2021ರ ಏಕದಿನ ವಿಶ್ವಕಪ್‌: ಭಾರತಕ್ಕಿಲ್ಲ ನೇರ ಪ್ರವೇಶ?

ಬದ್ಧವೈರಿ ಪಾಕಿಸ್ತಾನ ವಿರುದ್ಧ ದ್ವಿಪಕ್ಷೀಯ ಸರಣಿಯನ್ನು ಭಾರತ ಮಹಿಳಾ ತಂಡ ನಿರಾಕರಿಸಿದೆ.  ಪಾಕ್ ವಿರುದ್ಧದ ಸರಣಿಗೆ ಹಿಂದೇಟು ಹಾಕಿರುವ ಭಾರತ ಇದೀಗ 2021ರ ಐಸಿಸಿ ಮಹಿಳಾ ಏಕದಿನ ವಿಶ್ವಕಪ್ ಟೂರ್ನಿಗೆ ನೇರ ಅರ್ಹತೆಯನ್ನ ಕಳೆದುಕೊಳ್ಳುವ ಭೀತಿ ಎದುರಿಸುತ್ತಿದೆ.  

ನವದೆಹಲಿ(ಫೆ.13): ಪಾಕಿಸ್ತಾನ ವಿರುದ್ಧ ದ್ವಿಪಕ್ಷೀಯ ಸರಣಿ ಆಡಲು ನಿರಾಕರಿಸಿರುವ ಭಾರತ ತಂಡಕ್ಕೆ 2021ರ ಐಸಿಸಿ ಮಹಿಳಾ ಏಕದಿನ ವಿಶ್ವಕಪ್‌ಗೆ ನೇರ ಅರ್ಹತೆ ಸಿಗುವುದು ಅನುಮಾನವೆನಿಸಿದೆ. ಐಸಿಸಿ ಏಕದಿನ ಚಾಂಪಿಯನ್‌ಶಿಪ್‌ ಪಟ್ಟಿಯಲ್ಲಿ 12 ಅಂಕಗಳೊಂದಿಗೆ ಭಾರತ, ಪಾಕಿಸ್ತಾನ ತಂಡಗಳು ಕ್ರಮವಾಗಿ 3 ಹಾಗೂ 4ನೇ ಸ್ಥಾನದಲ್ಲಿವೆ. 

ಇದನ್ನೂ ಓದಿ: ಪಾಕ್ ವೇಗಿ ಶೋಯಿಬ್ ಅಕ್ತರ್ ಕ್ರಿಕೆಟ್‌ಗೆ ವಾಪಾಸ್

ಪಾಕಿಸ್ತಾನ ವಿರುದ್ಧ ಸರಣಿ ಆಡದಿದ್ದರೆ ಭಾರತದ ಖಾತೆಯಿಂದ 6 ಅಂಕ ಕಡಿತಗೊಳಿಸಿ ಆ ಅಂಕಗಳನ್ನು ಪಾಕಿಸ್ತಾನಕ್ಕೆ ನೀಡಲಾಗುತ್ತದೆ. ಹೀಗಾಗಿ ಭಾರತ ಮಹಿಳಾ ತಂಡ ಐಸಿಸಿ ವಿಶ್ವಕಪ್ ಟೂರ್ನಿಗೆ ನೇರ ಅರ್ಹತೆಯನ್ನ ಕಳೆದುಕೊಳ್ಳಲಿದೆ. 

ಇದನ್ನೂ ಓದಿ: ತಲೆಗೆ ಚೆಂಡು ಬಡಿದು ಮೈದಾನದಲ್ಲೇ ಕುಸಿದು ಬಿದ್ದ ಟೀಂ ಇಂಡಿಯಾ ವೇಗಿ

ವಿಶ್ವಕಪ್‌ಗೆ ಆತಿಥೇಯ ನ್ಯೂಜಿಲೆಂಡ್‌ ಜತೆ ಅಗ್ರ 4 ತಂಡಗಳಿಗೆ ಅವಕಾಶವಿರಲಿದೆ. ಅಗ್ರ 4ರಲ್ಲಿ ನ್ಯೂಜಿಲೆಂಡ್‌ ಕೂಡಾ ಇದ್ದರೆ ಅಗ್ರ 5 ತಂಡಗಳಿಗೆ ನೇರ ಪ್ರವೇಶ ಸಿಗಲಿದೆ. ವಿಶ್ವಕಪ್‌ನಲ್ಲಿ ಒಟ್ಟು 8 ತಂಡಗಳು ಆಡಲಿದ್ದು, ಇನ್ನುಳಿದ ಸ್ಥಾನಗಳಿಗಾಗಿ ಅರ್ಹತಾ ಸುತ್ತು ನಡೆಯಲಿದೆ.