ನವದೆಹಲಿ(ಡಿ.17): ಎಲೆಕ್ಟ್ರಾನಿಕ್ ಕಾರುಗಳ ಬ್ಯಾಟರಿಗಳನ್ನು ಉತ್ಪಾದನೆ ಮಾಡುವ ಕ್ವಾಂಟಮ್‌ಸ್ಕೇಪ್ (QuantumScape) ಕಂಪೆನಿಯ ಸಿಇಓ, ಭಾರತೀಯ ಮೂಲದ ಜಗದೀಪ್ ಸಿಂಗ್ (Jagdeep singh)ಗೆ ಕಂಪೆನಿ ಭರ್ಜರಿ ಆಫರ್ ನೀಡಿದೆ. ಈ ಆಫರ್ ವಿಶ್ವದ ನಂ.1 ಶ್ರೀಮಂತ, ಟೆಸ್ಲಾ ಸಿಇಒ ಎಲಾನ್ ಮಸ್ಕ್ (Elon Musk) ಅವರಿಗೆ ನೀಡುವ ವೇತನ ಬೋನಸ್ ಗೆ ಸಮ ಎಂಬ ವಿಶ್ಲೇಷಣೆಗಳು ಕೇಳಿಬಂದಿದೆ. ಸಿಂಗ್ ಅವರಿಗೆ ಈಗಾಗಲೇ ವಾರ್ಷಿಕ 2.4 ಕೋಟಿ ವೇತನ ಸೇರಿದಂತೆ ನಾನಾ ರೀತಿಯ ಆಫರ್‌ಗಳನ್ನು ನೀಡಿದೆ. ಇದರ ಜೊತೆಗೆ ಕಂಪೆನಿಯ ಆಡಳಿತ ಮಂಡಳಿ ನಿಗದಿ ಮಾಡಿರುವ ಇನ್ನಿತರೆ ಗುರಿಗಳನ್ನು ಮುಟ್ಟಿದರೆ ಅವರಿಗೆ ಅಂದಾಜು 17,500 ಕೋಟಿ ರೂ ಮೌಲ್ಯದ ಷೇರುಗಳನ್ನು ಬೋನಸ್ ರೂಪದಲ್ಲಿ ನೀಡುವ ಆಫರ್ ನೀಡಲಾಗಿದೆ. ಇದಕ್ಕೆ ಬುಧವಾರ ನಡೆದ ಆಡಳಿತ ಮಂಡಳಿ ಸಭೆಯಲ್ಲಿ ಭಾರೀ ವಿರೋಧದ ಹೊರತಾಗಿಯೂ ಅನುಮೋದನೆ ಸಿಕ್ಕಿದೆ. ಜಗದೀಪ್ ಸಿಂಗ್‌ಗೆ ನೀಡಬೇಕಾಗಿರುವ ಪ್ಯಾಕೇಜ್ ಬಗ್ಗೆ ಪ್ರಾಥಮಿಕ ಹಂತದಲ್ಲಿ ಸಭೆಯಲ್ಲಿ ಅಂಗೀಕರಿಸಲ್ಪಟ್ಟಿದೆ ಮತ್ತು ಅಂತಿಮ ಲೆಕ್ಕಾಚಾರವು ಮುಂದಿನ ದಿನಗಳಲ್ಲಿ ಹೊರಬೀಳಲಿದೆ ಎಂದು ಕಂಪೆನಿ ಹೇಳಿದೆ
ಪ್ರಾಕ್ಸಿ ಸಲಹಾ ಸಂಸ್ಥೆ ಗ್ಲಾಸ್ ಲೆವಿಸ್‌ನ ಅಂದಾಜಿನ ಪ್ರಕಾರ ಕಂಪನಿಯು ವಿವಿಧ ಮೈಲಿಗಲ್ಲುಗಳನ್ನು ಸಾಧಿಸಿದರೆ ಮುಖ್ಯ ಕಾರ್ಯನಿರ್ವಾಹಕ ಅಧಿಕಾರಿ ಜಗದೀಪ್ ಸಿಂಗ್ ಅವರು 2.3 ಶತಕೋಟಿ ಡಾಲರ್ ಪಡೆಯಬಹುದು.
