ಒತ್ತಡದಿಂದ ಹೊರಬಂದ ದಿಗ್ಗಜ ಕ್ರಿಕೆಟರ್ಸ್: ಇನ್ಮೇಲೆ ಶುರುವಾಗಲಿದೆ ಇಬ್ಬರ ಹವಾ

ಇಲ್ಲಿಬ್ಬರು ಕ್ರಿಕೆಟರ್ಸ್ ಇದ್ದಾರೆ. ಅವರ ಸ್ನೇಹದ ಬಗ್ಗೆಯೇ ಅಪಸ್ವರಗಳು ಎದ್ದಿದ್ದವು. ಅವರ ಸಂಬಂಧದ ಬಗ್ಗೆಯೂ ಕೆಲವ್ರು ಮಾತನಾಡಿಕೊಂಡಿದ್ರು. ಆದ್ರೆ ಒಂದೇ ಒಂದು ವಿಡಿಯೋ ಎಲ್ಲಾ ಅನುಮಾನಗಳನ್ನ ಅಳಿಸಿಹಾಕಿದೆ. ಅಷ್ಟು ಮಾತ್ರವಲ್ಲ. ಇನ್ಮುಂದೆ ಇವರಿಬ್ಬರ ಹವಾ ಸ್ಟಾರ್ಟ್​ ಆಗಲಿದೆ ಎನ್ನುವುದನ್ನು ತೋರಿಸಿಕೊಟ್ಟಿದೆ ಆ ವಿಡಿಯೋ.

ಯುವಿಗೆ ನೋ ಟೆಕ್ಷನ್​

ಯುವರಾಜ್ ಸಿಂಗ್ ಟೀಂ  ಇಂಡಿಯಾಗೆ  ಬ್ಯಾಕ್ ಮಾಡುವ ಕನಸನ್ನೇ ಬಿಟ್ಟಿದ್ದರು. ಆದರೆ ಈಗ ಗ್ರೇಟ್ ಕಮ್​ ಬ್ಯಾಕ್ ಮಾಡಿದ್ದಾರೆ. ಪಂಜಾಬ್ ಪುತ್ತರ್ ಈಗ ನಿರಾಳ. ಯಾವುದೇ ಟೆಕ್ಷನ್ ಇಲ್ಲದೇ ಬ್ಯಾಟಿಂಗ್ ಮಾಡಲಿದ್ದಾರೆ. ಅದನ್ನ ಫಸ್ಟ್ ಪ್ರಾಕ್ಟೀಸ್ ಮ್ಯಾಚ್'​ನಲ್ಲೇ ತೋರಿಸಿಕೊಟ್ಟಿದ್ದಾರೆ. ನೋ ಟೆಕ್ಷನ್ ಬೀ ಹ್ಯಾಪಿ ಅಂತ ಬ್ಯಾಟ್ ಬೀಸಿ ಹಾಫ್ ಸೆಂಚುರಿ ಬಾರಿಸಿದ್ದಾರೆ.

ಕ್ಯಾಪ್ಟನ್ಸಿ ಬಿಟ್ಟ ಮೇಲೆ ಧೋನಿ ಕೂಲ್​

ಇನ್ನು ದಶಕಗಳ ಕಾಲ ಟೀಂ ಇಂಡಿಯಾವನ್ನ ಹೆಗಲ ಮೇಲೆ ಹೊತ್ತುಕೊಂಡಿದ್ದ ಧೋನಿ, ಅದನ್ನ ಕೆಳಗಿಸಿ ಈಗ ನಿರಾಳರಾಗಿದ್ದಾರೆ. ಕ್ಯಾಪ್ಟನ್ಸಿಗೆ ಟಾಟಾ ಹೇಳಿರುವ ಮಹಿ, ಇನ್ಮುಂದೆ ಕೇವಲ ಬ್ಯಾಟಿಂಗ್ ಮತ್ತು ಕೀಪಿಂಗ್​ನತ್ತ ಗಮನ ಹರಿಸಲಿದ್ದಾರೆ. ಕ್ಯಾಪ್ಟನ್ ಆಗಿದ್ದಾಗಲೇ ಕೂಲ್ ಎನಿಸಿಕೊಂಡಿದ್ದ ಅವರು, ಅದನ್ನ ತ್ಯಜಿಸಿದ್ಮೇಲೆ ಕೂಲಾಗಿ ಇದ್ದೇ ಇರ್ತಾರೆ. ಇದು ಅಭ್ಯಾಸ ಪಂದ್ಯದಲ್ಲೇ ಸಾಬೀತಾಯಿತು. ಕೂಲ್ ಆಗಿಯೇ ಬ್ಯಾಟ್ ಬೀಸಿದ ಧೋನಿ, ಅರ್ಧಶತಕ ಸಿಡಿಸಿದ್ರು. ಲಾಸ್ಟ್ ಓವರ್​ನಲ್ಲಿ 23 ರನ್ ಚಚ್ಚಿ ಬಿಸಾಕಿದ್ರು.

