ಬ್ರಿಜ್‌ ವಿರುದ್ಧ ಜಾರ್ಜ್‌ಶೀ​ಟ್‌: 6 ಮಂದಿ ಮೇಲೆ ಲೈಂಗಿಕ ಕಿರುಕುಳ ತನಿಖೆಯಿಂದ ಸಾಬೀತು..!

ಕೋರ್ಟ್‌ಗೆ 1000 ಪುಟಗಳ ಚಾಜ್‌ರ್‍ಶೀಟ್‌ ಸಲ್ಲಿ​ಸಿದ ದೆಹಲಿ ಪೊಲೀ​ಸ​ರು ಸಾಕ್ಷ್ಯಾಧಾರ ಕೊರತೆ ಹಿನ್ನೆಲೆ, ಅಪ್ರಾಪ್ತೆಯ ತಂದೆ ಹೇಳಿಕೆ ಬದಲು ಪೋಕ್ಸೋ ಕೇಸ್‌ ರದ್ದುಗೊಳಿಸುವಂತೆ ಪೊಲೀಸರಿಂದ ನ್ಯಾಯಾಲಯಕ್ಕೆ ಶಿಫಾರಸು

ನವ​ದೆ​ಹ​ಲಿ(ಜೂ.16): ದೇಶದ ಅಗ್ರ ಕುಸ್ತಿ​ಪ​ಟು​ಗ​ಳಿಂದ ಲೈಂಗಿಕ ಕಿರು​ಕುಳ ಸೇರಿ​ದಂತೆ ಗಂಭೀರ ಆರೋ​ಪ​ಗ​ಳ​ನ್ನು ಎದುರಿಸುತ್ತಿರುವ ಭಾರತೀಯ ಕುಸ್ತಿ ಒಕ್ಕೂಟ(ಡ​ಬ್ಲ್ಯು​ಎ​ಫ್‌​ಐ​)ದ ನಿರ್ಗಮಿತ ಅಧ್ಯಕ್ಷ ಬ್ರಿಜ್‌ಭೂಷಣ್‌ ಸಿಂಗ್‌ ವಿರುದ್ಧ ಗುರುವಾರ 1000 ಪುಟಗಳ ಚಾರ್ಜ್‌​ಶೀಟ್‌ ಸಲ್ಲಿ​ಕೆ​ಯಾ​ಗಿದೆ.

ಕುಸ್ತಿಪಟುಗಳ ಮೇಲೆ ಬ್ರಿಜ್‌ ಲೈಂಗಿಕ ಕಿರುಕುಳ ಎಸೆಗಿದ್ದಾರೆ ಎನ್ನುವುದು ದೆಹಲಿ ಪೊಲೀಸರ ತನಿಖೆಯಲ್ಲಿ ಸಾಬೀತಾಗಿದೆಯಾದರೂ, ಅಪ್ರಾಪ್ತೆಯ ಮೇಲೆ ಲೈಂಗಿಕ ದೌರ್ಜನ್ಯ ನಡೆದಿರುವುದಕ್ಕೆ ದೃಢವಾದ ಸಾಕ್ಷ್ಯಾಧಾರ ಲಭ್ಯವಾಗಿಲ್ಲ ಎಂದು ಪೊಲೀಸರು ತಿಳಿಸಿದ್ದಾರೆ. ಬ್ರಿಜ್‌ಭೂಷಣ್‌ ವಿರುದ್ಧದ ಫೋಕ್ಸೋ ಕೇಸ್‌ ರದ್ದು​ಗೊ​ಳಿ​ಸುವಂತೆ ಪೊಲೀ​ಸರು ನ್ಯಾಯಾ​ಲ​ಯಕ್ಕೆ ಶಿಫಾ​ರಸು ಮಾಡಿ​ದ್ದಾರೆ.