undefined
ವೇಗವಾಗಿ ಬೆಳೆಯುತ್ತಿರುವ ಸ್ಟಾರ್ಟ್‌ಅಪ್‌ ಕಂಪನಿಗಳಲ್ಲಿ ದೊಡ್ಡ ವೇತನ ಪ್ಯಾಕೇಜ್‌ಗಳು ನೀಡುವುದು ಈಗ ಸಾಮಾನ್ಯವಾಗುತ್ತಿವೆ. ಅದರಲ್ಲೂ ವಿಶೇಷವಾಗಿ ಟೆಸ್ಲಾ ಇಂಕ್. ಕಂಪೆನಿಯು ಯಶಸ್ಸಿನ ನಂತರ ಎಲೆಕ್ಟ್ರಿಕ್ ವಾಹನ ಮಾರುಕಟ್ಟೆಯಲ್ಲಿ ಹಣದ ಅಲೆಯನ್ನೇ ಎಬ್ಬಿಸಿತು. ಈ ರೀತಿಯ ಒಪ್ಪಂದಗಳು ಟೆಸ್ಲಾ ಸಿಇಒ ಎಲೋನ್ ಮಸ್ಕ್ ಅವರನ್ನು ವಿಶ್ವದ ಶ್ರೀಮಂತ ವ್ಯಕ್ತಿಯಾಗಿ ಮಾಡಲು ಸಹಾಯ ಮಾಡಿತು ಎಂದು ಕಾರ್ಯನಿರ್ವಾಹಕ ಪರಿಹಾರ ಸಂಸ್ಥೆ ಫಾರಿಯಂಟ್ ಅಡ್ವೈಸರ್ಸ್‌ನ ಪಾಲುದಾರ ಡೇನಾ ಹ್ಯಾರಿಸ್ ಹೇಳಿದ್ದಾರೆ.
Elon Musk Tweet: ಕೋಟಿ ಗಳಿಸುವ ಜಾಬ್ ಬಿಟ್ಟು ಈ ಕೆಲಸ ಮಾಡ್ತಾರಂತೆ ಮಸ್ಕ್!
ಕನಿಷ್ಠ 15 ಕಾರ್ಪೊರೇಟ್ ನಾಯಕರು ಕಳೆದ ವರ್ಷ 100 ಮಿಲಿಯನ್ ಡಾಲರ್ ಅಥವಾ ಅದಕ್ಕಿಂತ ಹೆಚ್ಚಿನ ಮೌಲ್ಯದ ಪ್ರಶಸ್ತಿಗಳನ್ನು ಪಡೆದರು, ಇದು 2018 ರಲ್ಲಿ ಎಲೋನ್ ಮಸ್ಕ್ ಅವರು ಸ್ವೀಕರಿಸಿದ್ದಕ್ಕಿಂತ ಮೂರು ಪಟ್ಟು ಹೆಚ್ಚಾಗಿದೆ.
Elon Musk Job ಉದ್ಯೋಗ ತೊರೆಯಲು ನಿರ್ಧರಿಸಿದ ವಿಶ್ವದ ಶ್ರೀಮಂತ, ಮುಂದಿನ ವೃತ್ತಿ ಮತ್ತಷ್ಟು ಕುತೂಹಲ!
ಕ್ವಾಂಟಮ್‌ಸ್ಕೇಪ್ ಕಂಪೆನಿಯು ವೋಕ್ಸ್‌ವ್ಯಾಗನ್ AG (Volkswagen AG) ಮತ್ತು ಬಿಲ್ ಗೇಟ್ಸ್‌ ಅವರ ಸಾಹಸೋದ್ಯಮ ನಿಧಿಯ ಸಹಾಯದಿಂದ ಮುಂದುವರೆಯುತ್ತಿದೆ. ಹೀಗಾಗಿ ಕಂಪೆನಿಯು ಮುಂದಿನ-ಪೀಳಿಗೆಯ ತಂತ್ರಜ್ಞಾನದ ಭರವಸೆಯೊಂದಿಗೆ ಕಳೆದ ವರ್ಷದ ಕೊನೆಯಲ್ಲಿ ಸುಮಾರು50 ಶತಕೋಟಿ ಡಾಲರ್ ಮೌಲ್ಯವನ್ನು ಗಳಿಸಿತು. ಇದು ವಾಹನ ತಯಾರಕರಿಗೆ ಲಿಥಿಯಂಗೆ ಸುರಕ್ಷಿತ, ಅಗ್ಗದ ಪರ್ಯಾಯವನ್ನು ಒದಗಿಸುವ ಮೂಲಕ EV ಅಳವಡಿಕೆಯನ್ನು ಕೃತಕವಾಗಿ ವೇಗಗೊಳಿಸುತ್ತದೆ.
