ಚುನಾವಣಾ ಪ್ರಚಾರಕ್ಕೆ ಕಾಂಗ್ರೆಸ್‌ ಮುಖಂಡ ರಾಹುಲ್ ಗಾಂಧಿ ಕೊಯಮತ್ತೂರಿಗೆ ತೆರಳಿದ್ದ ವೇಳೆ ಅಚಾನಕ್ಕಾಗಿ ಅಲ್ಲಿನ ಸ್ವೀಟ್‌ ಅಂಗಡಿಯೊಂದಕ್ಕೆ ಭೇಟಿ ಕೊಟ್ಟು ತಮಗಿಷ್ಟವಾದ ಸಿಹಿತಿನಿಸುಗಳನ್ನು ಖರೀದಿಸಿ ಗಮನಸೆಳೆದರು.
ಕೊಯಮತ್ತೂರು (ಏ.14): ಚುನಾವಣಾ ಪ್ರಚಾರಕ್ಕೆ ಕಾಂಗ್ರೆಸ್‌ ಮುಖಂಡ ರಾಹುಲ್ ಗಾಂಧಿ ಕೊಯಮತ್ತೂರಿಗೆ ತೆರಳಿದ್ದ ವೇಳೆ ಅಚಾನಕ್ಕಾಗಿ ಅಲ್ಲಿನ ಸ್ವೀಟ್‌ ಅಂಗಡಿಯೊಂದಕ್ಕೆ ಭೇಟಿ ಕೊಟ್ಟು ತಮಗಿಷ್ಟವಾದ ಸಿಹಿತಿನಿಸುಗಳನ್ನು ಖರೀದಿಸಿ ಗಮನಸೆಳೆದರು.
ರಸ್ತೆಯಲ್ಲಿ ಅಂಗಡಿ ನೋಡುತ್ತಿದ್ದಂತೆಯೇ, ಆ ಅಂಗಡಿಗೆ ತೆರಳಲು ರಾಹುಲ್(Rahul gandhi) ರಸ್ತೆಯ ಡಿವೈಡರ್‌ ನೆಗೆದಿದ್ದು ಎಲ್ಲರ ಗಮನ ಸೆಳೆದಿದೆ. ಬಳಿಕ ರಾಹುಲ್ ತಮಗೆ ಇಷ್ಟವಾದ ಗುಲಾಬ್‌ ಜಾಮೂನ್‌ ಖರೀದಿಸಿ, ತಮ್ಮ ಜೊತೆಗೆ ಬಂದಿದ್ದ ತಮಿಳುನಾಡು ಮುಖ್ಯಮಂತ್ರಿ ಸ್ಟಾಲಿನ್‌ಗೆ ಮೈಸೂರು ಪಾಕ್ ಕೊಡಿಸಿದರು. ಅಲ್ಲದೆ ಅಂಗಡಿಯಲ್ಲಿ 20-30 ನಿಮಿಷಗಳ ಕಾಲ ಇದ್ದು, ಎಲ್ಲ ಸಿಹಿತಿನಿಸುಗಳನ್ನು ರುಚಿ ಮಾಡಿ ಸಿಬ್ಬಂದಿಯೊಂದಿಗೆ ಚಿತ್ರ ತೆಗೆಸಿಕೊಂಡರು.
ಬಳಿಕ ತಾವು ಖರೀದಿಸಿದ ಸಿಹಿತಿನಿಸುಗಳ ಹಣವನ್ನು ಅಂಗಡಿಯವನಿಗೆ ನೀಡಿ ಹಿಂದಿರುಗಿದರು.
ಮೇರಠ್: ರಸ್ತೆ ಮಧ್ಯೆ ನಮಾಜ್ ಮಾಡಿ ಕಿರಿಕಿರಿ; 200ಕ್ಕೂ ಅಧಿಕ ಮಂದಿ ವಿರುದ್ಧ ಕೇಸ್