ಕಳೆದ ಏಪ್ರಿಲ್‌ನಲ್ಲಿ ಅಪ್ರಾಪ್ತೆ ಸೇರಿ​ದಂತೆ 7 ಮಂದಿ ನೀಡಿದ್ದ ದೂರಿಗೆ ಸಂಬಂಧಿ​ಸಿ​ದಂತೆ ದೆಹಲಿ ಪೊಲೀ​ಸರು ಬ್ರಿಜ್‌​ಭೂ​ಷಣ್‌ ವಿರುದ್ಧ ಪೋಕ್ಸೋ ಸೇರಿ 2 ಎಫ್‌​ಐ​ಆರ್‌ ದಾಖ​ಲಿ​ಸಿ​ದ್ದರು. ಈ ಬಗ್ಗೆ 5 ದೇಶ​ಗಳಲ್ಲಿ ನಡೆದಿದ್ದ ಕುಸ್ತಿ ಕೂಟಗಳ ವೇಳೆ ದಾಖಲಾಗಿದ್ದ ಸಿಸಿಟೀವಿ ದೃಶ್ಯಗಳ ಪರಿ​ಶೀ​ಲ​ನೆ, ಕುಸ್ತಿ​ಪ​ಟು​ಗ​ಳು, ರೆಫ್ರಿ ಹಾಗೂ ಕೋಚ್‌​ಗಳು ಸೇರಿ​ದಂತೆ 180ಕ್ಕೂ ಹೆಚ್ಚು ಮಂದಿಯ ಹೇಳಿಕೆ ದಾಖ​ಲಿಸಿಕೊಂಡಿದ್ದ ಪೊಲೀ​ಸರು ತನಿಖೆ ಪೂರ್ಣಗೊಳಿಸಿ ದೆಹಲಿ ಮ್ಯಾಜಿಸ್ಪ್ರೇಟ್‌ ಕೋರ್ಚ್‌ಗೆ ದೋಷಾರೋಪ ಪಟ್ಟಿಸಲ್ಲಿಸಿದ್ದಾರೆ.

ವಿವಿಧ ಸೆಕ್ಷ​ನ್‌​ಗ​ಳಡಿ ಚಾರ್ಜ್‌ಶೀ​ಟ್‌

ಬ್ರಿಜ್‌ ವಿರುದ್ಧ ಪೋಕ್ಸೋ ಕೇಸ್‌ ರದ್ದು​ಗೊ​ಳಿ​ಸಲು ಶಿಫಾ​ರಸು ಮಾಡ​ಲಾ​ಗಿ​ದ್ದರೂ ಇತರರ ದೂರು​ಗ​ಳಿಗೆ ಸಂಬಂಧಿ​ಸಿ​ದಂತೆ ವಿವಿಧ ಸೆಕ್ಷ​ನ್‌​ಗ​ಳಡಿ ಚಾರ್ಜ್‌​ಶೀಟ್‌ ಸಲ್ಲಿ​ಕೆ​ಯಾ​ಗಿದೆ. ಐಪಿಸಿ 354(ಮಹಿಳೆಯರ ಮೇಲೆ ಹಲ್ಲೆ), 354ಎ(ಲೈಂಗಿಕ ಕಿರುಕುಳ), 354ಡಿ(ಹಿಂಬಾಲಿಸುವಿಕೆ) ಹಾಗೂ 506(ಬೆದರಿಕೆ) ಸೆಕ್ಷನ್‌ಗಳ ಅಡಿಯಲ್ಲಿ ದೋಷಾರೋಪ ಪಟ್ಟಿಸಲ್ಲಿ​ಸ​ಲಾ​ಗಿದೆ. ಇದರ ಜೊತೆಗೆ ಈಗಾ​ಗಲೇ ಅಮ​ನ​ತು​ಗೊಂಡಿ​ರುವ ಡಬ್ಲ್ಯು​ಎ​ಫ್‌​ಐನ ಹೆಚ್ಚು​ವರಿ ಕಾರ‍್ಯ​ದ​ರ್ಶಿ ವಿನೋದ್‌ ತೋಮರ್‌ ವಿರು​ದ್ಧ ಐಪಿಸಿ 109, 354, 354ಎ ಹಾಗೂ 506 ಸೆಕ್ಷ​ನ್‌​ಗ​ಳಡಿ ಚಾರ್ಜ್‌​ಶೀಟ್‌ ಸಲ್ಲಿ​ಕೆ​ಯಾ​ಗಿದೆ.

