Shikaripur constituency: ವಿಜಯೇಂದ್ರರನ್ನು ಸೋಲಿಸಲು ವಾಮಾಚಾರ: ಬಿವೈ ರಾಘವೇಂದ್ರ

ಈ ಬಾರಿಯ ಚುನಾವಣೆಯಲ್ಲಿ ಶಿಕಾರಿಪುರದ ಬಿಜೆಪಿ ಅಭ್ಯರ್ಥಿ ವಿಜಯೇಂದ್ರ ಸೋಲಿಗೆ ವಾಮಾಚಾರ ಮಾಡಿಸಲಾಗಿತ್ತು. ಯಡಿಯೂರಪ್ಪ ಹಾಗೂ ವಿಜಯೇಂದ್ರ ಅವರ ಜೀವಕ್ಕೆ ಹಾನಿ ಉಂಟು ಮಾಡಿ, ಅವರಿಗೆ ಕೇಡು ಉಂಟು ಮಾಡುವ ಉದ್ದೇಶದಿಂದ ವಾಮಾಚಾರ ನಡೆಸಲಾಗಿತ್ತು. ಆಂಧ್ರ, ಕೊಳ್ಳೆಗಾಲ ಮತ್ತಿತರ ಕಡೆಗಳಲ್ಲಿ ಮಾತ್ರ ಗೋಚರಿಸುವ ಪುನುಗು ಬೆಕ್ಕನ್ನು ತಂದು, ಪೂಜೆ ಮಾಡಿ, ವಾಮಾಚಾರ ನಡೆ​ಸ​ಲಾ​ಗಿದೆ ಎಂದು ಸಂಸದ ಬಿ.ವೈ.ರಾಘ​ವೇಂದ್ರ ಆರೋಪಿಸಿದ್ದಾರೆ.

ಶಿಕಾರಿಪುರ (ಮೇ.16) : ಈ ಬಾರಿಯ ಚುನಾವಣೆಯಲ್ಲಿ ಶಿಕಾರಿಪುರದ ಬಿಜೆಪಿ ಅಭ್ಯರ್ಥಿ ವಿಜಯೇಂದ್ರ ಸೋಲಿಗೆ ವಾಮಾಚಾರ ಮಾಡಿಸಲಾಗಿತ್ತು. ಯಡಿಯೂರಪ್ಪ ಹಾಗೂ ವಿಜಯೇಂದ್ರ ಅವರ ಜೀವಕ್ಕೆ ಹಾನಿ ಉಂಟು ಮಾಡಿ, ಅವರಿಗೆ ಕೇಡು ಉಂಟು ಮಾಡುವ ಉದ್ದೇಶದಿಂದ ವಾಮಾಚಾರ ನಡೆಸಲಾಗಿತ್ತು. ಆಂಧ್ರ, ಕೊಳ್ಳೆಗಾಲ ಮತ್ತಿತರ ಕಡೆಗಳಲ್ಲಿ ಮಾತ್ರ ಗೋಚರಿಸುವ ಪುನುಗು ಬೆಕ್ಕನ್ನು ತಂದು, ಪೂಜೆ ಮಾಡಿ, ವಾಮಾಚಾರ ನಡೆ​ಸ​ಲಾ​ಗಿದೆ ಎಂದು ಸಂಸದ ಬಿ.ವೈ.ರಾಘ​ವೇಂದ್ರ ಆರೋಪಿಸಿದ್ದಾರೆ.

ಸೋಮವಾರ ಪಟ್ಟಣದ ಮಾಳೇರಕೇರಿಯಲ್ಲಿನ ಬಿಜೆಪಿ ಕಚೇರಿಯಲ್ಲಿ ಪತ್ರಿಕಾಗೋಷ್ಠಿಯಲ್ಲಿ ಮಾತನಾಡಿ, ಚುನಾವಣೆಯಲ್ಲಿ ಸೋಲು-ಗೆಲುವು ಸಹಜ. ಆದರೆ, ಗೆಲುವಿಗಾಗಿ ಮಾಟ-ಮಂತ್ರದ ಮೂಲಕ ವಾಮಾಚಾರದಿಂದ ಅಭ್ಯರ್ಥಿ ಹಾಗೂ ನಾಯಕರ ಜೀವಕ್ಕೆ ಹಾನಿ ಮಾಡುವ ಅತ್ಯಂತ ಕೀಳುಮಟ್ಟದ ವ್ಯವಸ್ಥಿತ ರಾಜಕಾರಣಕ್ಕೆ ವಿರೋಧಿಗಳು ಸಂಚು ರೂಪಿಸಿದ್ದರು. ಆದರೆ, ಕ್ಷೇತ್ರದ ಜನ ಬಿಜೆಪಿ ಹಾಗೂ ವಿಜಯೇಂದ್ರ ಅವರ ಕೈಬಿಡಲಿಲ್ಲ ಎಂದು ಆರೋಪಿಸಿದರು.

