ಏಷ್ಯನ್ ಗೇಮ್ಸ್ 2018: ರಿಲೆಯಲ್ಲಿ ವನಿತೆಯರಿಗೆ ಬಂಗಾರ, ಪುರುಷರಿಗೆ ಬೆಳ್ಳಿ..!
ಸಾರಾಂಶ
ಕೇವಲ 3:28.72 ನಿಮಿಷಗಳಲ್ಲಿ ಗುರಿಮುಟ್ಟಿದ ವನಿತೆಯರ ತಂಡ ಚಿನ್ನದ ಪದಕ ಗೆದ್ದುಕೊಂಡಿತು. ಈ ಮೂಲಕ ಏಷ್ಯನ್ ಗೇಮ್ಸ್’ನಲ್ಲಿ ಭಾರತೀಯ ವನಿತೆಯರ ರಿಲೇ ತಂಡ ಸತತ 5ನೇ ಬಾರಿಗೆ ಚಿನ್ನದ ಪದಕ ಗೆದ್ದು ಇತಿಹಾಸ ಬರೆಯಿತು. 2002, 2006, 2010, 2014ರಲ್ಲೂ ಭಾರತ ವನಿತೆಯರ ರಿಲೇ ತಂಡ ಪದಕ ಜಯಿಸಿದೆ.
ಜಕಾರ್ತ[ಆ.30]: ಏಷ್ಯನ್ ಗೇಮ್ಸ್’ನಲ್ಲಿ ಭಾರತೀಯ ಅಥ್ಲೀಟ್ಸ್’ಗಳ ಪ್ರಾಬಲ್ಯ ಮುಂದುವರೆದಿದ್ದು, ವನಿತೆಯರ 4*400 ಮೀಟರ್ ರಿಲೆಯಲ್ಲಿ ಹಿಮಾ ದಾಸ್, ಪೂವಮ್ಮ, ಸರಿತಾಬೆನ್ ಗಾಯಕ್ವಾಡ್ ಹಾಗೂ ವಿಸ್ಮಯ ವೆಲ್ಲುವ ಜೋಡಿ ಚಿನ್ನದ ಪದಕಕ್ಕೆ ಮುತ್ತಿಕ್ಕಿದೆ. ಇನ್ನು ಪುರುಷರ ರಿಲೇ ತಂಡ ಬೆಳ್ಳಿ ಪದಕಕ್ಕೆ ತೃಪ್ತಿಪಟ್ಟುಕೊಂಡಿದೆ.
ಕೇವಲ 3:28.72 ನಿಮಿಷಗಳಲ್ಲಿ ಗುರಿಮುಟ್ಟಿದ ವನಿತೆಯರ ತಂಡ ಚಿನ್ನದ ಪದಕ ಗೆದ್ದುಕೊಂಡಿತು. ಈ ಮೂಲಕ ಏಷ್ಯನ್ ಗೇಮ್ಸ್’ನಲ್ಲಿ ಭಾರತೀಯ ವನಿತೆಯರ ರಿಲೇ ತಂಡ ಸತತ 5ನೇ ಬಾರಿಗೆ ಚಿನ್ನದ ಪದಕ ಗೆದ್ದು ಇತಿಹಾಸ ಬರೆಯಿತು. 2002, 2006, 2010, 2014ರಲ್ಲೂ ಭಾರತ ವನಿತೆಯರ ರಿಲೇ ತಂಡ ಪದಕ ಜಯಿಸಿದೆ.
ಇನ್ನು ಭಾರತದ ಪುರುಷರ ತಂಡ 3:01.85 ನಿಮಿಷಗಳಲ್ಲಿ ಗುರಿ ಮುಟ್ಟುವ ಮೂಲಕ ರಜತ ಪದಕಕ್ಕೆ ಕೊರಳೊಡ್ಡಿತು. ಮೊಹಮ್ಮದ್ ಪುತನ್’ಪುರಕಲ್, ಅಯ್ಯಸ್ವಾಮಿ, ಅನಾಸ್, ಅರೋಕಿಯಾ ರಾಜೀವ್ ಒಳಗೊಂಡ ತಂಡ ಬೆಳ್ಳಿ ಪದಕ ಜಯಿಸಿತು.
ಕ್ರಿಕೆಟ್ ಮತ್ತು ಕ್ರೀಡಾ ಜಗತ್ತಿನ (Sports News in Kannada) ಕ್ಷಣಕ್ಷಣದ ಕನ್ನಡ ಸುದ್ದಿ ಅಪ್ಡೇಟ್ಗಳಿಗಾಗಿ ಏಷ್ಯಾನೆಟ್ ಸುವರ್ಣ ನ್ಯೂಸ್ ಫಾಲೋ ಮಾಡಿ. IPL Live ಸೇರಿದಂತೆ ಟೀಂ ಇಂಡಿಯಾದ ಬ್ರೇಕಿಂಗ್ ಸುದ್ದಿ (Cricket News in Kannada), ವಿಶೇಷ ವರದಿಗಳು ಮತ್ತು ನೇರ ಪ್ರಸಾರಗಳೊಂದಿಗೆ ಸಂಪೂರ್ಣ ಮಾಹಿತಿ ನಿಮ್ಮ ಒಂದೇ ಕ್ಲಿಕ್ನಲ್ಲಿ ಲಭ್ಯ. ಏಷ್ಯಾನೆಟ್ ಸುವರ್ಣ ನ್ಯೂಸ್ ಅಧಿಕೃತ ಆ್ಯಪ್ ಡೌನ್ಲೋಡ್ ಮಾಡಿ ಹಾಗೂ ಎಲ್ಲಾ ಅಪ್ಡೇಟ್ ಗಳನ್ನು ಪಡೆಯಿರಿ.