ಆಸ್ಪತ್ರೆ ಹೊರಭಾಗದಲ್ಲಿ ಕುದುರೆ ಗಾಡಿಯಲ್ಲೇ ಆಯ್ತು ಹೆರಿಗೆ.. ವೈದ್ಯಕೀಯ ನಿರ್ಲಕ್ಷ್ಯಕ್ಕೆ ಇದಕ್ಕಿಂತಾ ಉದಾಹರಣೆ ಬೇಕಾ..?

ರಾಯ್`ಬರೇಲಿಯ ಮಿರ್ಗುಂಜ್`ನ ಸಿಎಚ್`ಸಿ ಆಸ್ಪತ್ರೆಯ ಮುಂದೆ ಈ ಘಟನೆ ನಡೆದಿದೆ

ಲಖನೌ(ಸೆ.26): ಜಂಗಲ್ ರಾಜ್ ಎಂಬ ಕುಖ್ಯಾತಿಗೆ ಕಾರಣವಾಗಿರುವ ಉತ್ತರಪ್ರದೇಶದಲ್ಲಿ ನಾಗರೀಕ ಸಮಾಜ ತಲೆತಗ್ಗಿಸುವಂಥಾ ಮತ್ತೊಂದು ಘಟನೆ ನಡೆದಿದೆ. ವೈದ್ಯಕೀಯ ನಿರ್ಲಕ್ಷ್ಯದಿಂದಾಗಿ ಆಸ್ಪತ್ರೆಯ ಹೊರಭಾಗದ ಕುದುರೆ ಗಾಡಿಯಲ್ಲೇ ಮಹಿಳೆಯೊಬ್ಬರು ಮಗುವಿಗೆ ಜನ್ಮ ನೀಡಿರುವ ಘಟನೆ ನಡೆದಿದೆ.

ರಾಯ್`ಬರೇಲಿಯ ಮಿರ್ಗುಂಜ್`ನ ಸಿಎಚ್`ಸಿ ಆಸ್ಪತ್ರೆಗೆ ಹೆರಿಗೆಗೆಂದು ಮಹಿಳೆಯನ್ನ ಕರೆತರಲಾಗಿತ್ತು. ಆಸ್ಪತ್ರೆ ಸಿಬ್ಬಂದಿಯ ನಿರ್ಲಕ್ಷ್ಯದಿಂದಾಗಿ ಒಳಗೆ ಪ್ರವೇಶ ಸಿಕ್ಕಿಲ್ಲ. ಹೀಗಾಗಿ, ತುಂಬುಗರ್ಭಿಣಿ ಕುದುರೆಗಾಡಿಯಲ್ಲೇ ಮಗುವಿಗೆ ಜನ್ಮ ನೀಡಿದ್ದಾಳೆ.