ರೋಚಕ ಜಯದೊಂದಿಗೆ ಭಾರತಕ್ಕೆ ಸರಣಿ ಗೆಲುವು: ರೋಹಿತ್, ಕೊಹ್ಲಿ ಭರ್ಜರಿ ಶತಕ

ನಾಯಕ ವಿರಾಟ್ ಕೊಹ್ಲಿ ತಾನೇನು ಕಡಿಮೆಯಿಲ್ಲ ಎಂಬಂತೆ 106 ಎಸತೆಗಳಲ್ಲಿ 1 ಸಿಕ್ಸ್'ರ್ ಹಾಗೂ 9 ಅದ್ಭುತ ಬೌಂಡರಿಯೊಂದಿಗೆ 113 ರನ್ ಸಿಡಿಸಿ ಏಕದಿನ ಪಂದ್ಯಗಳಲ್ಲಿ 32ನೇ ಶತಕ ದಾಖಲಿಸಿದರು

ಕಾನ್ಪುರ(ಅ.29): ಕೊನೆಯ ಮೂರು ಓವರ್'ಗಳಲ್ಲಿ ವಿಜಯಲಕ್ಷ್ಮಿ ಯಾರಿಗೆ ಒಲಿಯುತ್ತಾಳೆ ಎನ್ನುವ ಕುತೂಹಲ ಪಂದ್ಯ ವೀಕ್ಷಿಸುತ್ತಿದ್ದ ಪ್ರತಿಯೊಬ್ಬ ಭಾರತೀಯನಿಗಿತ್ತು. ಅಂತಿಮ ಓವರ್'ನಲ್ಲಿ ನ್ಯೂಜಿಲೆಂಡ್ ತಂಡಕ್ಕೆ 15 ರನ್ ಬೇಕಾಗಿತ್ತು. ಚಂಡು ಜಸ್'ಪ್ರೀತ್ ಬುಮ್ರಾ ನೀಡಲಾಯಿತು. 8 ರನ್ ಮಾತ್ರ ನೀಡಿದ ಬುಮ್ರಾ ಭಾರತಕ್ಕೆ 2-1 ಸರಣಿ ಗೆಲ್ಲಿಸುವಲ್ಲಿ ಅತೀ ಮುಖ್ಯಪಾತ್ರ ವಹಿಸಿದರು.

ಟೀಂ ಇಂಡಿಯಾ ನೀಡಿದ 338 ಬೃಹತ್ ಮೊತ್ತವನ್ನು ಬೆನ್ನಟ್ಟಿದ್ದ ಕೇನ್ ವಿಲಿಯಮ್ಸ್ ನೇತೃತ್ವದ ಕಿವೀಸ್ ಪಡೆ 7 ವಿಕೇಟ್ ನಷ್ಟಕ್ಕೆ 331 ರನ್ ಮಾತ್ರ ಗಳಿಸಿ 6 ರನ್'ಗಳ ಅಂತರದಲ್ಲಿ ಸೋಲನ್ನೊಪ್ಪಿಕೊಂಡಿತು. ಗೆಲುವು ತಂದುಕೊಟ್ಟ ಬುಮ್ರಾ 10 ಓವರ್'ಗಳಲ್ಲಿ 47 ರನ್ ನೀಡಿ ಎದುರಾಳಿ ತಂಡದ ಪ್ರಮುಖ 3 ವಿಕೇಟ್'ಗಳನ್ನು ಕಿತ್ತರು.

ಸ್ಫೋಟಕ ಆಟವಾಡಿದ ರೋಹಿತ್, ಕೊಹ್ಲಿ

ಕಾನ್ಪುರದ ಗ್ರೀನ್ ಪಾರ್ಕ್ ಕ್ರೀಡಾಂಗಣದಲ್ಲಿ  ಟಾಸ್ ಗೆದ್ದ ನಾಯಕ ಕೇನ್ ವಿಲಿಯಮ್ಸ್'ನ್ ಭಾರತ ತಂಡವನ್ನು ಬ್ಯಾಟಿಂಗ್'ಗೆ ಆಹ್ವಾನಿಸಿದರು. 6ನೇ ಓವರ್'ನಲ್ಲಿ  ಆರಂಭಿಕ ಆಟಗಾರ ಶಿಖರ್ ಧವನ್ ವಿಕೇಟ್ ಕಳೆದುಕೊಂಡರೂ ಅನಂತರ ರೋಹಿತ್ ಶರ್ಮಾ ಹಾಗೂ ಶಿಖರ್ ಧವನ್ ಅವರ 230 ರನ್'ಗಳ ಜೊತೆಯಾಟದ ನೆರವಿನಿಂದ ಭಾರತ ತಂಡ  ಬೃಹತ್ ಮೊತ್ತ ಗಳಿಸಲು ಸಾಧ್ಯವಾಯಿತು.

