ಏಷ್ಯನ್ ಕುಸ್ತಿ: ಭಾರತದ ಮುಡಿಗೆ 14 ಪದಕ
ಸಾರಾಂಶ
ಕಳೆದ ಆವೃತ್ತಿಯಲ್ಲಿ ಭಾರತದ ಕುಸ್ತಿಪಟುಗಳು ತೋರಿದ್ದ ಪ್ರದರ್ಶನಕ್ಕಿಂತ ಈ ಬಾರಿ ಉತ್ತಮ ಪ್ರದರ್ಶನ ತೋರುವಲ್ಲಿ ಯಶಸ್ವಿಯಾಗಿದ್ದರೆ. ಶನಿವಾರ ನಡೆದ ಪುರುಷರ ಗ್ರೀಕೋ ರೋಮನ್ ವಿಭಾಗದ 77 ಕೆ.ಜಿ. ಸ್ಪರ್ಧೆಯಲ್ಲಿ ಗುರುಪ್ರೀತ್ ಸಿಂಗ್, ದಕ್ಷಿಣ ಕೊರಿಯಾದ ಕಿಮ್ ಹೆಯನ್ ವೂ ವಿರುದ್ಧ 0-8 ಬೌಟ್ಗಳಲ್ಲಿ ಸೋಲು ಕಂಡರು.
ಕ್ಸಿಯಾನ್ (ಚೀನಾ): ಭಾರತದ ಗುರುಪ್ರೀತ್ ಸಿಂಗ್ ಹಾಗೂ ಸುನಿಲ್ ಕುಮಾರ್, ಇಲ್ಲಿ ನಡೆಯುತ್ತಿರುವ ಏಷ್ಯನ್ ಕುಸ್ತಿ ಚಾಂಪಿಯನ್ಶಿಪ್ನಲ್ಲಿ ಬೆಳ್ಳಿ ಪದಕ ಗೆದ್ದಿದ್ದಾರೆ. ಇದರೊಂದಿಗೆ ಭಾರತದ ಖಾತೆಯಲ್ಲಿ 1 ಚಿನ್ನ, 5 ಬೆಳ್ಳಿ ಹಾಗೂ 8 ಕಂಚಿನೊಂದಿಗೆ 14 ಪದಕಗಳು ಸೇರಿವೆ.
ಕಳೆದ ಆವೃತ್ತಿಯಲ್ಲಿ ಭಾರತದ ಕುಸ್ತಿಪಟುಗಳು ತೋರಿದ್ದ ಪ್ರದರ್ಶನಕ್ಕಿಂತ ಈ ಬಾರಿ ಉತ್ತಮ ಪ್ರದರ್ಶನ ತೋರುವಲ್ಲಿ ಯಶಸ್ವಿಯಾಗಿದ್ದರೆ. ಶನಿವಾರ ನಡೆದ ಪುರುಷರ ಗ್ರೀಕೋ ರೋಮನ್ ವಿಭಾಗದ 77 ಕೆ.ಜಿ. ಸ್ಪರ್ಧೆಯಲ್ಲಿ ಗುರುಪ್ರೀತ್ ಸಿಂಗ್, ದಕ್ಷಿಣ ಕೊರಿಯಾದ ಕಿಮ್ ಹೆಯನ್ ವೂ ವಿರುದ್ಧ 0-8 ಬೌಟ್ಗಳಲ್ಲಿ ಸೋಲು ಕಂಡರು. 2012ರ ಒಲಿಂಪಿಕ್ ಚಿನ್ನ ವಿಜೇತ ಹಾಗೂ 2013ರ ವಿಶ್ವ ಚಾಂಪಿಯನ್ ಕುಸ್ತಿಪಟು ಕಿಮ್ ಹೆಯನ್, ಗುರುಪ್ರೀತ್ ಮಣಿಸಿ ಏಷ್ಯನ್ ಚಾಂಪಿಯನ್ಶಿಪ್ ನಲ್ಲಿ ಚಿನ್ನಕ್ಕೆ ಮುತ್ತಿಟ್ಟರು. ಕ್ವಾರ್ಟರ್ನಲ್ಲಿ ಗುರುಪ್ರೀತ್, ಕತಾರ್ನ ಭಕಿತ್ ಶರೀಫ್ ಎದುರು 10-0 ಬೌಟ್ಗಳಲ್ಲಿ, ಸೆಮೀಸ್ನಲ್ಲಿ ಕಜಕಸ್ತಾನದ ತಮೆರ್ಲಾನ್ ಶದುಕಯೆವ್ ವಿರುದ್ಧ 6-5 ಬೌಟ್ಗಳಲ್ಲಿ ಜಯಿಸಿದರು.
87 ಕೆ.ಜಿ. ವಿಭಾಗದ ಮತ್ತೊಂದು ಫೈನಲ್ ಪಂದ್ಯದಲ್ಲಿ ಸುನಿಲ್ ಕುಮಾರ್, 2 ಬಾರಿ ಏಷ್ಯನ್ ಚಾಂಪಿಯನ್ಶಿಪ್ ಚಿನ್ನ ವಿಜೇತ ಹೊಸೈನ್ ನೌರಿ ವಿರುದ್ಧ 0-2 ಬೌಟ್ಗಳಲ್ಲಿ ಸೋಲುಂಡರು. ಸೆಮೀಸ್ನಲ್ಲಿ ಕಜಕಸ್ತಾನದ ಅಜ್ಮತ್ ವಿರುದ್ಧ ಸುನಿಲ್ ಕುಮಾರ್ ಜಯ ಸಾಧಿಸಿ ಫೈನಲ್ಗೇರಿದ್ದರು.
ಕ್ರಿಕೆಟ್ ಮತ್ತು ಕ್ರೀಡಾ ಜಗತ್ತಿನ (Sports News in Kannada) ಕ್ಷಣಕ್ಷಣದ ಕನ್ನಡ ಸುದ್ದಿ ಅಪ್ಡೇಟ್ಗಳಿಗಾಗಿ ಏಷ್ಯಾನೆಟ್ ಸುವರ್ಣ ನ್ಯೂಸ್ ಫಾಲೋ ಮಾಡಿ. ಐಪಿಎಲ್ ಲೈವ್ ಸೇರಿದಂತೆ ಟೀಂ ಇಂಡಿಯಾದ ಬ್ರೇಕಿಂಗ್ ಸುದ್ದಿ (Cricket News in Kannada), ವಿಶೇಷ ವರದಿಗಳು ಮತ್ತು ನೇರ ಪ್ರಸಾರಗಳೊಂದಿಗೆ ಸಂಪೂರ್ಣ ಮಾಹಿತಿ ನಿಮ್ಮ ಒಂದೇ ಕ್ಲಿಕ್ನಲ್ಲಿ ಲಭ್ಯ. ಏಷ್ಯಾನೆಟ್ ಸುವರ್ಣ ನ್ಯೂಸ್ ಅಧಿಕೃತ ಆ್ಯಪ್ ಡೌನ್ಲೋಡ್ ಮಾಡಿ ಹಾಗೂ ಎಲ್ಲಾ ಅಪ್ಡೇಟ್ ಗಳನ್ನು ಪಡೆಯಿರಿ.