ಏಷ್ಯನ್ ಗೇಮ್ಸ್: ಭಾರತಕ್ಕೆ ಬಿಗ್ ಶಾಕ್ ನೀಡಿದ ಸುಶೀಲ್

ಪುರುಷರ 74 ಕೆ.ಜಿ ಪ್ರೀಸ್ಟೈಲ್ ಕುಸ್ತಿ ವಿಭಾಗದಲ್ಲಿ ಬಹ್ರೇನ್’ನ ಆ್ಯಡಂ ಬೆಟಿರ್ವ್ ವಿರುದ್ಧ 5-3 ಅಂಕಗಳ ಆಘಾತಕಾರಿ ಸೋಲು ಅನುಭವಿಸಿದ್ದಾರೆ. ಆರಂಭದಲ್ಲಿ 2-1 ಅಂಕಗಳ ಮುನ್ನಡೆ ಕಾಯ್ದುಕೊಂಡಿದ್ದ ಸುಶೀಲ್ ದ್ವಿತಿಯಾರ್ಧದಲ್ಲಿ ಅದೇ ಪ್ರದರ್ಶನ ಕಾಯ್ದುಕೊಳ್ಳಲು ವಿಫಲರಾದರು. 

ಜಕಾರ್ತ[ಆ.19]: ಕುಸ್ತಿಯಲ್ಲಿ ಪದಕ ಗೆಲ್ಲುವ ನೆಚ್ಚಿನ ಸ್ಪರ್ಧಾಳು ಎಂದು ಗುರುತಿಸಿಕೊಂಡಿದ್ದ ಭಾರತದ ಒಲಿಂಪಿಕ್ಸ್ ಪದಕ ವಿಜೇತ ಸುಶೀಲ್ ಕುಮಾರ್ ಆರ್ಹತಾ ಸುತ್ತಿನಲ್ಲೇ ಹೊರಬಿದ್ದು ನಿರಾಸೆ ಅನುಭವಿಸಿದ್ದಾರೆ.

ಪುರುಷರ 74 ಕೆ.ಜಿ ಪ್ರೀಸ್ಟೈಲ್ ಕುಸ್ತಿ ವಿಭಾಗದಲ್ಲಿ ಬಹ್ರೇನ್’ನ ಆ್ಯಡಂ ಬೆಟಿರ್ವ್ ವಿರುದ್ಧ 5-3 ಅಂಕಗಳ ಆಘಾತಕಾರಿ ಸೋಲು ಅನುಭವಿಸಿದ್ದಾರೆ. ಆರಂಭದಲ್ಲಿ 2-1 ಅಂಕಗಳ ಮುನ್ನಡೆ ಕಾಯ್ದುಕೊಂಡಿದ್ದ ಸುಶೀಲ್ ದ್ವಿತಿಯಾರ್ಧದಲ್ಲಿ ಅದೇ ಪ್ರದರ್ಶನ ಕಾಯ್ದುಕೊಳ್ಳಲು ವಿಫಲರಾದರು. ಆಕ್ರಮಣ ಹಾಗೂ ತಾಂತ್ರಿಕ ಕೌಶಲ್ಯ ಮೆರೆದ ಬಹ್ರೇನ್’ನ ಕುಸ್ತಿಪಟು 5-3 ಅಂಕಗಳ ಅಂತರದಲ್ಲಿ ಸುಶೀಲ್’ಗೆ ಸೋಲಿನ ರುಚಿ ತೋರಿಸಿದರು. 

ಇನ್ನು 57 ಕೆ.ಜಿ ವಿಭಾಗದ ಕ್ವಾಲಿಫೈಯರ್ ಹಂತದ ಕುಸ್ತಿಯಲ್ಲಿ ಸಂದೀಪ್ ತೋಮರ್ ತುರ್ಕಮೇನಿಸ್ತಾನ್ ತಂಡದ ರುಸ್ತೀಮ್ ನಜರೋವ್ ವಿರುದ್ಧ 12-8 ಅಂಕಗಳ ಗೆಲುವು ಸಾಧಿಸಿ ಮುಂದಿನ ಹಂತಕ್ಕೆ ಲಗ್ಗೆಯಿಟ್ಟಿದ್ದಾರೆ.