ರೋಹಿತ್ ಶರ್ಮಾ 138 ಎಸತಗಳಲ್ಲಿ 18 ಆಕರ್ಷಕ ಬೌಂಡರಿ ಹಾಗೂ 2 ಭರ್ಜರಿ ಸಿಕ್ಸ್'ರ್'ಗಳೊಂದಿಗೆ 147 ರನ್ ಬಾರಿಸಿ ತನ್ನ ವೃತ್ತಿ ಜೀವನದ 14 ಶತಕ ದಾಖಲಿಸಿದರು. ನಾಯಕ ವಿರಾಟ್ ಕೊಹ್ಲಿ ತಾನೇನು ಕಡಿಮೆಯಿಲ್ಲ ಎಂಬಂತೆ 106 ಎಸತೆಗಳಲ್ಲಿ 1 ಸಿಕ್ಸ್'ರ್ ಹಾಗೂ 9 ಅದ್ಭುತ ಬೌಂಡರಿಯೊಂದಿಗೆ 113 ರನ್ ಸಿಡಿಸಿ ಏಕದಿನ ಪಂದ್ಯಗಳಲ್ಲಿ 32ನೇ ಶತಕ ದಾಖಲಿಸಿದರು.

ಇವರಿಬ್ಬರ ವಿಕೆಟ್ ಪತನವಾದ ನಂತರ ಧೋನಿ(25), ಜಾಧವ್(18) ರನ್ ಗಳಿಸುವುದರೊಂದಿಗೆ ಭಾರತ ತಂಡ 6 ವಿಕೇಟ್ ನಷ್ಟಕ್ಕೆ 337 ರನ್ ಪೇರಿಸಿತು. ನ್ಯೂಜಿಲೆಂಡ್ ಪರ ಸೌತಿ ಹಾಗೂ ಮಿಲೇನಿ ತಲಾ 2 ವಿಕೇಟ್''ಗಳನ್ನು ಕಬಳಿಸಿದರು.

ಮುನ್ರೊ, ಕೇನ್, ಲಾಥಮ್ ಉತ್ತಮ ಆಟ

338 ರನ್'ಗಳ ದೊಡ್ಡ ಮೊತ್ತವನ್ನು ಬೆನ್ನಟ್ಟಿದ ಕೇನ್ ಪಡೆಯ ಆಟಗಾರರು ಆರಂಭದಿಂದಲೇ ಅತ್ಯುತ್ತಮವಾಗಿ ಆಟವಾಡಿದರು.   ಆರಂಭಿಕ ಆಟಗಾರ ಮುನ್ರೊ (75),ವಿಲಿಯಮ್ಸ್'ನ್(64), ಲಾಥಮ್(65), ರಾಸ್ ಟೇಲರ್(39),ನಿಕೊಲ್ಸ್(37) ಅವರ ಆಟ ರಕ್ಷಣಾತ್ಮಕ ಆಟ ಭಾರತಕ್ಕೆ ಸೋಲು ಖಚಿತವೆನ್ನುವಂತ್ತಿತ್ತು. ಚಹಾಲ್ ವಿಲಿಯಮ್ಸ್'ನ್ ಹಾಗೂ ಮುನ್ರೊ ಅವರ ವಿಕೇಟ್ ಕಬಳಿದ ನಂತರ ಟೀಂ ಇಂಡಿಯಾ ಆಟಗಾರರ ಮೊಗದಲ್ಲಿ ಸ್ವಲ್ಪ ಮಂದಹಾಸ ಮೂಡಿತು.  48ನೇ ಓವರ್'ನಲ್ಲಿ ಲಾಥಮ್ ರನ್ ಔಟ್ ಆಗುವುದರೊಂದಿಗೆ ಗೆಲುವು ಭಾರತದ ಕಡೆ ವಾಲತೊಡಗಿತು. ಅಂತಿಮ ಓವರ್'ನಲ್ಲಿ ಬುಮ್ರಾ ಭಾರತೀಯರ ಕನಸನ್ನು ನೆರವೇರಿಸಿದರು.

ಸ್ಕೋರ್

ಭಾರತ 50 ಓವರ್'ಗಳಲ್ಲಿ 6/337

(ಆರ್. ಶರ್ಮಾ:147, ಕೊಹ್ಲಿ: 113,ಸೌತಿ 2/66, ಮಿಲೇನ್ 64/2)

ನ್ಯೂಜಿಲೆಂಡ್ 50 ಓವರ್'ಗಳಲ್ಲಿ 7/331

(ಮುನ್ರೋ:75,ವಿಲಿಯಮ್ಸ್'ನ್:64,ಲಾಥಮ್:65, ಬುಬ್ರಾ 47/3, ಚಹಾಲ್: 47/2)

ಫಲಿತಾಂಶ: ಭಾರತಕ್ಕೆ 6 ರನ್'ಗಳ ಜಯದೊಂದಿಗೆ 2-1 ಸರಣಿ ಗೆಲುವು

ಪಂದ್ಯ ಶ್ರೇಷ್ಠ: ರೋಹಿತ್ ಶರ್ಮಾ

ಸರಣಿ ಶ್ರೇಷ್ಠ: ವಿರಾಟ್ ಕೊಹ್ಲಿ