* 10 ಎಕರೆ ಬಯಲಲ್ಲಿ ಟೆಂಟ್‌ ನಿರ್ಮಾಣ
* ಏ.16, 17ಕ್ಕೆ ಹೊಸಪೇಟೆಯಲ್ಲಿ ಕಾರ್ಯಕಾರಿಣಿ
* ಹಂಪಿ ವೈಭವ ಸೃಷ್ಟಿ
ಕೃಷ್ಣ ಎನ್.ಲಮಾಣಿ
ಹೊಸಪೇಟೆ(ಮಾ.29): ವಿಜಯನಗರದ(Vijayanagara) ನೆಲದಲ್ಲಿ ಏ.16, 17ರಂದು ನಡೆಯಲಿರುವ ಬಿಜೆಪಿ(BJP) ರಾಜ್ಯ ಕಾರ್ಯಕಾರಿಣಿ ಹಲವು ವಿಶೇಷತೆಗಳಿಗೆ ಸಾಕ್ಷಿಯಾಗಲಿದೆ. ಮಾಮೂಲಿಯಂತೆ ಹೋಟೆಲ್‌, ರೆಸಾರ್ಟ್‌ಗಳ ಬದಲು ಹಂಪಿಯ(Hampi) ಕಲಾ ವೈಭವವನ್ನು ಬಿಂಬಿಸುವ ಜರ್ಮನ್‌ ಟೆಂಟ್‌ನ ಸಭಾಂಗಣ ಹಾಗೂ ಭವ್ಯ ವೇದಿಕೆಯಲ್ಲಿ ಈ ಬಾರಿಯ ಕಾರ್ಯಕಾರಿಣಿ ನಡೆಯಲಿದೆ.
undefined
ಹೊಸಪೇಟೆಯ(Hosapete) ಭಟ್ರಹಳ್ಳಿ ಆಂಜನೇಯ ದೇಗುಲ ಸಮೀಪದ ಸುಮಾರು 10 ಎಕರೆ ಬಯಲು ಪ್ರದೇಶದಲ್ಲಿ ಕಾರ್ಯಕಾರಿಣಿಗೆಂದೇ ಅಗತ್ಯ ಸಿದ್ಧತೆಗಳನ್ನು ನಡೆಸಲಾಗುತ್ತಿದೆ. ಬೃಹತ್‌ ಹವಾನಿಯಂತ್ರಿತ ಜರ್ಮನ್‌ ಟೆಂಟ್‌ ನಿರ್ಮಿಸಲಾಗುತ್ತಿದ್ದು, ಇದರೊಳಗೆ ಕಾರ್ಯಕಾರಿಣಿಗಾಗಿ 80 ಅಡಿ ಉದ್ದ ಮತ್ತು 40 ಅಡಿ ಅಗಲದ ವೇದಿಕೆ ನಿರ್ಮಾಣಗೊಳ್ಳಲಿದೆ. ವೇದಿಕೆ ಹಿಂಭಾಗದಲ್ಲಿ 30 ಅಡಿ ಎತ್ತರದ ಬ್ಯಾಕ್‌ಡ್ರಾಪ್‌ ಇರಲಿದೆ. ಇದರಲ್ಲಿ ಹಂಪಿಯ ವಾಸ್ತು ಶಿಲ್ಪ ಅನಾವರಣಗೊಳ್ಳಲಿದೆ. ಈ ಶಿಲ್ಪಗಳ ಮಧ್ಯೆ ಕಮಲದ ಚಿಹ್ನೆ ಕಂಗೊಳಿಸಲಿದೆ. ಹಂಪಿ ಉತ್ಸವ, ವಿಜಯನಗರ ಉತ್ಸವದಲ್ಲಿ ವಿಶೇಷ ವೇದಿಕೆ ನಿರ್ಮಿಸಿ ಮೆಚ್ಚುಗೆಗೆ ಪಾತ್ರವಾಗಿರುವ ಬೆಂಗಳೂರಿನ(Bengaluru) ಎಂ.ವಿ. ಕನ್ಸಲ್ಟಂಟ್‌ ಸಂಸ್ಥೆಯೇ ಬಿಜೆಪಿ ಕಾರ್ಯಕಾರಿಣಿಯ ವೇದಿಕೆಯನ್ನೂ ನಿರ್ಮಿಸಲಿದೆ. ಸದ್ಯದಲ್ಲೇ ಸಂಸ್ಥೆಯ ತಂತ್ರಜ್ಞರು ಸ್ಥಳಕ್ಕೆ ಆಗಮಿಸಿ, ವೇದಿಕೆ ನಿರ್ಮಾಣ ಕಾರ್ಯ ಆರಂಭಿಸಲಿದ್ದಾರೆ.