ಜು.22ಕ್ಕೆ ವಿಚಾರಣೆ: ಪೊಲೀಸರು ಸಲ್ಲಿಸಿರುವ ಚಾರ್ಜ್‌​ಶೀಟ್‌ ಅನ್ನು ಪರಿಗಣಿಸುವ ಬಗ್ಗೆ ಜೂ.22ರಂದು ಮ್ಯಾಜಿಸ್ಪ್ರೇಟ್‌ ಕೋರ್ಚ್‌ನಲ್ಲಿ ವಿಚಾರಣೆ ನಡೆಯಲಿದೆ. ಅಂದು ನ್ಯಾಯಾಧೀಶರು ತನಿಖೆಯ ಸಾರಾಂಶವನ್ನು ಪರಿಶೀಲಿಸಿ ಚಾರ್ಜ್‌​ಶೀಟ್‌ ಅನ್ನು ಪರಿಗಣಿಸಬಹುದು ಅಥವಾ ಹೆಚ್ಚಿನ ತನಿಖೆ ನಡೆಸುವಂತೆ ಪೊಲೀಸರಿಗೆ ಸೂಚಿಸಬಹುದಾಗಿದೆ.

ಬ್ರಿಜ್‌ ವಿರುದ್ಧ ದಾಖಲಾಗಿದ್ದ ಪೋಕ್ಸೋ ಕೇಸ್‌ ರದ್ದು ಏಕೆ?

ಅಪ್ರಾ​ಪ್ತೆಯ ದೂರಿ​ನಂತೆ ಬ್ರಿಜ್‌ಭೂಷಣ್‌ ವಿರುದ್ಧ ಪೋಕ್ಸೋ ಕೇಸ್‌ ದಾಖ​ಲಾ​ಗಿತ್ತು. ಈ ಸಂಬಂಧ ಪೊಲೀಸರು ತನಿಖೆ ಕೈಗೆತ್ತಿಕೊಂಡು ಹಲವು ಮಂದಿಯನ್ನು ವಿಚಾರಣೆಗೆ ಒಳಪಡಿಸಿದ್ದರು. ಆದರೆ ಇತ್ತೀಚೆಗೆ ದೂರುದಾರ ಅಪ್ರಾಪ್ತೆಯ ತಂದೆಯೇ ತಾವು ಸಿಟ್ಟಿನಲ್ಲಿ ಸುಳ್ಳು ಮಾಹಿತಿ ನೀಡಿದ್ದಾಗಿ ಸ್ಪಷ್ಟೀಕರಣ ನೀಡಿದ್ದರು. ಅಪ್ರಾಪ್ತೆಯೂ ತಾವು ಮೊದಲು ನೀಡಿದ್ದ ಹೇಳಿಕೆಯನ್ನು ಬದಲಿಸಿದ್ದರು. ಇದರ ಜೊತೆಗೆ ಅಪ್ರಾಪ್ತೆಯ ಮೇಲೆ ಲೈಂಗಿಕ ಕಿರುಕುಳವಾಗಿದೆ ಎನ್ನುವುದಕ್ಕೆ ಪೂರಕ ಸಾಕ್ಷ್ಯಾಧಾರಗಳು ಲಭ್ಯವಾಗಿಲ್ಲ ಎಂದು ಪೊಲೀಸರು ತಿಳಿಸಿದ್ದು, ಪೋಕ್ಸೋ ಕೇಸ್‌ ರದ್ದುಪಡಿಸುವಂತೆ ದೆಹಲಿ ಸೆಷನ್ಸ್‌ ನ್ಯಾಯಾಲಯಕ್ಕೆ ಶಿಫಾರಸು ಮಾಡಿದ್ದಾರೆ. ಈ ಸಂಬಂಧ ಜು.4ರಂದು ವಿಚಾರಣೆ ನಡೆಯಲಿದೆ. ಒಂದು ವೇಳೆ ಪೋಕ್ಸೋ ಕೇಸ್‌ನಲ್ಲಿ ಆರೋಪ ಸಾಬೀತಾದರೆ ಕನಿಷ್ಠ 3 ವರ್ಷ ಜೈಲು ಶಿಕ್ಷೆಯಾಗಲಿದೆ.

