ರೈಟ್'ಗಿಂತ ಶಾಸ್ತ್ರಿಗೆ 10 ಪಟ್ಟು ಹೆಚ್ಚು ವೇತನ..!

ಇನ್ನು 2016-17ರ ಒಂದು ವರ್ಷದ ಅವಧಿಗೆ ಟೀಂ ಇಂಡಿಯಾದ ಮುಖ್ಯ ಕೋಚ್ ಆಗಿದ್ದ ಕನ್ನಡಿಗ ಅನಿಲ್ ಕುಂಬ್ಳೆ 6.5 ಕೋಟಿ ರುಪಾಯಿ ಸಂಭಾವನೆ ಪಡೆಯುತ್ತಿದ್ದರು ಎಂದು ಮೂಲಗಳು ತಿಳಿಸಿವೆ.  

ನವದೆಹಲಿ(ಜು.20): ಟೀಂ ಇಂಡಿಯಾ ನೂತನ ಮುಖ್ಯ ಕೋಚ್ ಆಗಿ ಆಯ್ಕೆಯಾಗಿರುವ ರವಿಶಾಸ್ತ್ರಿ ವಾರ್ಷಿಕ 8 ಕೋಟಿ ರುಪಾಯಿ ವೇತನ ಪಡೆಯುತ್ತಿದ್ದು, ಈ ಮೊದಲಿನ ಕೋಚ್ ಅನಿಲ್ ಕುಂಬ್ಳೆಗಿಂತ ಶಾಸ್ತ್ರಿ ಹೆಚ್ಚಿಗೆ ಸಂಪಾದನೆ ಮಾಡಲಿದ್ದಾರೆ.

ಕಳೆದ 17 ವರ್ಷಗಳಲ್ಲಿ ಭಾರತ ತಂಡದ ಪ್ರಧಾನ ಕೋಚ್ ವೇತನ 10 ಪಟ್ಟು ಹೆಚ್ಚಾಗಿದೆ. 2000-2005ರವರೆಗೂ ಕೋಚ್ ಆಗಿದ್ದ ಜಾನ್ ರೈಟ್ ವೇತನ ವರ್ಷಕ್ಕೆ 80 ಲಕ್ಷ ರುಪಾಯಿ ಇತ್ತು ಎನ್ನಲಾಗಿದೆ. ಆ ಬಳಿಕ 2005-07ರವರೆಗೆ ಕೋಚ್ ಆಗಿದ್ದ ಗ್ರೇಗ್ ಚಾಪೆಲ್ ವಾರ್ಷಿಕ 1 ಕೋಟಿ ರುಪಾಯಿ ಪಡೆಯುತ್ತಿದ್ದರು.

ಟೀಂ ಇಂಡಿಯಾದ ಅತ್ಯಂತ ಯಶಸ್ವಿ ಕೋಚ್ ಎಂದೇ ಕರೆಸಿಕೊಳ್ಳುವ ಗ್ಯಾರಿ ಕರ್ಸ್ಟನ್ 3.8 ಕೋಟಿ ರುಪಾಯಿ ವಾರ್ಷಿಕ ವೇತನ ಪಡೆದರೆ, ಡಂಕನ್ ಪ್ಲೇಚರ್ 4.2 ಕೋಟಿ ರುಪಾಯಿ ಸಂಬಳ ಪಡೆಯುತ್ತಿದ್ದರು.

ಇನ್ನು 2016-17ರ ಒಂದು ವರ್ಷದ ಅವಧಿಗೆ ಟೀಂ ಇಂಡಿಯಾದ ಮುಖ್ಯ ಕೋಚ್ ಆಗಿದ್ದ ಕನ್ನಡಿಗ ಅನಿಲ್ ಕುಂಬ್ಳೆ 6.5 ಕೋಟಿ ರುಪಾಯಿ ಸಂಭಾವನೆ ಪಡೆಯುತ್ತಿದ್ದರು ಎಂದು ಮೂಲಗಳು ತಿಳಿಸಿವೆ.