ಈ ಮೊದಲು ಕುಕ್ 139 ಟೆಸ್ಟ್ ಪಂದ್ಯಗಳಲ್ಲಿ 46.60 ಸರಾಸರಿಯಂತೆ 10,998ರನ್ ಕಲೆಹಾಕಿದ್ದರು.
ಚೆನ್ನೈ(ಡಿ.16): ಇಂಗ್ಲೆಂಡ್ ತಂಡದ ನಾಯಕ ಅಲಿಸ್ಟರ್ ಕುಕ್ ಟೆಸ್ಟ್ ಕ್ರಿಕೆಟ್'ನಲ್ಲಿ 11 ಸಾವಿರ ರನ್ ಬಾರಿಸಿದ ಅತಿ ಕಿರಿಯ ಆಟಗಾರ ಎಂಬ ಕೀರ್ತಿಗೆ ಭಾಜನರಾಗಿದ್ದಾರೆ.
ಭಾರತ ವಿರುದ್ಧ ಚನ್ನೈನಲ್ಲಿ ನಡೆಯುತ್ತಿರುವ ಐದನೇ ಟೆಸ್ಟ್ ಪಂದ್ಯದ ಮೊದಲ ಎಸೆತದಲ್ಲೇ ಕುಕ್ ಈ ಚಾರಿತ್ರಿಕ ಸಾಧನೆ ಮಾಡಿದ್ದಾರೆ. ಕುಕ್(31 ವರ್ಷ 257ದಿನ) 11 ಸಾವಿರ ರನ್ ಬಾರಿಸಲು ಕೇವಲ ಎರಡು ರನ್'ಗಳ ಅವಶ್ಯಕತೆಯಿತ್ತು.
ಈ ಮೊದಲು ಕುಕ್ 139 ಟೆಸ್ಟ್ ಪಂದ್ಯಗಳಲ್ಲಿ 46.60 ಸರಾಸರಿಯಂತೆ 10,998ರನ್ ಕಲೆಹಾಕಿದ್ದರು.
ಪ್ರಸಕ್ತ ಸರಣಿಯಲ್ಲಿ ಅಷ್ಟೇನು ಉತ್ತಮ ಫಾರ್ಮ್'ನಲ್ಲಿಲ್ಲದ ಆಂಗ್ಲರ ಪಡೆಯ ನಾಯಕ ಎಂಟು ಇನಿಂಗ್ಸ್'ನಲ್ಲಿ 310 ರನ್'ಗಳನ್ನಷ್ಟೇ ಕಲೆಹಾಕಿದ್ದಾರೆ. ಅಲ್ಲದೇ ಉಪಖಂಡದಲ್ಲಿನ ಸರಣಿ ಸೋಲಿನ ಬಳಿಕ ಕುಕ್ ನಾಯಕತ್ವ ತ್ಯಜಿಸುವಂತೆಯೂ ಒತ್ತಡಗಳು ಮೂಡಿಬರುತ್ತಿವೆ.