ಪ್ರತಿಷ್ಠಿತ ಟೈಮ್‌ ಮ್ಯಾಗಝೀನ್ ವರ್ಷದ ವ್ಯಕ್ತಿ ಎಲಾನ್ ಮಸ್ಕ್: ವಿಶ್ವದ ನಂ.1 ಶ್ರೀಮಂತ ಖ್ಯಾತಿಯ ಟೆಸ್ಲಾ (Tesla) ಕಂಪನಿಯ ಸಂಸ್ಥಾಪಕ ಸಿಇಒ ಎಲಾನ್ ಮಸ್ಕ್ ಅವರು ಅಮೆರಿಕದ ಪ್ರತಿಷ್ಠಿತ ‘ಟೈಮ್‌’ ನಿಯತಕಾಲಿಕೆಯ ವರ್ಷದ ವ್ಯಕ್ತಿಯಾಗಿ ಹೊರಹೊಮ್ಮಿದ್ದಾರೆ ( Person of the Year). ಮಸ್ಕ್ ಅವರ ನೇತೃತ್ವದ ಎಲೆಕ್ಟ್ರಿಕ್ ಕಾರು ಕಂಪನಿ ವಿಶ್ವದಲ್ಲೇ ಅತ್ಯಮೂಲ್ಯದ ಕಾರು ಕಂಪನಿ ಎಂಬ ಕೀರ್ತಿಗೆ ಭಾಜನವಾಗಿತ್ತು. ಪ್ರಪಂಚದಲ್ಲಿರುವ ಸವಾಲುಗಳು ಮತ್ತು ಬಿಕ್ಕಟ್ಟುಗಳಿಗೆ ಉತ್ತಮ ಪರಿಹಾರಗಳನ್ನು ಹುಡುಕುವುದರ ಜತೆಗ ಸಮಾಜದಲ್ಲಿ ಹೆಚ್ಚಿನ ಧೈರ್ಯಶಾಲಿ ಪ್ರೊಜೆಕ್ಟ್‌ಗಳನ್ನು ಕೈಗೆತ್ತಿಕೊಳ್ಳುವ ಹಿನ್ನೆಲೆಯಲ್ಲಿ ಮಸ್ಕ್ ಅವರನ್ನು ಟೈಮ್‌-2021ರ ವರ್ಷದ ವ್ಯಕ್ತಿಯಾಗಿ ಆಯ್ಕೆ ಮಾಡಲಾಗಿದೆ ಎಂದು ಟೈಮ್‌ ನಿಯತಕಾಲಿಕೆಯ ಪ್ರಧಾನ ಸಂಪಾದಕ ಎಡ್ವರ್ಡ್‌ ಫೆಲ್ಸೆಂಥಲ್‌ (Edward Felsenthal) ಅವರು ತಿಳಿಸಿದ್ದಾರೆ. 2002ರಲ್ಲಿ ಸ್ಥಾಪನೆ ಮಾಡಿದ ಸ್ಪೇಸ್‌ಎಕ್ಸ್‌ನಿಂದ (SpaceX) ಹಿಡಿದು ಪರ್ಯಾಯ ಇಂಧನ ಕಂಪನಿಯಾದ ಸೋಲಾರ್‌ ಸಿಟಿ (Solar City) ಹಾಗೂ ವಿಶ್ವದಲ್ಲೇ ಅತ್ಯಮೂಲ್ಯವಾದ ಕಾರು ಕಂಪನಿಯನ್ನು ಮಸ್ಕ್ ಹೊಂದಿದ್ದಾರೆ.