ಇಂಗ್ಲೆಂಡ್ ವಿರುದ್ಧ ಇವರಿಬ್ಬರೇ ಟ್ರಂಪ್​ಕಾರ್ಡ್​

ದಶಕಗಳ ಕಾಲ ಜೊತೆಯಲ್ಲಿ ಆಡಿದ ಆಟಗಾರರು, ಇಂಗ್ಲೆಂಡ್ ವಿರುದ್ಧ ಸರಣಿಯಲ್ಲಿ ಟ್ರಂಪ್​ಕಾರ್ಡ್​. ಯಾಕೆ ಗೊತ್ತಾ..? ಇಬ್ಬರಿಗೂ ನೋ ಟೆಕ್ಷನ್. ಒಬ್ಬನಿಗೆ ನಾಯಕತ್ವದ ಒತ್ತಡವಿಲ್ಲ. ಇನ್ನೊಬ್ಬನಿಗೆ ಇನ್ನಷ್ಟು ಉತ್ತಂಗಕ್ಕೇರುವ ಆಸೆಯೂ ಇಲ್ಲ. ಹೀಗಾಗಿ ಎಲ್ಲಾ ಟೆಕ್ಷನ್ ಬಿಟ್ಟು ಬ್ಯಾಟಿಂಗ್ ಮಾಡಲಿದ್ದಾರೆ.

ಯುವಿ ಮೊನ್ನೆಯೇ ಹೇಳಿಕೊಂಡಿದ್ರು. ನಾವಿಬ್ರು ಜೊತೆಯಾದ್ರೆ ಮುಗೀತು. ಎದುರಾಳಿ ಭಯ ನಮಗಿರಲ್ಲ. ಬರೀ ಬೌಂಡ್ರಿ-ಸಿಕ್ಸರ್​ಗಳೇ ಅಂತ. ಈಗ ಮತ್ತೊಮ್ಮೆ ಅದೇ ದಾಟಿಯಲ್ಲಿ ಮಾತನಾಡಿದ್ದಾರೆ. ಧೋನಿ-ಯುವಿ ಸ್ನೇಹ ಹೇಗಿತ್ತು. ಮುಂದೆ ಇವರಿಬ್ಬರು ಏನ್ ಮಾಡ್ತಾರೆ ಅನ್ನೋದನ್ನ ನೀವೇ ನೋಡಿ.

ಕ್ಯಾಪ್ಟನ್ಸಿ ಬಿಟ್ಮೇಲೆ ಧೋನಿ ಕೂಲ್: ಇನ್ಮುಂದೆ ಬೌಂಡರಿ-ಸಿಕ್ಸರ್ ಸುರಿಮಳೆ

ನೀವು ಇದುವರೆಗೂ ನೋಡಿದ್ದು ಓನ್ಲಿ ಟ್ರೈಲರ್. ಪಿಚ್ಚರ್​ ಅಭಿ ಬಾಕಿ ಹೈ ದೋಸ್ತ್ ಅನ್ನೋ ಹಾಗೆ ಇವರಿಬ್ಬರು ಮಾತನಾಡಿದ್ದಾರೆ. ಅಂದ್ರೆ ಇದುವರೆಗೂ ಒತ್ತಡವಿತ್ತು. ಇನ್ನು ಒತ್ತಡವಿಲ್ಲ. ಇನ್ನೈನಿದ್ದರೂ ಬೌಂಡ್ರಿ-ಸಿಕ್ಸರ್​ಗಳ ಸುರಿಮಳೆಗೈಯ್ಯೋದೇ ನಮ್ಮ ಕೆಲ್ಸ ಅನ್ನೋ ಹಾಗೆ ಹೇಳಿಕೊಂಡಿದ್ದಾರೆ. ಅಲ್ಲಿಗೆ ಇನ್ಮುಂದೆ ಧೋನಿ-ಯುವಿ ಹವಾ ಮತ್ತೆ ಸ್ಟಾರ್ಟ್​ ಆಗಲಿದೆ.

ಇಬ್ಬರು ಸೀನಿಯರ್ ಪ್ಲೇಯರ್ಸ್ ಟೀಂ ಇಂಡಿಯಾಗೆ ಇನ್ನಷ್ಟು ಗೆಲುವು ತಂದುಕೊಡಲಿ. ಯುವ ಆಟಗಾರರಿಗೆ ಮಾರ್ಗದರ್ಶನ ನೀಡಲಿ. ಇವರಾಟದಿಂದ ಭಾರತೀಯ ಕ್ರಿಕೆಟ್ ಇನ್ನಷ್ಟು ಉತ್ತಂಗಕ್ಕೇರಲಿ ಅನ್ನೋದೇ ಅವರ ಅಭಿಮಾನಿಗಲ ಆಶಯ.