ಇಂಗ್ಲೆಂಡ್ ವಿರುದ್ಧ ಭಾರತಕ್ಕೆ ರೋಚಕ ಜಯ, ಸರಣಿ 1-1 ಸಮ

ಫೆ.3 ರಂದು ಬೆಂಗಳೂರಿನಲ್ಲಿ ನಡೆಯುವ  3ನೇ ಪಂದ್ಯ ಉಭಯ ತಂಡಗಳಿಗೆ ಫೈನಲ್ ಪಂದ್ಯವಾಗಿ ಪರಿಣಮಿಸಿದೆ.

ನಾಗ್ಪುರದಲ್ಲಿ ನಡೆದ 2ನೇ ಟಿ20 ಪಂದ್ಯದಲ್ಲಿ  ಭಾರತ ಇಂಗ್ಲೆಂಡ್ ವಿರುದ್ಧ  5 ರನ್'ಗಳ ರೋಚಕ ಜಯ ಗೆಲುವು ಸಾಧಿಸಿದ್ದು, ಮೂರು ಟಿ20 ಪಂದ್ಯಗಳ ಸರಣಿಯನ್ನು 1-1ರಲ್ಲಿ ಸಮಬಲ ಮಾಡಿಕೊಂಡಿದೆ. ಫೆ.3 ರಂದು ಬೆಂಗಳೂರಿನಲ್ಲಿ ನಡೆಯುವ  3ನೇ ಪಂದ್ಯ ಉಭಯ ತಂಡಗಳಿಗೆ ಫೈನಲ್ ಪಂದ್ಯವಾಗಿ ಪರಿಣಮಿಸಿದೆ.

ಮೊದಲು ಟಾಸ್ ಸೋತು ಬ್ಯಾಟಿಂಗ್ ಆರಂಭಿಸಿದ ಭಾರತ ತಂಡದ ಆರಂಭಿಕ ಆಟಗಾರರಾದ  ವಿರಾಟ್ ಕೊಹ್ಲಿ ಹಾಗೂ ಕನ್ನಡಿಗ ಕೆ.ಎಲ್. ರಾಹುಲ್ ಮೊದಲ 4 ಓವರ್​ನಲ್ಲಿ 30 ರನ್ ಬಾರಿಸಿದರು. ಆದರೆ ವಿರಾಟ್  21 ರನ್ ಗಳಿಸಿದ್ದಾಗ ಕೊಹ್ಲಿ ಭರ್ಜರಿ ಹೊಡೆತಕ್ಕೈ ಕೈ ಹಾಕಿ ಜೋರ್ಡಾನ್'ಗೆ ವಿಕೆಟ್ ಒಪ್ಪಿಸಿದರು.

ಬಳಿಕ ಸುರೇಶ್ ರೈನಾ ಜೊತೆಯಾದ ರಾಹುಲ್ ತಂಡದ ಮೊತ್ತವನ್ನು 7 ಓವರ್'ಗಳಲ್ಲಿ 50ರ ಗಡಿ ದಾಟಿಸಿದರು. ರೈನಾ ಕೂಡ ಕ್ರೀಸ್'ನಲ್ಲಿ ಹೆಚ್ಚು ಹೊತ್ತು ನಿಲ್ಲದೆ ಕೇವಲ 7 ರನ್ ಗಳಿಸಿ ಔಟಾದರು. ನಂತರ   ಆಟ  ಆರಂಭಿಸಿದ ಯುವರಾಜ್ ಸಿಂಗ್ ಕೂಡ  ಕೇವಲ 4 ರನ್ ಗಳಿಸಿ ಅಲಿಗೆ ಎಲ್'ಬಿ ಡಬ್ಲ್ಯು ಆದರು.

ನಂತರ ರಾಹುಲ್'ಗೆ ಜೊತೆಯಾದ ಮತ್ತೊಬ್ಬ ಕನ್ನಡಿಗ ಮನೀಶ್ ಪಾಂಡೆ  ಎಚ್ಚರಿಕೆಯಿಂದ  ಆಟವಾಡಿ 4ನೇ ವಿಕೆಟ್'ಗೆ   56 ರನ್ ಕಲೆ ಹಾಕಿದರು. ರಾಹುಲ್  47 ಎಸೆತಗಳಲ್ಲಿ 2 ಸಿಕ್ಸರ್  6 ಬೌಂಡರಿಗಳೊಂದಿಗೆ 71 ರನ್ ಬಾರಿಸಿದರೆ, ಪಾಂಡೆ 1 ಭರ್ಜರಿ ಸಿಕ್ಸ್'ರ್ ನೊಂದಿಗೆ  30 ರನ್  ಸಿಡಿಸಿದರು.

