ಏಷ್ಯನ್ ಈಜು ಚಾಂಪಿಯನ್ಶಿಪ್ 2019: ಭಾರತಕ್ಕೆ 64 ಪದಕ
ಸಾರಾಂಶ
ಬೆಂಗಳೂರಿನಲ್ಲಿ ನಡೆದ 10ನೇ ಏಷ್ಯನ್ ಈಜು ಚಾಂಪಿಯನ್ಶಿಪ್ನಲ್ಲಿ ಭಾರತ 64 ಪದಕಗಳನ್ನು ಚಾಚಿಕೊಂಡಿದೆ. ಇದರೊಂದಿಗೆ ಭಾರತ ಡೈವಿಂಗ್ ಸ್ಪರ್ಧೆಯಲ್ಲಿ 5 ಚಿನ್ನ, 5 ಬೆಳ್ಳಿ 2 ಕಂಚಿನೊಂದಿಗೆ 12 ಪದಕ ಗೆದ್ದಿತು. ಈ ಕುರಿತಾದ ವರದಿ ಇಲ್ಲಿದೆ ನೋಡಿ...
ಬೆಂಗಳೂರು(ಅ.03): ಬುಧವಾರ ಮುಕ್ತಾಯವಾದ 10ನೇ ಏಷ್ಯನ್ ವಯೋ ವರ್ಗ ಈಜು ಚಾಂಪಿಯನ್ಶಿಪ್ನ ಡೈವಿಂಗ್ ಸ್ಪರ್ಧೆಯಲ್ಲಿ ಭಾರತದ ಪಾಲಕ್ ಶರ್ಮಾ ಹಾಗೂ ಸಿದ್ಧಾಥ್ ಪ್ರದೇಶಿ ಚಿನ್ನದ ಪದಕಕ್ಕೆ ಮುತ್ತಿಟ್ಟರು. ಇದರೊಂದಿಗೆ ಭಾರತ ಡೈವಿಂಗ್ ಸ್ಪರ್ಧೆಯಲ್ಲಿ 5 ಚಿನ್ನ, 5 ಬೆಳ್ಳಿ 2 ಕಂಚಿನೊಂದಿಗೆ 12 ಪದಕ ಗೆದ್ದಿತು. ಒಟ್ಟಾರೆ ಭಾರತದ ಈಜುಪಟುಗಳು 20 ಚಿನ್ನ, 24 ಬೆಳ್ಳಿ ಹಾಗೂ 20 ಕಂಚಿನೊಂದಿಗೆ 64 ಪದಕಗಳನ್ನು ಜಯಿಸಿದರು.
ಏಷ್ಯನ್ ಈಜು ಕೂಟ: ಚಿನ್ನಕ್ಕೆ ಮುತ್ತಿಟ್ಟ ರಮಾನಂದ
ಮೊದಲ ಅಂ.ರಾ. ಕೂಟದಲ್ಲಿ ಭಾಗವಹಿಸಿರುವ ಪಾಲಕ್ ಶರ್ಮಾ 5 ಮೀ./7.5 ಮೀ. ಗುಂಪು 3 ಬಾಲಕಿಯರ ಪ್ಲಾಟ್ ಫಾರಂ ಸ್ಪರ್ಧೆಯಲ್ಲಿ 162.70 ಅಂಕಗಳಿಸುವ ಮೂಲಕ ಚಿನ್ನ ಗೆದ್ದರು. ಪುರುಷರ ಮುಕ್ತ ವಿಭಾಗದಲ್ಲಿ ಸಿದ್ಧಾರ್ಥ್ ಪ್ರದೇಶಿ 10 ಮೀ. ಪ್ಲಾಟ್ ಫಾರಂ 379 ಅಂಕಗಳಿಸುವ ಮೂಲಕ ಚಿನ್ನ ಗೆದ್ದರು. ಬಾಲಕರ ಗುಂಪು 3ರ 5 ಮೀ./7.5 ಮೀ. ಸ್ಪರ್ಧೆಯಲ್ಲಿ ಸೈರನ್ ಇಂದೀವರ್ 237 ಅಂಕಗಳಿಸುವ ಮೂಲಕ ಕಂಚಿನ ಪದಕ ಗೆದ್ದರು.
ಏಷ್ಯನ್ ಈಜು ಕೂಟ: ಶ್ರೀಹರಿ ನಟರಾಜ್ ಗೆ 5ನೇ ಚಿನ್ನ
ಒಟ್ಟಾರೆ ಈಜು ಕೂಟದಲ್ಲಿ ಜಪಾನ್ ತಂಡದ ಸ್ಪರ್ಧಿಗಳು ಹೆಚ್ಚು ಪದಕ ಗೆದ್ದಿತು. ಆದರೆ ಆರ್ಟಿಸ್ಟಿಕ್ ಈಜು ಸ್ಪರ್ಧೆಯಲ್ಲಿ ಕಜಕಸ್ತಾನ 12 ಚಿನ್ನ, 7 ಬೆಳ್ಳಿ 5 ಕಂಚು ಗೆದ್ದರೆ, ಜಪಾನ್ 8 ಚಿನ್ನ, 2 ಬೆಳ್ಳಿ 1 ಕಂಚು ಜಯಿಸಿತು.
ಕ್ರಿಕೆಟ್ ಮತ್ತು ಕ್ರೀಡಾ ಜಗತ್ತಿನ (Sports News in Kannada) ಕ್ಷಣಕ್ಷಣದ ಕನ್ನಡ ಸುದ್ದಿ ಅಪ್ಡೇಟ್ಗಳಿಗಾಗಿ ಏಷ್ಯಾನೆಟ್ ಸುವರ್ಣ ನ್ಯೂಸ್ ಫಾಲೋ ಮಾಡಿ. ಐಪಿಎಲ್ ಲೈವ್ ಸೇರಿದಂತೆ ಟೀಂ ಇಂಡಿಯಾದ ಬ್ರೇಕಿಂಗ್ ಸುದ್ದಿ (Cricket News in Kannada), ವಿಶೇಷ ವರದಿಗಳು ಮತ್ತು ನೇರ ಪ್ರಸಾರಗಳೊಂದಿಗೆ ಸಂಪೂರ್ಣ ಮಾಹಿತಿ ನಿಮ್ಮ ಒಂದೇ ಕ್ಲಿಕ್ನಲ್ಲಿ ಲಭ್ಯ. ಏಷ್ಯಾನೆಟ್ ಸುವರ್ಣ ನ್ಯೂಸ್ ಅಧಿಕೃತ ಆ್ಯಪ್ ಡೌನ್ಲೋಡ್ ಮಾಡಿ ಹಾಗೂ ಎಲ್ಲಾ ಅಪ್ಡೇಟ್ ಗಳನ್ನು ಪಡೆಯಿರಿ.