MTB ಹಿಮಾಚಲ ಮೌಂಟೈನ್ ಸೈಕ್ಲಿಂಗ್, ಪರ್ವತ ಶ್ರೇಣಿಯಲ್ಲಿ 37 ಕಿ.ಮೀ ಕ್ರಮಿಸಿದ 48 ರೈಡರ್ಸ್!
ಸಾರಾಂಶ
ಹಿಮಾಚಲ ಜಾಂಜೇಹ್ಲಿ ಸೈಕ್ಲಿಂಕ್ ರೇಸ್ 2022 ಎರಡನೇ ಹಂತದ ಪರ್ವತ ಶ್ರೇಣಿ ರೇಸ್ನಲ್ಲಿ 48 ರೈಡರ್ಸ್ 2750 ಮೀಟರ್ ಎತ್ತರ ದಾರಿಯಲ್ಲಿ ಸಾಗಿದ ರೈಡರ್ಸ್
ಹಿಮಾಚಲ ಪ್ರದೇಶ(ಜೂ.25): ಮೊದಲ ಆವೃತ್ತಿ ಎಂಟಿಬಿ ಹಿಮಾಚಲ ಮೌಂಟೈನ್ ಸೈಕ್ಲಿಂಗ್ ರೇಸ್ ಸ್ಪರ್ಧೆ ಹಂತ ಹಂತಕ್ಕ ರೋಚಕತೆ ಹೆಚ್ಚಿಸುತ್ತಿದೆ. ಅತೀ ದುರ್ಗಮ ಹಾದಿ ಮೂಲಕ ಬರೋಬ್ಬರಿ 37 ಕಿಲೋಮೀಟರ್ ದೂರ ಕ್ರಮಿಸಿದ 48 ರೈಡರ್ಸ್ ಹೊಸ ಮೈಲಿಗಲ್ಲು ನಿರ್ಮಿಸಿದ್ದಾರೆ.
ಇದೇ ಮೊದಲಬಾರಿಗೆ ನಡೆಯುತ್ತಿರುವ ಹಿಮಾಚಲ್ ಮೌಂಟೈನ್ ಸೈಕ್ಲಿಂಗ್ ರೇಸ್ನ ಮೊದಲ ಹಂತದಲ್ಲಿ 54 ರೈಡರ್ಸ್ ಬರೋಬ್ಬರಿ 80 ಕಿ.ಮೀ ಪ್ರಯಾಣ ಮಾಡಿದ್ದರು. ಇದೀಗ ಸನಾರ್ಲಿ ಬಳಿ ಇರುವ ಶಿಕಾರಿ ಮಾತಾ ದೇವಸ್ಥಾನದಿಂದ 2750 ಮೀಟರ್ ಎತ್ತರದ ಹಾದಿಯನ್ನು ಕ್ರಮಿಸಲಾಗಿದೆ. ಈ ಮೂಲಕ ಕಾರ್ಸೋಗ್ನಿಂದ ರಾಯೈಘರ್ ವರೆಗೆ ಪ್ರಯಾಣ ಮಾಡುವ ಮೂಲಕ 2ನೇ ಹಂತವನ್ನು ಯಶಸ್ವಿಯಾಗಿ ಮುಗಿಸಲಾಗಿದೆ.
MTB ಹಿಮಾಚಲ ಪ್ರದೇಶ ಮೌಂಟೈನ್ ಸೈಕ್ಲಿಂಗ್, ಮೊದಲ ಹಂತದಲ್ಲಿ 54 ರೈಡರ್ಗಳಿಂದ 80 ಕಿ.ಮೀ ಪ್ರಯಾಣ!
ಹಿಮಾಚಲ ಪ್ರದೇಶದಲ್ಲಿ ಸೈಕ್ಲಿಂಗ್ ಟೂರಿಸಂ ಪ್ರಚುರ ಪಡಿಸಲು ಈ ಸ್ಪರ್ಧೆ ಆಯೋಜಿಸಲಾಗಿದೆ. ಇದಕ್ಕಾಗಿ ಸುತೇಲ್ಜ್ ನದಿ ಹಾದು ಹೋಗುವ ಪರ್ವತಶ್ರೇಣಿ ಪ್ರದೇಶದಲ್ಲಿ ಸೈಕ್ಲಿಂಗ್ ರೇಸ್ ಆಯೋಜಿಸಲಾಗಿದೆ. ಈ ಮೂಲಕ ಹಿಮಾಚಲ ಪ್ರದೇಶದ ಐತಿಹಾಸಿಕ ಸುತೇಲ್ಜ್ ನದಿ ಹಾಗೂ ಪರ್ವತ ಶ್ರೇಣಿ ಪ್ರದೇಶದಲ್ಲಿರುವ 100ಕ್ಕೂ ತಾಣಗಳ ಪರಿಚಯ ಹಾಗೂ ಹಿಮಾಚಲ ಪ್ರದೇಶದ ಪ್ರವಾಸೋದ್ಯಮವನ್ನು ದೇಶಾದ್ಯಂತ ಪ್ರಚಾರ ಪಡಿಸುವುದಾಗಿದೆ.
