ದಶಕದ ನಂತರ ಫೈನಲ್ ಫೈಟ್'ಗೆ ವೇದಿಕೆ ಸಜ್ಜು: ಎರಡನೇ ಬಾರಿ ಪಾಕ್ ವಿರುದ್ಧ ಸೆಣಸಾಟ

ದಶಕದ ನಂತರ ಮತ್ತೆ ಬದ್ಧವೈರಿಗಳಾದ ಭಾರತ ಮತ್ತು ಪಾಕಿಸ್ತಾನ ICC ಟೂರ್ನಿಯಲ್ಲಿ ಟ್ರೋಫಿಗಾಗಿ ಕಾದಾಡಲಿವೆ. ಎರಡೂ ತಂಡಕ್ಕೂ ಇದು ಪ್ರತಿಷ್ಠೆಯ ಪಂದ್ಯ. ಲೀಗ್​​​​​ನಲ್ಲಿ ಪಾಕ್​ಗಳ ಗರ್ವಭಂಗವಾಗಿತ್ತು. ಅದರ ಸೇಡು ತೀರಿಸಿಕೊಳ್ಳಲು ಪಾಕಿಗಳು ಎದುರು ನೋಡುತ್ತಿದ್ದರೆ ಟೀಂ ಇಂಡಿಯಾ ಮಾತ್ರ ಮತ್ತೆ ಪಾಕಿಸ್ತಾನದ ಬೆನ್ನು ಮೂಳೆ ಮುರಿಯಲು ರೆಡಿಯಾಗಿವೆ.

ನಿಜ ಹೇಳಬೇಕಂದ್ರೆ ಇಂತಹ ಒಂದು ಪಂದ್ಯಕ್ಕೆ ಭಾರತದ ಕ್ರಿಕೆಟ್​​​ ಅಭಿಮಾನಿಗಳು ದಶಕಗಳ ಕಾಲ ಕಾಯಬೇಕಾಯ್ತು. ಬದ್ಧ ವೈರಿಗಳ ವಿರುದ್ಧ ತಮ್ಮ ಸಾಮರ್ಥ್ಯ ಪ್ರದರ್ಶಿಸಲು ಉತ್ತಮ ವೇದಿಕೆಗಾಗಿ ಕಾದು ಕುಳಿತಿದ್ದ ಟೀಂ ಇಂಡಿಯಾ, ಕ್ರಿಕೆಟ್​​​ ಪ್ರೇಮಿಗಳಿಗೆ ಕೊನೆಗೂ ಆ ಕ್ಷಣ ಉಣಬಡಿಸಲು ಸಜ್ಜಾಗಿದೆ. ಅದುವೇ ಭಾರತ- ಪಾಕ್​​​ ಫೈನಲ್​​​​​. ಮಹತ್ತರ ಟೂರ್ನಿಯಲ್ಲಿ ಟೀಂ ಇಂಡಿಯಾ ಮತ್ತು ಬದ್ಧ ವೈರಿ ಪಾಕಿಸ್ತಾನ ಟ್ರೋಫಿಗಾಗಿ ಕಾದಾಡಿ 10 ವರ್ಷಗಳೇ ಕಳೆದು ಹೋಗಿದ್ವು. 2007ರಲ್ಲಿ ಟಿ20 ವಿಶ್ವಕಪ್​ನ ಫೈನಲ್​​​ನಲ್ಲಿ ಮೊದಲ ಮತ್ತು ಕೊನೆಯ ಬಾರಿ ICC ಟೂರ್ನಿಯ ಫೈನಲ್​​​ನಲ್ಲಿ ಮುಖಮುಖಿಯಾಗಿದ್ದ ಇವರಿಬ್ಬರು, ಈಗ ಮತ್ತೆ ಫೈಟ್​​​ ನಡೆಸುವ ಮೂಲಕ ಎರಡೂ ದೇಶದಲ್ಲೂ ಕಿಚ್ಚು ಹಚ್ಚಿದ್ದಾರೆ.

ಪಂದ್ಯಕ್ಕೆ ಕೊಹ್ಲಿ ರಣತಂತ್ರ ಹೇಗಿರುತ್ತೆ..?

ಟೀಂ ಇಂಡಿಯಾದ ಬ್ಯಾಟಿಂಗ್ ಬಲಿಷ್ಠವಾಗಿದ್ದರೂ ಬೌಲಿಂಗ್​​​ ಸಾಕಷ್ಟು ಸುಧಾರಿಸಬೇಕಾಗಿದೆ. ಫ್ರಂಟ್​​​ ಲೈನ್​​ ಬೌಲರ್ಸ್​ ಇಡೀ ಟೂರ್ನಿಯಲ್ಲಿ ವಿಫಲರಾಗಿದ್ದಾರೆ. ಹೀಗಾಗಿ ಕೊಹ್ಲಿ ಬೌಲಿಂಗ್​​​ನಲ್ಲಿ ಕೊಂಚ ಬದಲಾವಣೆ ಮಾಡಬೇಕಿದೆ. ಇನ್ನು ಫೀಲ್ಡಿಂಗ್ ಸುಧಾರಿಸಬೇಕಿದೆ. ಗ್ರೂಪ್ ಹಂತದಲ್ಲಿ ಟೀಂ ಇಂಡಿಯಾ ವಿರುದ್ಧ ಪಾಕ್ ಹೀನಾಯವಾಗಿ ಸೋತಿತ್ತು​​. ನಂತರ ಪುಟಿದೆದ್ದು ಎದುರಾಳಿ ತಂಡಗಳನ್ನು ಪುಡಿಪುಡಿ ಮಾಡಿ ಈಗ ಫೈನಲ್'​ಗೇರಿರುವ ಪಾಕಿಸ್ತಾನ ಮೊದಲ ಪಂದ್ಯದ ಸೇಡು ತೀರಿಸಿಕೊಳ್ಳಲು ರೆಡಿಯಾಗಿದೆ.

ಮಳೆರಾಯ ಅಬ್ಬರಿಸಿದ್ರೆ ಏನಾಗುತ್ತೆ.?

ಈ ಬಾರಿಯ ಚಾಂಪಿಯನ್ಸ್​​ ಟ್ರೋಫಿಯಲ್ಲಿ  ಮಳೆರಾಯ ಎಷ್ಟು ಕಾಟ ಕೊಟ್ಟಿದ್ದ ಅನ್ನೋದು ಗೊತ್ತೆ ಇದೆ. ಹಾಗಾದ್ರೆ  ಫೈನಲ್​ಗೆ ಮಳೆ ಅಡ್ಡಿಯಾಗಿ ಪಂದ್ಯ ರದ್ದಾದ್ರೆ ಕ್ರಿಕೆಟ್​​​ ಅಭಿಮಾನಿಗಳು ಚಿಂತಿಸುವ ಅಗತ್ಯವೇ ಇಲ್ಲ. ಯಾಕಂದ್ರೆ ಪಂದ್ಯ ಮುಂದೂಡಲಾಗುತ್ತೆ. ಒಟ್ಟಿನಲ್ಲಿ ಮದಗಜಗಳಂತೆ ಎರಡೂ ತಂಡಗಳು ಕಾದಾಡೋದು ಕನ್​​ಫರ್ಮ್​.. ಆಲ್ ದ ಬೆಸ್ಟ್ ಇಂಡಿಯಾ.