ಅನಂತರ  ಭಾರತ  19 ರನ್ ಅಂತರದಲ್ಲಿ 5 ವಿಕೆಟ್ ಪತನವಾಗಿ 20 ಓವರ್'ಗಳಲ್ಲಿ  8 ವಿಕೆಟ್ ನಷ್ಟಕ್ಕೆ 144 ರನ್ ಗಳಿಸಿತು. ಇಂಗ್ಲೆಂಡ್ ಪರ ಜೋರ್ಡನ್ 3, ಅಲಿ, ಮಿಲ್ಸ್ ಹಾಗೂ ರಶೀದ್ ತಲಾ ಒಂದೊಂದು ವಿಕೆಟ್ ಪಡೆದರು. ಗೆಲುವಿಗೆ 145 ರನ್ ಬೆನ್ನಟ್ಟಿದ ಇಂಗ್ಲೆಂಡ್ ಮೊದಲ 3 ಓವರ್​ನಲ್ಲಿ 22 ರನ್ ಹೊಡೆಯಿತು. ಆದರೆ  ಸಾಮ್ ಬಿಲ್ಲಿಂಗ್ಸ್​ ಹಾಗೂ ಜಾಸನ್ ರಾಯ್​ ಅವರನ್ನು ಔಟ್ ಮಾಡಿದ ಆಶೀಶ್ ನೆಹ್ರಾ ಇಂಗ್ಲೆಂಡ್​ಗೆ ಶಾಕ್ ನೀಡಿದರು. ತದ ನಂತರ ಜೋ ರೂಟ್ ಹಾಗೂ ಇಯಾನ್ ಮಾರ್ಗನ್​ ಜವಾಬ್ದಾರಿಯುತ ಬ್ಯಾಟಿಂಗ್ ಮಾಡೋ ಮೂಲಕ ಭಾರತೀಯರನ್ನು ಕಾಡಿದರು.

ರೂಟ್, ಸ್ಟೋಕ್ಸ್  ಹಾಗೂ ಮಾರ್ಗನ್ ಒಂದು ಹಂತದಲ್ಲಿ  ಭಾರತದ ಗೆಲುವನ್ನು  ತಮ್ಮ ಕಡೆ ವಾಲಸಿಕೊಂಡಿದ್ದರು. ಆದರೆ ಕೊನೆಯ ಓವರ್'ನಲ್ಲಿ  ಭಾರತದ ಗೆಲುವಿಗೆ 8 ರನ್ ಬೇಕಿತ್ತು. ಪಂದ್ಯ 2 ಕಡೆ ವಾಲಿದಾಗ ಜಸ್​ಪ್ರೀತ್ ಬುಮ್ರಾ ಕೊನೆಯ  ಓವರ್'ನಲ್ಲಿ ಕೇವಲ 2 ರನ್ ನೀಡಿ 2 ವಿಕೆಟ್ ಪಡೆದು ಭಾರತಕ್ಕೆ ಗೆಲುವು ದೊರಕಿಸಿ ಕೊಟ್ಟರು. ಈ ಜಯದೊಂದಿಗೆ 3 ಪಂದ್ಯಗಳ ಸರಣಿಯಲ್ಲಿ  1-1ರಿಂದ ಸಮಬಲಗೊಂಡಿದೆ. ಬುಧವಾರ ಬೆಂಗಳೂರಿನಲ್ಲಿ ನಡೆಯುವ ಅಂತಿಮ ಪಂದ್ಯ ಫೈನಲ್ ಪಂದ್ಯವಾಗಲಿದೆ.

ಸ್ಕೋರ್

ಭಾರತ 144/8(20)

ಇಂಗ್ಲೆಂಡ್139/6(20)

ಪಂದ್ಯ ಪುರುಷೋತ್ತಮ : ಜಸ್​ಪ್ರೀತ್ ಬುಮ್ರಾ

ಭಾರತಕ್ಕೆ 5 ರನ್ ರೋಚಕ ಜಯ