ಡಚ್ ಓಪನ್: ಜಯರಾಂ, ಕಶ್ಯಪ್ ಪ್ರಿಕ್ವಾರ್ಟರ್'ಗೆ ಲಗ್ಗೆ
ಸಾರಾಂಶ
ಹಾಲಿ ಚಾಂಪಿಯನ್ ಅಜಯ್ ಜಯರಾಂ ಮತ್ತು ಪರುಪಳ್ಳಿ ಕಶ್ಯಪ್ ಡಚ್ ಓಪನ್ ಬ್ಯಾಡ್ಮಿಂಟನ್ ಪಂದ್ಯಾವಳಿಯ ಅಂತಿಮ ಹದಿನಾರರ ಹಂತಕ್ಕೇರುವಲ್ಲಿ ಸಫಲವಾಗಿದ್ದಾರೆ.
ಆಲ್ಮೆರಿ(ಅ.13): ಹಾಲಿ ಚಾಂಪಿಯನ್ ಅಜಯ್ ಜಯರಾಂ ಮತ್ತು ಪರುಪಳ್ಳಿ ಕಶ್ಯಪ್ ಡಚ್ ಓಪನ್ ಬ್ಯಾಡ್ಮಿಂಟನ್ ಪಂದ್ಯಾವಳಿಯ ಅಂತಿಮ ಹದಿನಾರರ ಹಂತಕ್ಕೇರುವಲ್ಲಿ ಸಫಲವಾಗಿದ್ದಾರೆ.
ವೃತ್ತಿಬದುಕಿನಲ್ಲಿ ಮೂರು ಬಾರಿ ಡಚ್ ಓಪನ್ ಗೆದ್ದಿರುವ ಅಗ್ರ ಶ್ರೇಯಾಂಕಿತ ಜಯರಾಂ, ಬುಧವಾರ ತಡರಾತ್ರಿ ನಡೆದ ಎರಡನೇ ಸುತ್ತಿನ ಪಂದ್ಯದಲ್ಲಿ ಬಲ್ಗೇರಿಯಾದ ಫಿಲಿಪ್ ಶಿಸೊವ್ ವಿರುದ್ಧ 21-7, 21-9ರ ಎರಡು ನೇರ ಗೇಮ್ಗಳಲ್ಲಿ ಜಯಶಾಲಿಯಾದರು. ಇನ್ನು 11ನೇ ಶ್ರೇಯಾಂಕಿತ ಆಟಗಾರ ಪಿ. ಕಶ್ಯಪ್ ಡೆನ್ಮಾರ್ಕ್ನ ರಸ್ಮುಸ್ ಗೆಮ್ಕೆ ವಿರುದ್ಧ 21-11, 7-21, 21-10ರ ಮೂರು ಗೇಮ್ಗಳ ಕಠಿಣ ಕಾದಾಟದಲ್ಲಿ ಗೆಲುವು ಪಡೆದು ಮುಂದಿನ ಸುತ್ತಿಗೆ ಧಾವಿಸಿದರು.
ಜಯರಾಂ ನಾರ್ವೆಯ ಮರಿಯಸ್ ಮಿಹ್ರೆ ವಿರುದ್ಧ ಕ್ವಾರ್ಟರ್ಫೈನಲ್ ಸ್ಥಾನಕ್ಕಾಗಿ ಕಾದಾಡಲಿದ್ದರೆ, ಕಶ್ಯಪ್ ಇಸ್ಟೋನಿಯಾದ ಆರನೇ ಶ್ರೇಯಾಂಕಿತ ಆಟಗಾರ ರಾವುಲ್ ಮಸ್ಟ್ ವಿರುದ್ಧ ಸೆಣಸಲಿದ್ದಾರೆ.
ಇನ್ನುಳಿದಂತೆ ಮಿಶ್ರ ಡಬಲ್ಸ್ನಲ್ಲಿ ಬಿ. ಸುಮೀತ್ ರೆಡ್ಡಿ ಮತ್ತು ಮೇಘನಾ ಜಕ್ಕಂಪುಡಿ ಜರ್ಮನಿಯ ಡೇನಿಯಲ್ ಬೆಂಜ್ ಮತ್ತು ತೆರೆಸಾ ವುಮ್ರ್ ವಿರುದ್ಧ 21-11, 21-17ರಿಂದ ಗೆಲುವು ಪಡೆದು, ಮುಂದಿನ ಸುತ್ತಿನಲ್ಲಿ ಡಚ್ ಜೋಡಿ ಜೆಲ್ಲಿ ಮಾಸ್ ಹಾಗೂ ವಾನ್ ಡರ್ ಆರ್ ವಿರುದ್ಧ ಸೆಣಸಲು ಅರ್ಹತೆ ಪಡೆದುಕೊಂಡರು.
ಅಂತೆಯೇ ನಾಲ್ಕನೇ ಶ್ರೇಯಾಂಕಿತ ಜೋಡಿ ಪ್ರಣವ್ ಜೆರ್ರಿ ಚೋಪ್ರಾ ಮತ್ತು ಸಿಕ್ಕಿ ರೆಡ್ಡಿ ಸ್ಥಳೀಯ ಜೋಡಿ ವಾನ್ ಡರ್ ಲೆಕ್ ಹಾಗೂ ಅಲಿಸಾ ಟಿರ್ಟೊಸೆಂಟೊನೊ ವಿರುದ್ಧ 21-15, 21-16ರಿಂದ ಜಯ ಪಡೆಯಿತು.
ಕ್ರಿಕೆಟ್ ಮತ್ತು ಕ್ರೀಡಾ ಜಗತ್ತಿನ (Sports News in Kannada) ಕ್ಷಣಕ್ಷಣದ ಕನ್ನಡ ಸುದ್ದಿ ಅಪ್ಡೇಟ್ಗಳಿಗಾಗಿ ಏಷ್ಯಾನೆಟ್ ಸುವರ್ಣ ನ್ಯೂಸ್ ಫಾಲೋ ಮಾಡಿ. ಐಪಿಎಲ್ ಲೈವ್ ಸೇರಿದಂತೆ ಟೀಂ ಇಂಡಿಯಾದ ಬ್ರೇಕಿಂಗ್ ಸುದ್ದಿ (Cricket News in Kannada), ವಿಶೇಷ ವರದಿಗಳು ಮತ್ತು ನೇರ ಪ್ರಸಾರಗಳೊಂದಿಗೆ ಸಂಪೂರ್ಣ ಮಾಹಿತಿ ನಿಮ್ಮ ಒಂದೇ ಕ್ಲಿಕ್ನಲ್ಲಿ ಲಭ್ಯ. ಏಷ್ಯಾನೆಟ್ ಸುವರ್ಣ ನ್ಯೂಸ್ ಅಧಿಕೃತ ಆ್ಯಪ್ ಡೌನ್ಲೋಡ್ ಮಾಡಿ ಹಾಗೂ ಎಲ್ಲಾ ಅಪ್ಡೇಟ್ ಗಳನ್ನು ಪಡೆಯಿರಿ.