Karnataka BJP: ವಿಜಯನಗರಕ್ಕೆ ಒಲಿದ ಬಿಜೆಪಿ ಕಾರ್ಯಕಾರಣಿ ಯೋಗ
750 ಆಸನಗಳು:
ಹವಾನಿಯಂತ್ರಿತ ಜರ್ಮನ್‌ ಮಾದರಿಯ ಟೆಂಟ್‌ನಲ್ಲಿ 750 ಆಸನಗಳ ವ್ಯವಸ್ಥೆ ಇರಲಿದೆ. ಇದರಲ್ಲಿ ಗಣಾತಿಗಣ್ಯರಿಗೆ ಪ್ರತ್ಯೇಕ ಕೊಠಡಿ, ಗ್ರೀನ್‌ ರೂಂ, ಭೋಜನಾಲಯ ಕೂಡ ಇರಲಿದೆ. ಯುಗಾದಿ ಬಳಿಕ ವೇದಿಕೆ ನಿರ್ಮಾಣದ ಕಾಮಗಾರಿ ಆರಂಭಗೊಳ್ಳಲಿದ್ದು, 200ಕ್ಕೂ ಅಧಿಕ ಕಾರ್ಮಿಕರು, ಕಲಾವಿದರು, ತಂತ್ರಜ್ಞರು ಈ ಕಾರ್ಯದಲ್ಲಿ ತೊಡಗಿಕೊಳ್ಳಲಿದ್ದಾರೆ.
ಸ್ಟಾಲ್‌ಗಳು:
ಸಭಾಂಗಣದ ಸುತ್ತ ಕೇಂದ್ರ ಹಾಗೂ ರಾಜ್ಯ ಸರ್ಕಾರಗಳ ಸಾಧನೆ ಪ್ರತಿಬಿಂಬಿಸುವ ಸ್ಟಾಲ್‌ಗಳೂ ಇರಲಿವೆ. ಇವುಗಳಲ್ಲೂ ವಿಜಯನಗರದ ನೆಲದ ಕಲಾವೈಭವ, ಸೊಬಗು ಅನಾವರಣಗೊಳ್ಳಲಿದೆ. ನೂತನ ಜಿಲ್ಲೆಯಾದ ವಿಜಯನಗರದಲ್ಲಿ ಬಿಜೆಪಿ ರಾಜ್ಯಕಾರ್ಯಕಾರಿಣಿ ನಡೆಯುತ್ತಿರುವುದು ಇದೇ ಮೊದಲು. ಈ ಹಿನ್ನೆಲೆಯಲ್ಲಿ ಈ ಬಾರಿ ಅದ್ಧೂರಿ ಹಾಗೂ ವಿಭಿನ್ನವಾಗಿ ಸಭಾಂಗಣವನ್ನು ನಿರ್ಮಿಸಲಾಗುತ್ತಿದೆ.
ವೇದಿಕೆ ಹೇಗಿರುತ್ತೆ? ಹಂಪಿ ವೈಭವ ಸೃಷ್ಟಿ:
ಹಂಪಿಯ ವಿರೂಪಾಕ್ಷೇಶ್ವರ ಗೋಪುರ, ಕಲ್ಲಿನ ತೇರು, ಸಾಸಿವೆಕಾಳು ಗಣಪ, ಆನೆಗೊಂದಿಯ ಅಂಜನಾದ್ರಿ ಬೆಟ್ಟದ ಆಂಜನೇಯ, ವಿಜಯ ವಿಠ್ಠಲ ದೇಗುಲದ ಸಪ್ತಸ್ವರ ಹೊರಡಿಸುವ ಕಲ್ಲಿನ ಕಂಬಗಳು, ಉಗ್ರ ನರಸಿಂಹ ಸೇರಿ ವಿವಿಧ ಸ್ಮಾರಕಗಳ ಸೊಬಗು ವೇದಿಕೆಯಲ್ಲಿ ಕಂಗೊಳಿಸಲಿದೆ. ವೇದಿಕೆ ಸುತ್ತಲೂ ಕೃತಕ ಸ್ಮಾರಕಗಳನ್ನು ಸೃಷ್ಟಿಸಲಾಗುತ್ತದೆ. ಈ ಭವ್ಯ ಸಭಾಂಗಣದಲ್ಲಿ ಎರಡು ದ್ವಾರಗಳಿರಲಿದ್ದು, ಅಲ್ಲೂ ವಿಜಯನಗರ ಸಾಮ್ರಾಜ್ಯದ ಗತವೈಭವ ಸಾರುವ ಕಲಾ ಪ್ರಪಂಚ ಅನಾವರಣಗೊಳ್ಳಲಿದೆ.
