ಸತತ 90 ದಿನ ಹಾರಬಲ್ಲ ಗುಪ್ತಚರ ವಿಮಾನ ಬೆಂಗ್ಳೂರಲ್ಲಿ ಅಭಿವೃದ್ಧಿ: ರಕ್ಷಣಾ ಕ್ಷೇತ್ರದಲ್ಲಿ ಕ್ರಾಂತಿಕಾರಿ ಬೆಳವಣಿಗೆ
ಸಾರಾಂಶ
ಹೈ-ಆಲ್ಟಿಟ್ಯೂಡ್ ಪ್ಲಾಟ್ಫಾರ್ಮ್ (ಎಚ್ಎಪಿ) ಎಂಬ ಹೆಸರಿನ ಈ ವಿಮಾನ ಭೂಮಿಯಿಂದ 17 ರಿಂದ 20 ಕಿ.ಮೀ. ಎತ್ತರದಲ್ಲಿ ಹಾರುತ್ತದೆ. ಇದು 12 ಮೀ. ಉದ್ದವಿದ್ದು, ಸುಸಜ್ಜಿತವಾದಾಗ 22 ಕೆ.ಜಿ. ತೂಗುತ್ತದೆ. 'ಈ ವಿಮಾನವು ಸಂಘರ್ಷದ ಸಮಯದಲ್ಲಿ ಸೃಷ್ಟಿಯಾಗಬಲ್ಲ ಸವಾಲುಗಳನ್ನು ಸಮರ್ಥವಾಗಿ ನಿರ್ವಹಿಸುತ್ತದೆ. ಜೊತೆಗೆ ಗುಪ್ತಚರ, ಕಣ್ಣಾವಲು, ಸ್ಥಳ ಪರಿಶೀಲನೆ, ಹಾಗೂ ಸಂವಹನಕ್ಕೆ ಸಹಕಾರಿಯಾಗಿದೆ.
ನವದೆಹಲಿ(ಸೆ.15): 90 ದಿನ ಸತತವಾಗಿ ಹಾರಾಟ ನಡೆಸಬಲ್ಲ ಸೋಲಾರ್ ವಿಮಾನವನ್ನು ಬೆಂಗಳೂರಿನ ರಾಷ್ಟ್ರೀಯ ಏರೋಸ್ಪೇಸ್ ಪ್ರಯೋಗಾಲಯ (ಎನ್ಎಎಲ್) ಅಭಿವೃದ್ಧಿಪಡಿಸಿದ್ದು, ಇದು ರಕ್ಷಣಾ ಕ್ಷೇತ್ರದಲ್ಲಿ ಕ್ರಾಂತಿಕಾರಿ ಬೆಳವಣಿಗೆ ಎನ್ನಲಾಗಿದೆ.
ಹೈ-ಆಲ್ಟಿಟ್ಯೂಡ್ ಪ್ಲಾಟ್ಫಾರ್ಮ್ (ಎಚ್ಎಪಿ) ಎಂಬ ಹೆಸರಿನ ಈ ವಿಮಾನ ಭೂಮಿಯಿಂದ 17 ರಿಂದ 20 ಕಿ.ಮೀ. ಎತ್ತರದಲ್ಲಿ ಹಾರುತ್ತದೆ. ಇದು 12 ಮೀ. ಉದ್ದವಿದ್ದು, ಸುಸಜ್ಜಿತವಾದಾಗ 22 ಕೆ.ಜಿ. ತೂಗುತ್ತದೆ. 'ಈ ವಿಮಾನವು ಸಂಘರ್ಷದ ಸಮಯದಲ್ಲಿ ಸೃಷ್ಟಿಯಾಗಬಲ್ಲ ಸವಾಲುಗಳನ್ನು ಸಮರ್ಥವಾಗಿ ನಿರ್ವಹಿಸುತ್ತದೆ. ಜೊತೆಗೆ ಗುಪ್ತಚರ, ಕಣ್ಣಾವಲು, ಸ್ಥಳ ಪರಿಶೀಲನೆ, ಹಾಗೂ ಸಂವಹನಕ್ಕೆ ಸಹಕಾರಿಯಾಗಿದೆ. ವಾಯುರಕ್ಷಣಾ ಸೇವೆಗಳಿಗೆ ಬಳಸಿದಾಗ, ಕಾರ್ಯಾಚರಣೆಗಳನ್ನು ನಿರ್ದೇಶಿಸುವಲ್ಲಿಯೂ ಇದು ಪ್ರಮುಖ ಪಾತ್ರ ನಿರ್ವಹಿಸುತ್ತದೆ' ಎಂದು ಎನ್ಎಎಲ್ ಹೇಳಿದೆ.
