ಪಿಬಿಎಲ್: ಬೆಂಗಳೂರು-ಹೈದರಾಬಾದ್ ಫೈನಲ್ ಕದನ
ಸಾರಾಂಶ
ಪುರುಷರ ಡಬಲ್ಸ್'ನ ಟ್ರಂಪ್ ಪಂದ್ಯದಲ್ಲಿ ಬೆಂಗಳೂರು ತಂಡ ಕೆ.ಎಸ್. ರಾಂಗ್ ಮತ್ತು ಎಂ. ಬೋಯಿ ಜೋಡಿ 15-13, 15-12 ಗೇಮ್'ಗಳಿಂದ ಅಹಮದಾಬಾದ್'ನ ರೇಜಿನಾಲ್ಡ್ ಮತ್ತು ಕೆ. ನಂದಗೋಪಾಲ್ ಜೋಡಿ ಎದುರು ಗೆಲುವು ಸಾಧಿಸಿತು.
ಹೈದರಾಬಾದ್(ಜ.14): ಪುರುಷರ ಸಿಂಗಲ್ಸ್ ಮತ್ತು ಮಿಶ್ರ ಡಬಲ್ಸ್ ವಿಭಾಗದಲ್ಲಿ ಜಯ ಸಾಧಿಸಿದ ಬೆಂಗಳೂರು ಬ್ಲಾಸ್ಟರ್ಸ್, 3ನೇ ಆವೃತ್ತಿಯ ಪ್ರಿಮೀಯರ್ ಬ್ಯಾಡ್ಮಿಂಟನ್ ಲೀಗ್'ನ ಸೆಮೀಸ್'ನಲ್ಲಿ 4-3 ಅಂಕಗಳಿಂದ ಅಹಮದಾಬಾದ್ ಸ್ಮ್ಯಾಶ್ ಮಾಸ್ಟರ್ಸ್ ಎದುರು ಗೆಲುವು ಪಡೆದಿದೆ. ಈ ಮೂಲಕ ಇಂದು ನಡೆಯಲಿರುವ ಫೈನಲ್ ಪಂದ್ಯದಲ್ಲಿ ಬೆಂಗಳೂರು ತಂಡ, ಹೈದರಾಬಾದ್ ಎದುರು ಸೆಣಸಲಿದೆ.
ಶನಿವಾರ ನಡೆದ 2ನೇ ಸೆಮಿಫೈನಲ್'ನ ಪುರುಷರ ಸಿಂಗಲ್ಸ್'ನ ಮೊದಲ ಪಂದ್ಯದಲ್ಲಿ ಬೆಂಗಳೂರು ತಂಡದ ಸಿ.ಡಬ್ಲ್ಯೂ. ಫೆಂಗ್ 2-15, 15-14, 10-15 ಗೇಮ್'ಗಳಿಂದ ಅಹಮದಾಬಾದ್'ನ ಸೌರಭ್ ವರ್ಮಾ ಎದುರು ಪರಾಭವ ಹೊಂದಿದರು. ಪುರುಷರ ಡಬಲ್ಸ್'ನ ಟ್ರಂಪ್ ಪಂದ್ಯದಲ್ಲಿ ಬೆಂಗಳೂರು ತಂಡ ಕೆ.ಎಸ್. ರಾಂಗ್ ಮತ್ತು ಎಂ. ಬೋಯಿ ಜೋಡಿ 15-13, 15-12 ಗೇಮ್'ಗಳಿಂದ ಅಹಮದಾಬಾದ್'ನ ರೇಜಿನಾಲ್ಡ್ ಮತ್ತು ಕೆ. ನಂದಗೋಪಾಲ್ ಜೋಡಿ ಎದುರು ಗೆಲುವು ಸಾಧಿಸಿತು. ಮಹಿಳಾ ಸಿಂಗಲ್ಸ್'ನಲ್ಲಿ ಬೆಂಗಳೂರಿನ ಗಿಲ್ಮೋರ್ 15-8, 13-15, 8-15 ಗೇಮ್'ಗಳಿಂದ ಅಹಮದಾಬಾದ್'ನ ಟಿ.ಟಿ. ಯಿಂಗ್ ಎದುರು ಸೋಲು ಕಂಡರು.
ಪುರುಷರ ಸಿಂಗಲ್ಸ್'ನ ಮತ್ತೊಂದು ಪಂದ್ಯದಲ್ಲಿ ಬೆಂಗಳೂರಿನ ವಿಕ್ಟರ್ ಅಕ್ಸೆಲ್ಸನ್ ಪ್ರಣಯ್ ಎದುರು, ಮಿಶ್ರ ಡಬಲ್ಸ್'ನಲ್ಲಿ ಬೆಂಗಳೂರಿನ ರಾಂಗ್ ಮತ್ತು ಎನ್.ಎಸ್. ರೆಡ್ಡಿ ಜೋಡಿ ಗೆಲುವು ಪಡೆಯಿತು.
ಕ್ರಿಕೆಟ್ ಮತ್ತು ಕ್ರೀಡಾ ಜಗತ್ತಿನ (Sports News in Kannada) ಕ್ಷಣಕ್ಷಣದ ಕನ್ನಡ ಸುದ್ದಿ ಅಪ್ಡೇಟ್ಗಳಿಗಾಗಿ ಏಷ್ಯಾನೆಟ್ ಸುವರ್ಣ ನ್ಯೂಸ್ ಫಾಲೋ ಮಾಡಿ. ಐಪಿಎಲ್ ಲೈವ್ ಸೇರಿದಂತೆ ಟೀಂ ಇಂಡಿಯಾದ ಬ್ರೇಕಿಂಗ್ ಸುದ್ದಿ (Cricket News in Kannada), ವಿಶೇಷ ವರದಿಗಳು ಮತ್ತು ನೇರ ಪ್ರಸಾರಗಳೊಂದಿಗೆ ಸಂಪೂರ್ಣ ಮಾಹಿತಿ ನಿಮ್ಮ ಒಂದೇ ಕ್ಲಿಕ್ನಲ್ಲಿ ಲಭ್ಯ. ಏಷ್ಯಾನೆಟ್ ಸುವರ್ಣ ನ್ಯೂಸ್ ಅಧಿಕೃತ ಆ್ಯಪ್ ಡೌನ್ಲೋಡ್ ಮಾಡಿ ಹಾಗೂ ಎಲ್ಲಾ ಅಪ್ಡೇಟ್ ಗಳನ್ನು ಪಡೆಯಿರಿ.