ಚರ್ಚಿಸಿ ಮುಂದಿ​ನ ನಿರ್ಧಾರ: ರೆಸ್ಲ​​ರ್ಸ್‌

ಇತ್ತೀ​ಚೆ​ಗಷ್ಟೇ ಕೇಂದ್ರ ಸರ್ಕಾರದ ಹಲವು ಭರ​ವಸೆ ಬಳಿಕ ತಮ್ಮ ಹೋರಾ​ಟಕ್ಕೆ ಜೂ.15ರ ವರೆಗೆ ತಾತ್ಕಾ​ಲಿಕ ಬ್ರೇಕ್‌ ಹಾಕಿದ್ದ ಕುಸ್ತಿ​ಪ​ಟು​ಗಳು, ಹೋರಾಟ ಮತ್ತೆ ಆರಂಭಿ​ಸ​ಬೇಕೇ ಬೇಡವೇ ಎಂಬು​ದರ ಬಗ್ಗೆ ಶೀಘ್ರ​ದಲ್ಲೇ ನಿರ್ಧಾರ ಕೈಗೊ​ಳ್ಳುವ ಸಾಧ್ಯ​ತೆ​ಯಿದೆ. ಈ ಬಗ್ಗೆ ಸಾಕ್ಷಿ ಮಲಿಕ್‌ ಪತಿ, ಕುಸ್ತಿ​ಪಟು ಸತ್ಯ​ವರ್ತ್‌ ಪ್ರತಿ​ಕ್ರಿ​ಯಿ​ಸಿದ್ದು, ‘ನಾವು ಈ ಬಗ್ಗೆ ಸಮಾ​ಲೋ​ಚನೆ ನಡೆ​ಸು​ತ್ತಿ​ದ್ದೇವೆ. ಮುಂದಿನ ನಿರ್ಧಾರ ಶೀಘ್ರವೇ ಪ್ರಕ​ಟಿ​ಸು​ತ್ತೇ​ವೆ’ ಎಂದಿ​ದ್ದಾ​ರೆ.

ಭಾರತೀಯ ಕ್ರೀಡೆಯ ಕರಾಳ ದಿನ: ಕಾಂಗ್ರೆಸ್‌ ಕಿಡಿ

ಬ್ರಿಜ್‌ ವಿರು​ದ್ಧದ ಪೋಕ್ಸೋ ಪ್ರಕ​ರಣ ರದ್ದು​ಗೊ​ಳಿ​ಸಲು ಪೊಲೀಸರು ಶಿಫಾರಸು ಮಾಡಿರುವುದಕ್ಕೆ ಕಾಂಗ್ರೆಸ್‌ ಕಿಡಿ​ಕಾ​ರಿದ್ದು, ಇದು ಭಾರ​ತೀಯ ಕ್ರೀಡೆಯ ಕರಾಳ ದಿನ ಎಂದಿದೆ. ಈ ಬಗ್ಗೆ ಟ್ವೀಟ್‌ ಮಾಡಿ​ರುವ ಕಾಂಗ್ರೆ​ಸ್‌ ಕಾರ‍್ಯ​ದರ್ಶಿ ರಣ​ದೀಪ್‌ ಸುರ್ಜೇ​ವಾಲಾ, ‘ಹೆಣ್ಮ​ಕ್ಕ​ಳನ್ನು ರಕ್ಷಿಸಿ, ಹೆಣ್ಮ​ಕ್ಕ​ಳಿಗೆ ಶಿಕ್ಷಣ ನೀಡಿ ಎಂಬ ಘೋಷ​ವಾಕ್ಯ ಈಗ ‘‘ಹೆ​ಣ್ಮ​ಕ್ಕ​ಳನ್ನು ಹೆದರಿಸಿ, ಬ್ರಿಜ್‌​ಭೂಷಣ್‌ರನ್ನು ರಕ್ಷಿ​ಸಿ’’ ಎಂದಾ​ಗಿ​ದೆ. ಈ ನೆಲದ ಕಾನೂ​ನು ಬಿಜೆ​ಪಿಯ ರಾಜ​ಕೀ​ಯ​ವೆಂಬ ಬುಲ್ಡೋ​ಜರ್‌ ಕೆಳಗೆ ಅಪ್ಪ​ಚ್ಚಿ​ಯಾ​ಗಿ​ದೆ. ಭಾರ​ತದ ಪುತ್ರಿ​ಯರ ನ್ಯಾಯದ ಕೂಗನ್ನು ಮೋದಿ ಸರ್ಕಾರ ಸಮಾಧಿ ಮಾಡಿ​ದೆ’ ಎಂದು ಆಕ್ರೋಶ ವ್ಯಕ್ತ​ಪ​ಡಿ​ಸಿ​ದ್ದಾ​ರೆ.