ಭಾರತ ಹಾಗೂ ಚೀನಾ ಮತ್ತೆ ಮುಖಾಮುಖಿಯಾಗುತ್ತಿದೆ. ಈ ಬಾರಿ ಫುಟ್ಬಾಲ್ ಮೈದಾನದಲ್ಲಿ ಅನ್ನೋದು ವಿಶೇಷ. ಕಾರಣ ದಶಕಗಳ ಬಳಿಕ ಭಾರತ ಹಾಗೂ ಚೀನಾ ಫುಟ್ಬಾಲ್ ಪಂದ್ಯ ಆಡುತ್ತಿದೆ. ಇಲ್ಲಿದೆ ಈ ಮಹತ್ವದ ಪಂದ್ಯದ ಮಾಹಿತಿ.
ಸುಝೌ (ಅ.13): 21 ವರ್ಷಗಳ ಬಳಿಕ ಭಾರತ ಹಾಗೂ ಚೀನಾ ಫುಟ್ಬಾಲ್ ತಂಡಗಳು ಶನಿವಾರ ಮುಖಾಮುಖಿಯಾಗಲಿವೆ. ಇದೇ ಮೊದಲ ಬಾರಿಗೆ ಭಾರತ ತಂಡ ಚೀನಾದಲ್ಲಿ ಅಂತಾರಾಷ್ಟ್ರೀಯ ಪಂದ್ಯವನ್ನು ಆಡಲಿದೆ.
For the first time ever the Indian Senior National Team will be playing an International Friendly in China. Let's cheer loud as they face the Red Dragons on October 13. pic.twitter.com/iXMR2tqkKy
— Indian Football Team (@IndianFootball)
ಉಭಯ ತಂಡಗಳು ಈ ವರೆಗೂ 17 ಬಾರಿ ಮುಖಾಮುಖಿಯಾಗಿದ್ದು ಚೀನಾ 12ರಲ್ಲಿ ಗೆದ್ದಿದೆ. 5 ಪಂದ್ಯಗಳು ಡ್ರಾಗೊಂಡಿವೆ. ಭಾರತ-ಚೀನಾ ಕೊನೆ ಬಾರಿಗೆ ಮುಖಾಮುಖಿಯಾಗಿದ್ದು 1997ರ ನೆಹರೂ ಕಪ್‌ ಪಂದ್ಯದಲ್ಲಿ. ಕೊಚ್ಚಿಯಲ್ಲಿ ನಡೆದಿದ್ದ ಈ ಪಂದ್ಯವನ್ನು ಚೀನಾ 2-1ರಲ್ಲಿ ಗೆದ್ದುಕೊಂಡಿತ್ತು.
2019ರ ಜನವರಿಯಲ್ಲಿ ನಡೆಯಲಿರುವ ಎಎಫ್‌ಸಿ ಏಷ್ಯನ್‌ ಕಪ್‌ಗೆ ಪೂರ್ವಭಾವಿ ತಯಾರಿಗಾಗಿ ಈ ಪಂದ್ಯ ಆಯೋಜಿಸಲಾಗಿದೆ. ಫಿಫಾ ರಾರ‍ಯಂಕಿಂಗ್‌ನಲ್ಲಿ ಚೀನಾ 76ನೇ ಸ್ಥಾನದಲ್ಲಿದ್ದರೆ, ಭಾರತ 97ನೇ ಸ್ಥಾನದಲ್ಲಿದೆ.