‘ರಾಬರ್ಟ್’ನ ದೋಸ್ತಾ ಕಣೋ ಹಾಡು ಕೇಳಿ ಹಾಯಾಗಿರಿ ಅನ್ನುತ್ತಿದೆ ಸ್ಯಾಂಡಲ್ವುಡ್!
ಸಾರಾಂಶ
ದರ್ಶನ್ ಸಿನಿಮಾದ ‘ಬಸಣ್ಣಿ ಬಾ..’ ಯೂಟ್ಯೂಬ್ನಲ್ಲಿ ಧೂಳೆಬ್ಬಿಸಿತು. ಈಗ ಅದೇ ಹಾದಿಯಲ್ಲಿ ಸುದ್ದಿ ಆಗುತ್ತಿರುವುದು ‘ರಾಬರ್ಟ್’ ಚಿತ್ರದ ಹಾಡುಗಳು.
‘ಬಾ ಬಾ ಬಾ ನಾನ್ ರೆಡಿ’ ಹಾಡಿಗೆ ಮೂರು ಮಿಲಿಯನ್ ವೀಕ್ಷಣೆಗೆ ಪಾತ್ರವಾಗಿದೆ. ‘ಜೈ ಶ್ರೀರಾಮ್’ ಹಾಡು ಎರಡು ಮಿಲಿಯನ್ ಗಡಿ ಮುಟ್ಟಿದೆ. ಈಗ ಮೂರನೇ ಹಾಡಾಗಿ ‘ದೋಸ್ತಾ ಕಣೋ... ಬ್ರದರ್ ಫ್ರಂ ಅನದರ್ ಮದರ್’ ಎಂದು ಸಾಗುವ ಹಾಡು ಬಿಡುಗಡೆ ಆಗಿದೆ. ಸ್ನೇಹದ ಮಹತ್ವವನ್ನು ಸಾರುವ ಈ ಹಾಡು ಸಾಮಾಜಿಕ ಜಾಲತಾಣಗಳಲ್ಲಿ ಭಾರಿ ಸದ್ದು ಮಾಡುತ್ತಿದೆ. ಯೂಟ್ಯೂಬ್ನಲ್ಲಿ ಬಿಡುಗಡೆಯಾದ ಎರಡೇ ಗಂಟೆಯಲ್ಲಿ 5 ಲಕ್ಷ ವೀಕ್ಷಣೆ ಕಂಡಿದೆ.
ರಾಬರ್ಟ್ ಚಿತ್ರ 'Brothers from another mother' ಸಾಂಗ್ ಇಲ್ಲಿದೆ ನೋಡಿ! ...
‘ಮೈ ಬ್ರದರ್ ಫ್ರಂ ಅನದರ್ ಮದರ್, ಬೈದು ಬುದ್ದಿ ಹೇಳೋ ಫಾದರ್ ಕಣೋ ಇವನು ನೋವಲ್ಲಿ ಕಣ್ಣೀರು ಒರೆಸೋ ಮದರು ಕಣೋ ಜೀವನಕ್ಕೆ ಪಾಠ ಟೀಚರ್ ಕಣೋ ಇವನು ಲೈಫು ಪಾಟ್ನರ್ಗಿಂತ ಕ್ಲೋಸು ಕಣೋ ರಕ್ತ ಸಂಬಂಧ ಮೀರಿದ ಬಂಧು ಇವನು ಜಾತಿ ಮತಕ್ಕಿಂತ ತುಂಬಾ ದೊಡ್ಡವನು ಇವನು... ’ಎಂದು ಶುರುವಾಗುವ ಹಾಡನ್ನು ಚೇತನ್ ಕುಮಾರ್ ಬರೆದು ವಿಜಯ ಪ್ರಕಾಶ್ ಹಾಗೂ ಹೇಮಂತ್ ಕುಮಾರ್ ಹಾಡಿದ್ದಾರೆ. ಹಾಡಿನ ಉದ್ದಕ್ಕೂ ಚಿತ್ರತಂಡದ ಗೆಳೆಯರು, ನಟರು, ನಿರ್ದೇಶಕರು, ತಂತ್ರಜ್ಞರು, ನಿರ್ಮಾಪಕರ ಸ್ನೇಹಿತರ ಬಳಗದ ಚಿತ್ರಗಳನ್ನು ತೋರಿಸುವ ಮೂಲಕ ಗೆಳೆತನಕ್ಕೆ ಈ ಹಾಡನ್ನು ಅರ್ಪಿಸಲಾಗಿದೆ.‘ಕುಚ್ಚುಕು ಕುಚ್ಚುಕು’ ಹಾಡಿನ ಬಳಿಕ ಗೆಳೆತನದ ವಿಚಾರದಲ್ಲಿ ಎಲ್ಲರ ಬಾಯಲ್ಲಿ ಗುನುಗುಟ್ಟುವಂತಹ ಮತ್ತೊಂದು ಹಾಡು ಇದು ಎನ್ನಲಾಗುತ್ತಿದೆ.
"
‘ರಾಬರ್ಟ್’ ಚಿತ್ರದ ಹಾದಿಯಲ್ಲೇ ಧ್ರುವ ಸರ್ಜಾ ಅವರ ‘ಪೊಗರು’ ಚಿತ್ರವೂ ಹೆಜ್ಜೆ ಹಾಕಿದ್ದು, ಈ ಚಿತ್ರದ ಮೊದಲ ಹಾಡು ಇನ್ನೇನು ಬಿಡುಗಡೆ ಆಗಲು ಸಜ್ಜಾಗಿದೆ. ಆ ಮೂಲಕ ಕೊರೋನಾ ಚಿಂತೆ ಬಿಡಿ, ಹಾಡು ಕೇಳಿ ಹಾಯಾಗಿ ಇರಿ ಎನ್ನುತ್ತಿದೆ ಚಿತ್ರರಂಗ.
ಕನ್ನಡ ಸಿನಿಮಾ (Kannada Cinema News), ಟಿವಿ ಕಾರ್ಯಕ್ರಮಗಳು (Kannada TV Shows), ಸೆಲೆಬ್ರಿಟಿ ಸುದ್ದಿಗಳು ಮತ್ತು ಇತ್ತೀಚಿನ ಸುದ್ದಿಗಳಿಗಾಗಿ ಏಷ್ಯಾನೆಟ್ ಸುವರ್ಣ ನ್ಯೂಸ್ನಲ್ಲಿ ಮನರಂಜನಾ ವಿಭಾಗ ನೋಡಿ. ಸಿನಿಮಾ ವಿಮರ್ಶೆಗಳು (Kannada Movies Review), ತಾರೆಯರ ಸಂದರ್ಶನಗಳು, ಧಾರಾವಾಹಿ ಅಪ್ಡೇಟ್ಸ್, ತೆರೆಮರೆಯ ಕಥೆಗಳು, OTT ರಿಲೀಸ್ಗಳ ಬಗ್ಗೆ ಮಾಹಿತಿಯೂ ಇಲ್ಲಿದೆ.