ಇದು ಅಪರೂಪದಲ್ಲೇ ಅಪರೂಪ: ಶೂನ್ಯಕ್ಕೆ ಡಿಕ್ಲೇರ್ ಮಾಡಿ ಪಂದ್ಯ ಸೋತ ತಂಡ..!
ಸಾರಾಂಶ
4 ದಿನಗಳ ಪಂದ್ಯದ ಮೊದಲ ದಿನ ಸೆಂಟ್ರಲ್ ಸ್ಟಾಗ್ಸ್ 7 ವಿಕೆಟ್ ನಷ್ಟಕ್ಕೆ 301 ರನ್ ಗಳಿಸಿತ್ತು. ಮಳೆಯಿಂದಾಗಿ 2 ಹಾಗೂ 3ನೇ ದಿನ ರದ್ದಾದ ಕಾರಣ, 4 ದಿನ ಎರಡೂ ತಂಡಗಳು ಫಲಿತಾಂಶಕ್ಕಾಗಿ ಸೆಣಸಿದವು.
ನೆಲ್ಸನ್[ಅ.14]: ನ್ಯೂಜಿಲೆಂಡ್ನ ದೇಸಿ ಟೂರ್ನಿ ಪ್ಲೆಂಕೆಟ್ ಶೀಲ್ಡ್ನಲ್ಲಿ ಸೆಂಟ್ರಲ್ ಸ್ಟಾಗ್ಸ್ ಹಾಗೂ ಕ್ಯಾಂಟರ್’ಬರ್ರಿ ತಂಡಗಳು ತಮ್ಮ ಇನ್ನಿಂಗ್ಸ್’ಗಳನ್ನು ೦ಗೆ ಡಿಕ್ಲೇರ್ ಮಾಡಿಕೊಂಡ ಅಪರೂಪದ ಪ್ರಸಂಗ ನಡೆದಿದೆ.
4 ದಿನಗಳ ಪಂದ್ಯದ ಮೊದಲ ದಿನ ಸೆಂಟ್ರಲ್ ಸ್ಟಾಗ್ಸ್ 7 ವಿಕೆಟ್ ನಷ್ಟಕ್ಕೆ 301 ರನ್ ಗಳಿಸಿತ್ತು. ಮಳೆಯಿಂದಾಗಿ 2 ಹಾಗೂ 3ನೇ ದಿನ ರದ್ದಾದ ಕಾರಣ, 4 ದಿನ ಎರಡೂ ತಂಡಗಳು ಫಲಿತಾಂಶಕ್ಕಾಗಿ ಸೆಣಸಿದವು.
4ನೇ ಹಾಗೂ ಅಂತಿಮ ದಿನವಾದ ಶನಿವಾರ, ಸ್ಟಾಗ್ಸ್ ತಂಡ 7 ವಿಕೆಟ್’ಗೆ 352 ರನ್ ಗಳಿಸಿ ಮೊದಲ ಇನ್ನಿಂಗ್ಸ್ ಡಿಕ್ಲೇರ್ ಮಾಡಿಕೊಂಡಿತು. ಬಳಿಕ ಕ್ಯಾಂಟರ್’ಬರ್ರಿ ಮೊದಲ ಇನ್ನಿಂಗ್ಸ್ ಆರಂಭಿಸದಯೇ ಡಿಕ್ಲೇರ್ ಮಾಡಿದ್ದರಿಂದ, ಸ್ಟಾಗ್ಸ್ ಸಹ ೦ ರನ್ಗೆ ಇನ್ನಿಂಗ್ಸ್ ಡಿಕ್ಲೇರ್ ಮಾಡಿಕೊಂಡಿತು. ಗೆಲುವಿಗೆ 89 ಓವರ್ಗಳಲ್ಲಿ 353 ರನ್ ಗುರಿ ಪಡೆದ ಕ್ಯಾಂಟರ್ಬರ್ರಿ 88 ಓವರ್ಗಳಲ್ಲಿ 207 ರನ್ಗಳಿಗೆ ಆಲೌಟ್ ಆಗಿ ಸೋಲೊಪ್ಪಿಕೊಂಡಿತು.
ಕ್ರಿಕೆಟ್ ಮತ್ತು ಕ್ರೀಡಾ ಜಗತ್ತಿನ (Sports News in Kannada) ಕ್ಷಣಕ್ಷಣದ ಕನ್ನಡ ಸುದ್ದಿ ಅಪ್ಡೇಟ್ಗಳಿಗಾಗಿ ಏಷ್ಯಾನೆಟ್ ಸುವರ್ಣ ನ್ಯೂಸ್ ಫಾಲೋ ಮಾಡಿ. IPL Live ಸೇರಿದಂತೆ ಟೀಂ ಇಂಡಿಯಾದ ಬ್ರೇಕಿಂಗ್ ಸುದ್ದಿ (Cricket News in Kannada), ವಿಶೇಷ ವರದಿಗಳು ಮತ್ತು ನೇರ ಪ್ರಸಾರಗಳೊಂದಿಗೆ ಸಂಪೂರ್ಣ ಮಾಹಿತಿ ನಿಮ್ಮ ಒಂದೇ ಕ್ಲಿಕ್ನಲ್ಲಿ ಲಭ್ಯ. ಏಷ್ಯಾನೆಟ್ ಸುವರ್ಣ ನ್ಯೂಸ್ ಅಧಿಕೃತ ಆ್ಯಪ್ ಡೌನ್ಲೋಡ್ ಮಾಡಿ ಹಾಗೂ ಎಲ್ಲಾ ಅಪ್ಡೇಟ್ ಗಳನ್ನು ಪಡೆಯಿರಿ.