ದೋಹಾಗೆ ಹೊರಟಿದ್ದ ವಿಮಾನ ವಿಳಂಬ : 5 ಗಂಟೆ ಪ್ರಯಾಣಿಕರ ವಿಮಾನದೊಳಗೆ ಕಾಯಿಸಿದ ಇಂಡಿಗೋ ಏರ್ಲೈನ್ಸ್
ಈಗಾಗಲೇ ಸತತವಾಗಿ 64 ಗಂಟೆ ಹಾರಬಲ್ಲ ಏರ್ಬಸ್ ಜೆಫಿರ್ ಎಂಬ ಎಪಿಯನ್ನು ಅಮೆರಿಕ ಹೊಂದಿದೆ. ಬ್ರಿಟನ್, ಜರ್ಮನಿ, ನ್ಯೂಜಿಲೆಂಡ್ ದೇಶಗಳು ಇಂತಹ ವಿಮಾನ ಅಭಿವೃದ್ಧಿ ಪಡಿಸಲು ಶ್ರಮಿಸುತ್ತಿವೆ. ಇದೇ ವೇಳೆ, ಬೆಂಗಳೂರಿನ ನ್ಯೂ ಸ್ಪೇಸ್ ರಿಸರ್ಚ್ ಸಂಸ್ಥೆ ಸತತ 24 ಗಂಟೆ ಹಾರುವ ಮೂಲ ಮಾದರಿಯನ್ನು ತಯಾರಿಸಿದೆ.
ಸ್ಮಾರ್ಟ್ಫೋನ್ಗಳು ಮತ್ತು AI ನಿಂದ ಸೈಬರ್ ಭದ್ರತೆ ಮತ್ತು ವಿಜ್ಞಾನದ ಪ್ರಗತಿಯವರೆಗೆ ಇತ್ತೀಚಿನ ಟೆಕ್ನಾಲಜಿ (Technology News in Kannada) ಬಗ್ಗೆ ನಿರಂತರವಾದ ಅಪ್ಡೇಟ್. ಡಿಜಿಟಲ್ ಟ್ರೆಂಡ್ಗಳ ಕುರಿತು ತಜ್ಞರ ಮಾತುಗಳು, ವಿವರವಾದ ಮಾಹಿತಿ ಮತ್ತು ಬ್ರೇಕಿಂಗ್ ನ್ಯೂಸ್ ಸಿಗುವ ಏಕೈಕ ತಾಣ ಏಷ್ಯಾನೆಟ್ ಸುವರ್ಣ ನ್ಯೂಸ್. ಹೊಸ ಗ್ಯಾಜೆಟ್ ರಿಲೀಸ್ ಆಯ್ತಾ? ಹೊಸ ಸ್ಟಾರ್ಟ್ಅಪ್ಗಳು ಬಂದಿದ್ಯಾ? ಭವಿಷ್ಯವನ್ನು ಬದಲಿಸುವ ಟೆಕ್ ಪಾಲಿಸಿ ಯಾವುದು? ಇವುಗಳ ಇಂಚಿಂಚೂ ಮಾಹಿತಿ ಸಿಗಲಿದೆ. ಟೆಕ್ ಎಕ್ಸ್ಪ್ಲೇನರ್ಸ್ ಹಾಗೂ ಗ್ಯಾಜೆಟ್ ಡೆಮೋ ವಿಡಿಯೋಗಳು ಕೂಡ ನೀವು ಕಾಣಬಹುದು.