
ಏಷ್ಯಾ ಕಪ್ ಸೈಕ್ಲಿಂಗ್ ಚಾಂಪಿಯನ್ಶಿಪ್ನಲ್ಲಿ ಭಾರತೀಯ ಕ್ರೀಡಾಪಟುಗಳ ಪದಕ ಬೇಟೆ ಎರಡನೇ ದಿನವೂ ಮುಂದುವರೆದಿದೆ. ಭಾರತದ ತಾರಾ ಸೈಕ್ಲಿಸ್ಟ್ ರೋನಾಲ್ಡೋ ಲೈಟೊನ್ಜಾಮ್ ಏಷ್ಯಾ ದಾಖಲೆ ನಿರ್ಮಿಸಿದ್ದಾರೆ. ಈ ಕುರಿತಾದ ವರದಿ ಇಲ್ಲಿದೆ ನೋಡಿ
ನವದೆಹಲಿ[ಸೆ.11]: ಭಾರತದ ತಾರಾ ಸೈಕ್ಲಿಸ್ಟ್ ರೋನಾಲ್ಡೋ ಲೈಟೊನ್ಜಾಮ್, ಇಲ್ಲಿ ನಡೆಯುತ್ತಿರುವ ಟ್ರ್ಯಾಕ್ ಏಷ್ಯಾ ಕಪ್ ಸೈಕ್ಲಿಂಗ್ ಚಾಂಪಿಯನ್ಶಿಪ್ನ ಕಿರಿಯ ಪುರುಷರ 200 ಮೀ. ಟೈಮ್ ಟ್ರಯಲ್ ಸ್ಪರ್ಧೆಯಲ್ಲಿ ನೂತನ ಏಷ್ಯನ್ ದಾಖಲೆಯೊಂದಿಗೆ ಚಿನ್ನ ಗೆದ್ದಿದ್ದಾರೆ.
ಮೊದಲ ದಿನದ ಸ್ಪರ್ಧೆಯಲ್ಲಿ 2 ಚಿನ್ನ ಗೆದ್ದಿದ್ದ ರೋನಾಲ್ಡೋ, 10.065 ಸೆ.ಗಳಲ್ಲಿ ಗುರಿ ಮುಟ್ಟಿದರು. ಚೀನಾದ ಸೈಕ್ಲಿಸ್ಟ್ ಲಿಯು ಕಿ, 2018ರಲ್ಲಿ 10.149 ಸೆ.ಗಳಲ್ಲಿ ಗುರಿ ತಲುಪಿ ನಿರ್ಮಿಸಿದ್ದ ದಾಖಲೆಯನ್ನು ರೋನಾಲ್ಡೋ ಮುರಿದರು.
ಏಷ್ಯಾ ಕಪ್ ಸೈಕ್ಲಿಂಗ್ ಚಾಂಪಿಯನ್ಶಿಪ್: ರಾಜ್ಯದ ವೆಂಕಪ್ಪಗೆ ಬೆಳ್ಳಿ
ರಾಜ್ಯದ ವೆಂಕಪ್ಪಗೆ ಚಿನ್ನ: ಮೊದಲ ದಿನ ಬೆಳ್ಳಿ ಜಯಿಸಿದ್ದ ಕರ್ನಾಟಕದ ವೆಂಕಪ್ಪ ಕೆಂಗಲಗುತ್ತಿ, 2ನೇ ದಿನ ಕಿರಿಯ ಪುರುಷರ 3 ಕಿ.ಮೀ. ವೈಯಕ್ತಿಕ ಪಸ್ರ್ಯೂಟ್ ಸ್ಪರ್ಧೆಯಲ್ಲಿ (3:30. 106 ಸೆ.ಗಳಲ್ಲಿ) ಚಿನ್ನ ಜಯಿಸಿದರು. ಸಾಯ್ನ ಮೂಲ ರಾಮ್ ಬೆಳ್ಳಿ ಗೆದ್ದರು. ಪುರುಷರ 4 ಕಿ.ಮೀ ಎಲೈಟ್ ವೈಯಕ್ತಿಕ ಪಸ್ರ್ಯೂಟ್ ಸ್ಪರ್ಧೆಯಲ್ಲಿ ಪೂನಮ್ ಬೆಳ್ಳಿ ಗೆದ್ದರು. ಎಲೈಟ್ ಮಹಿಳೆಯರ 3 ಕಿ.ಮೀ. ವೈಯಕ್ತಿಕ ಪಸ್ರ್ಯೂಟ್ ಸ್ಪರ್ಧೆಯಲ್ಲಿ ಎಲಂಗ್ಬಮ್ ಮತ್ತು ಇರುಂಗ್ಬಮ್ ಕ್ರಮವಾಗಿ ಬೆಳ್ಳಿ ಹಾಗೂ ಕಂಚು ಗೆದ್ದರು.
ಕಿರಿಯ ಮಹಿಳೆಯರ 2 ಕಿ.ಮೀ. ವೈಯಕ್ತಿಕ ಪಸ್ರ್ಯೂಟ್ ಸ್ಪರ್ಧೆಯಲ್ಲಿ ಸಾಯ್ನ ಸ್ವಸ್ಥಿ ಸಿಂಗ್ ಕಂಚು ಜಯಿಸಿದರು. ಭಾರತ, 2ನೇ ದಿನ 2 ಚಿನ್ನ, 3 ಬೆಳ್ಳಿ ಹಾಗೂ 2 ಕಂಚಿನೊಂದಿಗೆ 7 ಪದಕ ಜಯಿಸಿತು. ಒಟ್ಟಾರೆ ಭಾರತ 19 ಪದಕ ಗೆದ್ದಿದೆ.
ಕ್ರಿಕೆಟ್ ಮತ್ತು ಕ್ರೀಡಾ ಜಗತ್ತಿನ (Sports News in Kannada) ಕ್ಷಣಕ್ಷಣದ ಕನ್ನಡ ಸುದ್ದಿ ಅಪ್ಡೇಟ್ಗಳಿಗಾಗಿ ಏಷ್ಯಾನೆಟ್ ಸುವರ್ಣ ನ್ಯೂಸ್ ಫಾಲೋ ಮಾಡಿ. ಐಪಿಎಲ್ ಲೈವ್ ಸೇರಿದಂತೆ ಟೀಂ ಇಂಡಿಯಾದ ಬ್ರೇಕಿಂಗ್ ಸುದ್ದಿ (Cricket News in Kannada), ವಿಶೇಷ ವರದಿಗಳು ಮತ್ತು ನೇರ ಪ್ರಸಾರಗಳೊಂದಿಗೆ ಸಂಪೂರ್ಣ ಮಾಹಿತಿ ನಿಮ್ಮ ಒಂದೇ ಕ್ಲಿಕ್ನಲ್ಲಿ ಲಭ್ಯ. ಏಷ್ಯಾನೆಟ್ ಸುವರ್ಣ ನ್ಯೂಸ್ ಅಧಿಕೃತ ಆ್ಯಪ್ ಡೌನ್ಲೋಡ್ ಮಾಡಿ ಹಾಗೂ ಎಲ್ಲಾ ಅಪ್ಡೇಟ್ ಗಳನ್ನು ಪಡೆಯಿರಿ.