ವಿಶ್ವಕಪ್ ಟೂರ್ನಿಯಲ್ಲಿ ಭಾರತ ಹಾಗೂ ಪಾಕಿಸ್ತಾನ ನಡುವಿನ ಪಂದ್ಯದ ಗುಂಗಿನಿಂದ ಯಾರು ಹೊರಬಂದಿಲ್ಲ. ಬದ್ಧವೈರಿ ಪಾಕ್ ವಿರುದ್ಧದ ಗೆಲುವಿನ ಸಂಭ್ರಮ ಇನ್ನೂ ನಿಂತಿಲ್ಲ. ಆದರೆ ಈ ಪಂದ್ಯದ ಅಬ್ಬರದಿಂದ ಬೆಂಗಳೂರಿನ ಯುವ ಈಜುಪಟು ಸಾಧನೆ ಮರೆಯಾಗಿದೆ.
ಬೆಂಗಳೂರು(ಜೂ.19): ವಿಶ್ವಕಪ್ ಟೂರ್ನಿ ಆರಂಭವಾದ ಬಳಿಕ ಎಲ್ಲರೂ ಭಾರತ ಹಾಗೂ ಪಾಕಿಸ್ತಾನವನ್ನೇ ಎದುರುನೋಡುತ್ತಿದ್ದರು. ರೋಚಕ ಹೋರಾಟದಲ್ಲಿ ಪಾಕಿಸ್ತಾನ ಮಣಿಸಿದ ಟೀಂ ಇಂಡಿಯಾ ದಾಖಲೆ ಬರೆಯಿತು. ಇತ್ತ ಅಭಿಮಾನಿಗಳು ಸಂಭ್ರಮಾಚರಣೆಯಲ್ಲಿ ಮುಳುಗಿದರು. ಆದರೆ ಇಂಡೋ-ಪಾಕ್ ಪಂದ್ಯದ ಅಬ್ಬರದಿಂದ ಬೆಂಗಳೂರಿನ ಪ್ಯಾರಾ ಈಜುಪಟು ಸಾಧನೆ ಮರೆಯಾಗಿದೆ.
ಇದನ್ನೂ ಓದಿ: ವಾಘಾ ಗಡಿಯಲ್ಲಿ ತೊಡೆ ತಟ್ಟಿದ್ದ ಹಸನ್ ಅಲಿಗೆ ಚಳಿ ಬಿಡಿಸಿದ ಪಾಕ್ ಕ್ರಿಕೆಟಿಗರು..!
undefined
ನಾರ್ವೆಯಲ್ಲಿ ನಡೆದ ನಾರ್ವೆಯನ್ ಸ್ವಿಮ್ಮಿಂಗ್ ಚಾಂಪಿಯನ್‌ಶಿಪ್ ಟೂರ್ನಿಯಲ್ಲಿ ಬೆಂಗಳೂರಿನ ಪ್ಯಾರ ಈಜುಪಟು ನಿರಂಜನ್ ಮುಕುಂದನ್ ಒಂದಲ್ಲ, ಎರಡಲ್ಲ ಬರೊಬ್ಬರಿ 5 ಚಿನ್ನದ ಪದಕ ಗೆದ್ದ ಸಾಧನೆ ಮಾಡಿದ್ದಾರೆ. ಹುಟ್ಟಿನಿಂದಲೇ ಬೆನ್ನು ಮೂಳೆ ಸಂಬಂಧಿತ ಆರೋಗ್ಯ ಸಮಸ್ಯೆ ಎದುರಿಸಿದ ನಿರಂಜನ್‌ಗೆ ಎದ್ದು ನಡೆಯಲು ಸಾಧ್ಯವಿಲ್ಲ. 17 ಸರ್ಜರಿ ಮಾಡಿಸಿಕೊಂಡಿರುವ ನಿರಂಜನ್ ಇದೀಗ ಪ್ಯಾರಾ ಸ್ಮಿಮ್ಮಿಂಗ್‌ನಲ್ಲಿ 5 ಚಿನ್ನದ ಪದಕ ಗೆದ್ದಿದ್ದಾರೆ.
🥇🥇🥇🥇🥇
🚨GOLD ALERT🚨Final Day
Finishing off The Norwegian Championship in style with 2 more golds on the final day!
5 EVENTS AND 5 GOLDS.
Fabulous races and great finishes!!! pic.twitter.com/88u0wOOYJf
ಇದನ್ನೂ ಓದಿ: Fact Check| ಕಾಶ್ಮೀರ ಬೇಡ, ಕೊಹ್ಲಿ ಕಳುಹಿಸಿಕೊಡಿ: ಪಾಕ್ ಅಭಿಮಾನಿಗಳು!
ಕಳೆದ ಡಿಸೆಂಬರ್‌ನಲ್ಲಿ ಮೇಜರ್ ಸರ್ಜರಿ ಮಾಡಿಸಿಕೊಂಡಿದ್ದ 24 ವರ್ಷದ ನಿರಂಜನ್ ಸತತ 2 ತಿಂಗಳು ವಿಶ್ರಾಂತಿ ಪಡೆದಿದ್ದರು. ಒಲಿಂಪಿಕ್ ಕ್ರೀಡಾಕೂಟದಲ್ಲಿ ಚಿನ್ನದ ಮೀನು ಎಂದೇ ಖ್ಯಾತಿಯಾಗಿರುವ ಅಮೇರಿಕಾ ಮೈಕಲ್ ಪೆಲ್ಫ್ಸ್, ನಮ್ಮ ಬೆಂಗಳೂರು ಈಜುಪಟು ನಿರಂಜನ್ ಸ್ಪೂರ್ತಿ. ಟೀಂ ಇಂಡಿಯಾ ಮಾಜಿ ನಾಯಕ, ಎ ತಂಡದ ಕೋಚ್ ರಾಹುಲ್ ದ್ರಾವಿಡ್ ಅಭಿಮಾನಿಯಾಗಿರುವ ನಿರಂಜನ್, 2016ರಲ್ಲಿ ಕರ್ನಾಟಕ ಸರಕಾರದಿಂದ ಏಕಲವ್ಯ ಪ್ರಶಸ್ತಿ ಪಡೆದುಕೊಂಡಿದ್ದಾರೆ.