ನಾನು ಆಡಿದರೂ ಸುದ್ದಿ, ಆಡದಿದ್ದರೂ ಸುದ್ದಿ: ನೆಹ್ರಾ
ಸಾರಾಂಶ
ನಾನು 12 ಬಾರಿ ಸರ್ಜರಿಗೆ ಒಳಗಾಗಿದ್ದೇನೆ. ಯಾರಾದರೊಬ್ಬ ಕ್ರೀಡಾಪಟುವನ್ನು ಕೇಳಿ ನೋಡಿ, ಸರ್ಜರಿಗೊಳಗಾದ ಬಳಿಕ ತಂಡಕ್ಕೆ ಕಮ್'ಬ್ಯಾಕ್ ಮಾಡುವುದು ಎಷ್ಟು ಕಷ್ಟವಿರುತ್ತದೆ ಎಂದು ತಿಳಿಯುತ್ತದೆ. ನಾನು 12 ಬಾರಿ ಕತ್ತಿಯ ಮೇಲೆ ನಿಂತಂತಹ ಒತ್ತಡವನ್ನು ಎದುರಿಸಿದ್ದೇನೆ ಎಂದು ನೆಹ್ರಾ ಹೇಳಿದ್ದಾರೆ
ನವದೆಹಲಿ(ಅ.03) :ಐಪಿಎಲ್ ವೇಳೆ ಗಾಯಗೊಂಡು ಭಾರತ ತಂಡದಿಂದ ದೂರವಿದ್ದ ಹಿರಿಯ ವೇಗಿ ಆಶಿಶ್ ನೆಹ್ರಾ ತಂಡಕ್ಕೆ ವಾಪಸಾಗಿದ್ದಾರೆ. ಆಸ್ಟ್ರೇಲಿಯಾ ವಿರುದ್ಧ ಮೂರು ಟಿ20 ಪಂದ್ಯಗಳ ಸರಣಿಗೆ ತಂಡದಲ್ಲಿ ಅವರಿಗೆ ಸ್ಥಾನ ನೀಡಲಾಗಿದೆ.
ತಂಡಕ್ಕೆ ತಮ್ಮ ವಾಪಸಾತಿ ಕುರಿತು ಮಾತನಾಡಿರುವ ಅವರು ‘ಭಾರತ ಪರ ಆಡಲು ಯಾರಿಗೆ ತಾನೇ ಖುಷಿಯಾಗುವುದಿಲ್ಲ ಹೇಳಿ. ನಾನು ಚೆನ್ನಾಗಿ ಆಡಿದರೆ ಅದು ಸುದ್ದಿಯಾಗುತ್ತದೆ. ನಾನು ಆಡದಿದ್ದರೆ ದೊಡ್ಡ ಸುದ್ದಿಯಾಗುತ್ತದೆ ಅಷ್ಟೇ ಅದರ ಬಗ್ಗೆ ಹೆಚ್ಚು ತಲೆ ಕೆಡಿಸಿಕೊಳ್ಳುವುದಿಲ್ಲ ಎಂದು ನೆಹ್ರಾ ಹೇಳಿದ್ದಾರೆ.
ನಾನು 12 ಬಾರಿ ಸರ್ಜರಿಗೆ ಒಳಗಾಗಿದ್ದೇನೆ. ಯಾರಾದರೊಬ್ಬ ಕ್ರೀಡಾಪಟುವನ್ನು ಕೇಳಿ ನೋಡಿ, ಸರ್ಜರಿಗೊಳಗಾದ ಬಳಿಕ ತಂಡಕ್ಕೆ ಕಮ್'ಬ್ಯಾಕ್ ಮಾಡುವುದು ಎಷ್ಟು ಕಷ್ಟವಿರುತ್ತದೆ ಎಂದು ತಿಳಿಯುತ್ತದೆ. ನಾನು 12 ಬಾರಿ ಕತ್ತಿಯ ಮೇಲೆ ನಿಂತಂತಹ ಒತ್ತಡವನ್ನು ಎದುರಿಸಿದ್ದೇನೆ ಎಂದು ನೆಹ್ರಾ ಹೇಳಿದ್ದಾರೆ
ನನ್ನ ಅವಶ್ಯಕತೆ ಇದೆ ಎಂದು ನಾಯಕನಿಗೆ, ಆಯ್ಕೆಗಾರರಿಗೆ ಅನಿಸಿದೆ. ಅದಕ್ಕಾಗಿ ಆಯ್ಕೆ ಮಾಡಿದ್ದಾರೆ. ನಾನು ಯಾವುದೇ ಟೀಕೆಗಳಿಗೆ ಕಿವಿಗೊಡುವುದಿಲ್ಲ’ ಎಂದು ನೆಹ್ರಾ ಹೇಳಿದ್ದಾರೆ.
ಕ್ರಿಕೆಟ್ ಮತ್ತು ಕ್ರೀಡಾ ಜಗತ್ತಿನ (Sports News in Kannada) ಕ್ಷಣಕ್ಷಣದ ಕನ್ನಡ ಸುದ್ದಿ ಅಪ್ಡೇಟ್ಗಳಿಗಾಗಿ ಏಷ್ಯಾನೆಟ್ ಸುವರ್ಣ ನ್ಯೂಸ್ ಫಾಲೋ ಮಾಡಿ. ಐಪಿಎಲ್ ಲೈವ್ ಸೇರಿದಂತೆ ಟೀಂ ಇಂಡಿಯಾದ ಬ್ರೇಕಿಂಗ್ ಸುದ್ದಿ (Cricket News in Kannada), ವಿಶೇಷ ವರದಿಗಳು ಮತ್ತು ನೇರ ಪ್ರಸಾರಗಳೊಂದಿಗೆ ಸಂಪೂರ್ಣ ಮಾಹಿತಿ ನಿಮ್ಮ ಒಂದೇ ಕ್ಲಿಕ್ನಲ್ಲಿ ಲಭ್ಯ. ಏಷ್ಯಾನೆಟ್ ಸುವರ್ಣ ನ್ಯೂಸ್ ಅಧಿಕೃತ ಆ್ಯಪ್ ಡೌನ್ಲೋಡ್ ಮಾಡಿ ಹಾಗೂ ಎಲ್ಲಾ ಅಪ್ಡೇಟ್ ಗಳನ್ನು ಪಡೆಯಿರಿ.