ವಿಜಯನಗರದ ನೆಲದಲ್ಲಿ ಬಿಜೆಪಿ ರಾಜ್ಯ ಕಾರ್ಯಕಾರಿಣಿ ನಡೆಯುತ್ತಿರುವುದರಿಂದ ಹಂಪಿಯ ಕಲಾ ಸೌಂದರ್ಯವನ್ನು ವೇದಿಕೆ ಮತ್ತು ಸಭಾಂಗಣದ ಸುತ್ತ ಅನಾವರಣಗೊಳಿಸಲಾಗುವುದು ಅಂತ ಎಂ.ವಿ. ಕನ್ಸಲ್ಟಂಟ್‌ ಸಂಸ್ಥೆ ಬೆಂಗಳೂರು ಎಚ್.ವಿ. ವಾಸು ತಿಳಿಸಿದ್ದಾರೆ.
ಈಗ ಸೋತರೂ, ಮುಂದೆ ಗೆಲುವು, ಪ್ರಜಾಪ್ರಭುತ್ವಕ್ಕೆ ಬಲಿಷ್ಠ ಕಾಂಗ್ರೆಸ್ ಅತೀ ಅಗತ್ಯ: ಬಿಜೆಪಿಗನ ಅಚ್ಚರಿಯ ಹೇಳಿಕೆ
ವಿಜಯನಗರದಿಂದ ಚುನಾವಣಾ ರಣಕಹಳೆ: ಆನಂದ್‌ ಸಿಂಗ್‌
ಹೊಸಪೇಟೆ: ಬಿಜೆಪಿ ರಾಜ್ಯ ವಿಧಾನಸಭೆ ಚುನಾವಣೆಗೆ(Karnataka Assembly Election) ವಿಜಯನಗರದಿಂದಲೇ ವಿಜಯೋತ್ಸವದ ರಣಕಹಳೆ ಮೊಳಗಿಸಲಾಗುವುದು. ನಾವು ಬೇರೆ ಪಕ್ಷದವರಂತೆ ಚುನಾವಣೆ ಸಮಯದಲ್ಲಿ ದುಡ್ಡು ಕೊಟ್ಟು ಜನರನ್ನು ಕರೆತರುವುದಿಲ್ಲ. ನಾವು ಕಾರ್ಯಕರ್ತರ ಪಡೆಯನ್ನೇ ಕಟ್ಟುತ್ತೇವೆ ಎಂದು ಪ್ರವಾಸೋದ್ಯಮ ಸಚಿವ ಆನಂದ್‌ ಸಿಂಗ್‌(Anand Singh) ಹೇಳಿದರು.
ಸೋಮವಾರ ಸುದ್ದಿಗಾರರೊಂದಿಗೆ ಮಾತನಾಡಿ, ಹುಬ್ಬಳ್ಳಿ(Hubballi) ನಂತರ ಇಲ್ಲಿ ಕಾರ್ಯಕಾರಿಣಿ ನಡೆಸಲು ತೀರ್ಮಾನಿಸಲಾಗಿದೆ. ಈ ಕಾರ್ಯಕಾರಿಣಿ ಎರಡು ಬಾರಿ ಕೆಲ ಕಾರಣಗಳಿಂದಾಗಿ ಮುಂದೂಡಲಾಗಿದೆ. ಇದೀಗ ಏಪ್ರಿಲ್‌ನಲ್ಲಿ ನಡೆಯಲಿರುವ ಕಾರ್ಯಕಾರಿಣಿಗೆ 130ರಿಂದ 150 ಶೆಡ್‌ ನಿರ್ಮಾಣ ಮಾಡಲಾಗುವುದು. ಸರ್ಕಾರದ ಸಾಧನೆ, ಯೋಜನೆಗಳ ಬಗ್ಗೆ ಜಾಗೃತಿ, ವಸ್ತು ಪ್ರದರ್ಶನ, ಮಾಹಿತಿ ಕೊಡುವ ವ್ಯವಸ್ಥೆ ಮಾಡಲಾಗುವುದು ಎಂದರು.