ಹಿಮಾಚಲ ಪ್ರದೇಶದಲ್ಲಿರುವ ಸೈಕ್ಲಿಂಗ್ ತಾಣಗಳು, ಹಿಮಾಲಯ ಶ್ರೇಣಿಯನ್ನೇ ಸೆಡ್ಡು ಹೊಡೆಯಬಲ್ಲ ತಾಣಗಳು ಸೇರಿದಂತೆ ಹಲವು ಐತಿಹಾಸಿಕ ತಾಣಗಳ ಪ್ರಚಾರ ಪಡಿಸುವಿಕೆಯನ್ನು ಒಳಗೊಂಡಿದೆ. ಹಿಮಾಚಲ ಪ್ರದೇಶ ಸರ್ಕಾರ, ಹಿಮಾಚಲ ಪ್ರದೇಶ ಪ್ರವಾಸೋದ್ಯಮ ಸಚಿವಾಲಯ ಹಾಗೂ ಹಿಮಾಲಯನ್ ಅಡ್ವೆಂಚರ್ ಸ್ಪೋರ್ಟ್ಸ್ ಹಾಗೂ ಟೂರಿಸಂ ಅಭಿವೃದ್ಧಿ ಸಂಸ್ಥೆ ಜಂಟಿಯಾಗಿ ಈ ಸೈಕ್ಲಿಂಗ್ ರೇಸ್ ಆಯೋಜಿಸಿದೆ.
ಹಿಮಾಚಲ ಮೌಂಟೈನ್ ಸೈಕ್ಲಿಂಗ್ ರೇಸ್, ಎರಡನೇ ಹಂತದ ಫಲಿತಾಂಶ
ಅಂಡರ್ 16 ವಿಭಾಗ
1st:ಯುಗಲ್ ಠಾಕೂರ್
2nd: ವಂಶ್ ಕಾಲಿಯಾ
3rd: ಅಧೀರತ್ ವಾಲಿಯಾ
MTB ಹಿಮಾಚಲ ಜಾಂಜೆಹ್ಲಿ 2022ರ ಬೈಕಿಂಗ್ ರೇಸ್ನ 1ನೇ ಆವೃತ್ತಿ ಆರಂಭ
ಅಂಡರ್ 19(ಹುಡುಗರ ವಿಭಾಗ)
1st: ರಾಜ್ಬೀರ್ ಸಿಂಗ್ ಶ್ಯಾನ್
2nd: ಅರ್ಪಿತ್ ಶರ್ಮಾ
3rd: ಕುನಾಲ್ ಬನ್ಸಾಲ್
ಅಂಡರ್ 19(ಹುಡುಗಿಯರ ವಿಭಾಗ)
1st: ದಿವಿಜಾ ಸೂದ್
2nd: ಕ್ಯಾನಾ ಸೂದ್
A-19 ವಿಭಾಗ
1st: ಸುನೀತಾ ಬರೋನ್ಪಾ
2nd: ಆಸ್ತಾ ದುಬೆ
ಅಂಡರ್ 23(ಯುವಕರ ವಿಭಾಗ)
1st: ಪೃಥ್ವಿರಾಜ್ ಸಿಂಗ್ ರಾಥೋರ್
2nd: ಆರುಷ್ ಉಪಮನ್ಯು
3rd: ಅನೀಶ್ ದುಬೆ
ಅಂಡರ್ 35(ಪುರುಷರ ವಿಭಾಗ)
1st: ರಾಕೇಶ್ ರಾನಾ
2nd: ಕೃಷ್ಣವೇಂದ್ರ ಯಾದವ್
3rd: ರಾಮಕೃಷ್ಣ ಪಟೇಲ್
ಅಂಡರ್ 50(ಪುರುಷರ ವಿಭಾಗ)
1st: ಸುನಿಲ್ ಬರೋಂಗ್ಪಾ
2nd:ಅಮಿತ್ ಬಯಾನ್
A-50 ವಿಭಾಗ
1st: ಮಹೇಶ್ವರ್ ದತ್
ಕ್ರಿಕೆಟ್ ಮತ್ತು ಕ್ರೀಡಾ ಜಗತ್ತಿನ (Sports News in Kannada) ಕ್ಷಣಕ್ಷಣದ ಕನ್ನಡ ಸುದ್ದಿ ಅಪ್ಡೇಟ್ಗಳಿಗಾಗಿ ಏಷ್ಯಾನೆಟ್ ಸುವರ್ಣ ನ್ಯೂಸ್ ಫಾಲೋ ಮಾಡಿ. IPL Live ಸೇರಿದಂತೆ ಟೀಂ ಇಂಡಿಯಾದ ಬ್ರೇಕಿಂಗ್ ಸುದ್ದಿ (Cricket News in Kannada), ವಿಶೇಷ ವರದಿಗಳು ಮತ್ತು ನೇರ ಪ್ರಸಾರಗಳೊಂದಿಗೆ ಸಂಪೂರ್ಣ ಮಾಹಿತಿ ನಿಮ್ಮ ಒಂದೇ ಕ್ಲಿಕ್ನಲ್ಲಿ ಲಭ್ಯ. ಏಷ್ಯಾನೆಟ್ ಸುವರ್ಣ ನ್ಯೂಸ್ ಅಧಿಕೃತ ಆ್ಯಪ್ ಡೌನ್ಲೋಡ್ ಮಾಡಿ ಹಾಗೂ ಎಲ್ಲಾ ಅಪ್ಡೇಟ್ ಗಳನ್ನು ಪಡೆಯಿರಿ.