ಆ್ಯಷಸ್ ಕದನ: ಆಸ್ಟ್ರೇಲಿಯಾ ಜಯಭೇರಿ!
ಸಾರಾಂಶ
ಆ್ಯಷಸ್ ಸರಣಿಯ ಮೊದಲ ಪಂದ್ಯದಲ್ಲಿ ನಾಟಕೀಯ ಕುಸಿತ ಕಂಡ ಆತಿಥೇಯ ಇಂಗ್ಲೆಂಡ್ 251 ರನ್ಗಳಿಂದ ಆಸ್ಟ್ರೇಲಿಯಾಗೆ ಶರಣಾಗಿದೆ. ಎರಡು ಇನಿಂಗ್ಸ್ಗಳಲ್ಲೂ ಶತಕ ಸಿಡಿಸಿದ ಸ್ಟೀವ್ ಸ್ಮಿತ್ ಪಂದ್ಯಶ್ರೇಷ್ಠ ಗೌರವಕ್ಕೆ ಭಾಜನರಾಗಿದ್ದಾರೆ. ಈ ಕುರಿತಾದ ವರದಿ ಇಲ್ಲಿದೆ ನೋಡಿ...
ಬರ್ಮಿಂಗ್ಹ್ಯಾಮ್[ಆ.06]: ನೇಥನ್ ಲಯನ್ ಸ್ಪಿನ್ ಜಾದೂ ನೆರವಿನಿಂದ, ಇಂಗ್ಲೆಂಡ್ ವಿರುದ್ಧದ ಆ್ಯಷಸ್ ಸರಣಿಯ ಮೊದಲ ಟೆಸ್ಟ್ನಲ್ಲಿ ಆಸ್ಪ್ರೇಲಿಯಾ 251 ರನ್ಗಳ ಭರ್ಜರಿ ಗೆಲುವು ಸಾಧಿಸಿದೆ. ಇದರೊಂದಿಗೆ 5 ಪಂದ್ಯಗಳ ಸರಣಿಯಲ್ಲಿ 1-0 ಮುನ್ನಡೆ ಪಡೆದಿದ್ದು, ಐಸಿಸಿ ವಿಶ್ವ ಟೆಸ್ಟ್ ಚಾಂಪಿಯನ್ಶಿಪ್ನಲ್ಲಿ ಅಂಕಗಳ ಖಾತೆ ತೆರೆದಿದೆ. ಈ ಪಂದ್ಯದ ಗೆಲುವಿನಿಂದ ಆಸೀಸ್ 24 ಅಂಕ ಪಡೆದುಕೊಂಡಿದೆ.
ಆ್ಯಷಸ್ ಕದನ: ಇಂಗ್ಲೆಂಡ್ಗೆ 398 ರನ್ ಗುರಿ
ಗೆಲುವಿಗೆ 398 ರನ್ ಗುರಿ ಬೆನ್ನತ್ತಿದ ಇಂಗ್ಲೆಂಡ್ 5ನೇ ಹಾಗೂ ಅಂತಿಮ ದಿನವನ್ನು ವಿಕೆಟ್ ನಷ್ಟವಿಲ್ಲದೆ 13 ರನ್ಗಳಿಂದ ಆರಂಭಿಸಿದ ಇಂಗ್ಲೆಂಡ್ 97 ರನ್ ಗಳಿಸುವಷ್ಟರಲ್ಲಿ 7 ವಿಕೆಟ್ ಕಳೆದುಕೊಂಡಿತು. ಕ್ರಿಸ್ ವೋಕ್ಸ್ (37) ಕೆಲ ಕಾಲ ಹೋರಾಟ ನಡೆಸಿ ತಂಡದ ಮೊತ್ತವನ್ನು 140 ರನ್ ದಾಟಿಸಿದರು. ಅಂತಿಮವಾಗಿ ಇಂಗ್ಲೆಂಡ್ 146 ರನ್ಗಳಿಗೆ ಆಲೌಟ್ ಆಯಿತು. ಲಯನ್ 49 ರನ್ಗೆ 6 ವಿಕೆಟ್ ಕಿತ್ತರೆ, ವೇಗಿ ಕಮಿನ್ಸ್ 32 ರನ್ಗೆ 4 ವಿಕೆಟ್ ಕಬಳಿಸಿದರು.
ಆಶ್ಯಸ್ ಸರಣಿ: 2 ವರ್ಷಗಳ ಬಳಿಕ ಇಶಾಂತ್ ಅನುಕರಣೆ ಮಾಡಿದ ಸ್ಮಿತ್!
ಮೊದಲ ಇನ್ನಿಂಗ್ಸ್ನಲ್ಲಿ 122 ರನ್ಗೆ 8 ವಿಕೆಟ್ ಕಳೆದುಕೊಂಡು ಸಂಕಷ್ಟದಲ್ಲಿದ್ದ ಆಸೀಸ್, ಪುಟಿದೆದ್ದು ಪಂದ್ಯ ಜಯಿಸಿತು. ಆಸೀಸ್ ಹೋರಾಟಕ್ಕೆ ಭಾರೀ ಮೆಚ್ಚುಗೆ ವ್ಯಕ್ತವಾಗಿದೆ. ಆ.14ರಿಂದ ಲಾರ್ಡ್ಸ್’ನಲ್ಲಿ 2ನೇ ಟೆಸ್ಟ್ ಅರಂಭಗೊಳ್ಳಲಿದೆ.
ಸ್ಕೋರ್:
ಆಸ್ಪ್ರೇಲಿಯಾ 284, 487/7 ಡಿ.,
ಇಂಗ್ಲೆಂಡ್ 374 ಹಾಗೂ 146
ಪಂದ್ಯ ಶ್ರೇಷ್ಠ: ಸ್ಟೀವ್ ಸ್ಮಿತ್
ಕ್ರಿಕೆಟ್ ಮತ್ತು ಕ್ರೀಡಾ ಜಗತ್ತಿನ (Sports News in Kannada) ಕ್ಷಣಕ್ಷಣದ ಕನ್ನಡ ಸುದ್ದಿ ಅಪ್ಡೇಟ್ಗಳಿಗಾಗಿ ಏಷ್ಯಾನೆಟ್ ಸುವರ್ಣ ನ್ಯೂಸ್ ಫಾಲೋ ಮಾಡಿ. ಐಪಿಎಲ್ ಲೈವ್ ಸೇರಿದಂತೆ ಟೀಂ ಇಂಡಿಯಾದ ಬ್ರೇಕಿಂಗ್ ಸುದ್ದಿ (Cricket News in Kannada), ವಿಶೇಷ ವರದಿಗಳು ಮತ್ತು ನೇರ ಪ್ರಸಾರಗಳೊಂದಿಗೆ ಸಂಪೂರ್ಣ ಮಾಹಿತಿ ನಿಮ್ಮ ಒಂದೇ ಕ್ಲಿಕ್ನಲ್ಲಿ ಲಭ್ಯ. ಏಷ್ಯಾನೆಟ್ ಸುವರ್ಣ ನ್ಯೂಸ್ ಅಧಿಕೃತ ಆ್ಯಪ್ ಡೌನ್ಲೋಡ್ ಮಾಡಿ ಹಾಗೂ ಎಲ್ಲಾ ಅಪ್ಡೇಟ್ ಗಳನ್ನು ಪಡೆಯಿರಿ.