ವಾಮಾ​ಚಾ​ರ​ದಿಂದ ಪುನು​ಗು ​ಬೆಕ್ಕು ಹತ್ಯೆ:

ವಾಮಾಚಾರಕ್ಕೆ ಬಲಿಯಾದ ಪುನುಗು ಬೆಕ್ಕಿನ ಭಾವಚಿತ್ರವನ್ನು ಪ್ರದರ್ಶಿಸಿದ ರಾಘವೇಂದ್ರ(BY Raghavendra MP), ವಾಮಾ​ಚಾರದ ಮೂಲಕ ಪುನುಗು ಬೆಕ್ಕನ್ನು ಹತ್ಯೆಗೈದು, ಹುಲ್ಲಿನಕಟ್ಟೆಸಮೀಪದ ತೋಟದ ಮನೆಯ ಕಾಂಪೌಂಡ್‌ ಬಳಿ ಚುನಾವಣಾ ಫಲಿತಾಂಶದ(Karnataka election results) ಮುನ್ನಾ ದಿನ ಗುಂಡಿಯಲ್ಲಿ ಹೂತಿಟ್ಟಿದ್ದರು. ಯಡಿಯೂರಪ್ಪ ಹಾಗೂ ವಿಜಯೇಂದ್ರ ಅವ​ರಿಗೆ ಕೇಡು ಉಂಟು ಮಾಡುವ ದುರುದ್ದೇಶ ಇದರಲ್ಲಿತ್ತು. ಈ ಘಟನೆ ಬಗ್ಗೆ ಸಮಗ್ರ ತನಿಖೆ ನಡೆಸುವಂತೆ ಆಗ್ರಹಿಸಿ ಪೊಲೀಸರಿಗೆ ದೂರು ಸಲ್ಲಿಸಲಾಗಿದೆ ಎಂದು ಹೇಳಿ​ದರು.

ವಾಮಾಚಾರದ ಪ್ರಭಾವದಿಂದ ಯಡಿಯೂರಪ್ಪ(BS Yadiyurappa) ಅವರು ಬಹುದೊಡ್ಡ ಅವಘಡಕ್ಕೆ ಒಳಗಾಗಿದ್ದರು. ಅದೃಷ್ಟವಶಾತ್‌ ಅದರಿಂದ ಪಾರಾಗಿದ್ದಾರೆ. ಕುಟುಂಬದಲ್ಲಿ ನಡೆದ ಕೆಲ ಅಹಿತಕರ ಘಟನೆಗಳಿಗೆ ವಾಮಾಚಾರ ಮೂಲ ಕಾರಣವಾಗಿದೆ. ಪ್ರಾಮಾಣಿಕವಾಗಿ 4 ದಶಕಗಳಿಂದ ಕ್ಷೇತ್ರದ ಜನತೆಗೆ ಸಲ್ಲಿಸಿದ ಸೇವೆಯಿಂದಾಗಿ ಎಲ್ಲ ದುರ್ಘಟನೆಯಿಂದ ಪಾರಾಗಿದ್ದಾರೆ ಎಂದರು.

ನಿತ್ಯ ಕಚೇರಿಗೆ ಧಾವಿಸಿ, ಹಾಲು ಕುಡಿದು, ಹಾಲಾಹಲ ಉಗುಳುವ ವಿರೋಧಿಗಳಿಗೆ ದೇವರು ಸದ್ಬುದ್ಧಿ ನೀಡಲಿ ಎಂದು ಅವರು ವ್ಯಂಗ್ಯವಾಡಿದರು.