ಹ್ಯಾಪಿ ಬರ್ತ್‌ಡೇ ಮೇಘನಾ ರಾಜ್; ತಂದೆ ಪೋಟೋ ನೋಡುತ್ತಿರುವ ಜೂನಿಯರ್ C ವಿಡಿಯೋ ವೈರಲ್!

ತಂದೆ ಫೋಟೋ ನೋಡುತ್ತಾ ನಗುತ್ತಿರುವ ಜೂನಿಯರ್ ಚಿರು ವಿಡಿಯೋ ಹಂಚಿಕೊಂಡ ಮೇಘನಾ ರಾಜ್....

ಮೇ ತಿಂಗಳು ನಟಿ ಮೇಘನಾ ರಾಜ್‌ ಜೀವನದಲ್ಲಿ ತುಂಬಾನೇ ಸ್ಪೆಷಲ್ ತಿಂಗಳು ಯಾಕೆಂದರೆ 2ರಂದು ಚಿರು ಹಾಗೂ ಮೇಘನಾ ದಾಂಪತ್ಯ ಜೀವನಕ್ಕೆ ಕಾಲಿಟ್ಟ ದಿನ ಹಾಗೂ 3ರಂದು ಮೇಘನಾ ರಾಜ್‌ ಹುಟ್ಟುಹಬ್ಬ. ಚಿರು ಇಲ್ಲದೆ ಆಚರಿಸಿಕೊಳ್ಳುತ್ತಿರುವ ಮೊದಲ ವಿವಾಹ ವಾರ್ಷಿಕೋತ್ಸವ ಹಾಗೂ ಹುಟ್ಟುಹಬ್ಬ ಇದಾಗಿರುವ ಕಾರಣ ಸೋಷಿಯಲ್ ಮೀಡಿಯಾದಲ್ಲಿ ಕನ್ನಡ ಸಿನಿ ಪ್ರೇಮಿಗಳು ಕುಟುಂಬದಂತೆ ಒಟ್ಟುಗೂಡಿ ಮೇಘನಾಗೆ ಶುಭ ಹಾರೈಸುತ್ತಿದ್ದಾರೆ. 

ಎರಡು ದಿನ ತುಂಬಾನೇ ಸ್ಪೆಷಲ್ ಆಗಿರುವ ಕಾರಣ ಮೇಘನಾ ಇನ್ನೂ ಸ್ಪೆಷಲ್ ಆಗಿರುವ ವಿಡಿಯೋ ಹಂಚಿಕೊಂಡಿದ್ದಾರೆ. ಜೂನಿಯರ್ C ತಂದೆ ಪೋಟೋ ಮುಂದೆ ಆಟವಾಡುತ್ತಿರುವ ವಿಡಿಯೋ ಇದಾಗಿದ್ದು, ವಿಡಿಯೋ ನೋಡುತ್ತಲೇ ನೆಟ್ಟಿಗರು ಭಾವುಕರಾಗಿದ್ದಾರೆ. ಅಲ್ಲದೆ ಅನೇಕ ಸಿನಿ ಸ್ನೇಹಿತರು ಕಾಮೆಂಟ್ ಮಾಡಿದ್ದಾರೆ. 

'ನಮ್ಮ ಮಿರಾಕಲ್. ಎಂದಿಗೂ ಎಂದೆಂದಿಗೂ' ಎಂದು ಮೇಘನಾ ರಾಜ್ ಬರೆದುಕೊಂಡಿದ್ದಾರೆ. 

'ಪುಂಡಾ' ಚಿತ್ರದ ಮೂಲಕ ಕನ್ನಡ ಚಿತ್ರರಂಗಕ್ಕೆ ಪಾದಾರ್ಪಣೆ ಮಾಡಿದ ಮೇಘನಾ ರಾಜ್‌ ಸ್ಟಾರ್ ನಟಿಯಾಗಿ ಅನೇಕ ವರ್ಷಗಳ ಕಾಲ ಚಿತ್ರರಂಗದಲ್ಲಿ ಸಾಧನೆ ಮಾಡಿದ್ದಾರೆ.  ವೈವಾಹಿಕ ಬದುಕಿಗೆ ಸಮಯ ನೀಡುತ್ತಿರುವ ಕಾರಣ ಕುರುಕ್ಷೇತ್ರ ಸದ್ಯದ ಮಟ್ಟಕ್ಕೆ ಕೊನೆ ಚಿತ್ರವಾಗಿದೆ. ಚಿರು ದೊಡ್ಡವನಾಗುತ್ತಿದ್ದಂತೆ ಮೇಘನಾ ಮತ್ತೆ ಚಿತ್ರರಂಗಕ್ಕೆ ಕಮ್ ಬ್ಯಾಕ್ ಮಾಡಬೇಕು, ಮತ್ತೆ ತಮ್ಮ ಕ್ರೇಜಿ ಚಾಪು ಮೂಡಿಸಬೇಕು ಎಂದು ಅಭಿಮಾನಿಗಳು ಆಶಿಸುತ್ತಾರೆ.