ಹಳಿ ತಪ್ಪಿದ ‘ವಯಸ್ಕ ಪ್ರೇಮ’ ಪ್ರಸಂಗ: ಅಕ್ರಮ ಸಂಬಂಧ ಆಕ್ಷೇಪಿಸಿದ ಪತಿ ಹತ್ಯೆಗೆ ಪತ್ನಿ ಸಂಚು!

ತನ್ನ ಅಕ್ರಮ ಸಂಬಂಧ ಆಕ್ಷೇಪಿಸಿದ್ದ ಎಂದು ಕೋಪಗೊಂಡ ಮಹಿಳೆಯೊಬ್ಬರು, ಪ್ರಿಯಕರ ಜತೆ ಸೇರಿ ಪತಿ ಹತ್ಯೆಗೆ ಸಂಚು ರೂಪಿಸಿ ಈಗ ಜ್ಞಾನಭಾರತಿ ಪೊಲೀಸರ ಬಲೆಗೆ ಬಿದ್ದಿದ್ದಾರೆ. ಜ್ಯೋತಿನಗರದ ಜಿ.ಎಸ್. ಶೈಲಜಾ(42) ಹಾಗೂ ಆಕೆ ಪ್ರಿಯಕರ ಆನಂದ್(50) ಬಂಧಿತರು. ಕೆಲ ದಿನಗಳ ಹಿಂದೆ ಊಟದಲ್ಲಿ ವಿಷ ಮಿಶ್ರಣ ಮಾಡಿ ಪತಿ ಪ್ರಸನ್ನ ಕುಮಾರ್ ಹತ್ಯೆಗೆ ಶೈಲಜಾ ಸಂಚು ರೂಪಿಸಿದ್ದರು. ಆದರೆ ಪತ್ನಿ ಮೇಲೆ ಅನುಮಾನಗೊಂಡಿದ್ದ ಅವರು, ಈ ಬಗ್ಗೆ ನೀಡಿದ ದೂರಿನ್ವಯ ಆರೋಪಿಗಳನ್ನು ಬಂಧಿಸಲಾಯಿತು ಎಂದು ಪೊಲೀಸರು ಹೇಳಿದ್ದಾರೆ.

ಬೆಂಗಳೂರು: ತನ್ನ ಅಕ್ರಮ ಸಂಬಂಧ ಆಕ್ಷೇಪಿಸಿದ್ದ ಎಂದು ಕೋಪಗೊಂಡ ಮಹಿಳೆಯೊಬ್ಬರು, ಪ್ರಿಯಕರ ಜತೆ ಸೇರಿ ಪತಿ ಹತ್ಯೆಗೆ ಸಂಚು ರೂಪಿಸಿ ಈಗ ಜ್ಞಾನಭಾರತಿ ಪೊಲೀಸರ ಬಲೆಗೆ ಬಿದ್ದಿದ್ದಾರೆ.

ಜ್ಯೋತಿನಗರದ ಜಿ.ಎಸ್. ಶೈಲಜಾ(42) ಹಾಗೂ ಆಕೆ ಪ್ರಿಯಕರ ಆನಂದ್(50) ಬಂಧಿತರು. ಕೆಲ ದಿನಗಳ ಹಿಂದೆ ಊಟದಲ್ಲಿ ವಿಷ ಮಿಶ್ರಣ ಮಾಡಿ ಪತಿ ಪ್ರಸನ್ನ ಕುಮಾರ್ ಹತ್ಯೆಗೆ ಶೈಲಜಾ ಸಂಚು ರೂಪಿಸಿದ್ದರು. ಆದರೆ ಪತ್ನಿ ಮೇಲೆ ಅನುಮಾನಗೊಂಡಿದ್ದ ಅವರು, ಈ ಬಗ್ಗೆ ನೀಡಿದ ದೂರಿನ್ವಯ ಆರೋಪಿಗಳನ್ನು ಬಂಧಿಸಲಾಯಿತು ಎಂದು ಪೊಲೀಸರು ಹೇಳಿದ್ದಾರೆ.

ಇಪ್ಪತ್ತು ವರ್ಷಗಳ ಹಿಂದೆ ಆಯಿಲ್ ವ್ಯಾಪಾರಿ ಪ್ರಸನ್ನಕುಮಾರ್ ಹಾಗೂ ಶೈಲಜಾ ವಿವಾಹವಾಗಿದ್ದು, ಈ ದಂಪತಿಗೆ ಇಬ್ಬರು ಮಕ್ಕಳಿದ್ದಾರೆ. ಜ್ಯೋತಿ ನಗರದಲ್ಲಿ ಪ್ರಸನ್ನ ಕುಮಾರ್ ಕುಟುಂಬ ನೆಲೆಸಿದೆ.

ಐದು ವರ್ಷಗಳ ಹಿಂದೆ ಶೈಲಜಾ ಅವರಿಗೆ ಆನಂದ್ ಜತೆ ಗೆಳೆತನವಾಗಿದ್ದು, ಕ್ರಮೇಣ ಅವರಲ್ಲಿ ಆತ್ಮೀಯತೆ ಮೂಡಿಸಿದೆ. ಅಷ್ಟರಲ್ಲಿ ಈ ಸ್ನೇಹದ ಮಾಹಿತಿ ಪಡೆದ ಪ್ರಸನ್ನ ಕುಮಾರ್, ಪತ್ನಿಗೆ ಆನಂದ್ ಜತೆ ಸಂಪರ್ಕ ಕಡಿದುಕೊಳ್ಳುವಂತೆ ತಾಕೀತು ಮಾಡಿದ್ದರು. ಇದೇ ವಿಷಯವಾಗಿ ಸತಿ-ಪತಿ ಮಧ್ಯೆ ಜಗಳವಾಗಿತ್ತು ಎಂದು ಪೊಲೀಸರು ಮಾಹಿತಿ ನೀಡಿದ್ದಾರೆ.

ಗಲಾಟೆ ವಿಷಯ ತಿಳಿದ ಆನಂದ್, ಮೂರು ತಿಂಗಳ ಹಿಂದೆ ಉಲ್ಲಾಳು ಮುಖ್ಯರಸ್ತೆಯ ಕೂಲ್ ಪಾಯಿಂಟ್ ಹೋಟೆಲ್ ಬಳಿ ಪ್ರಸನ್ನ ಕುಮಾರ್ ಮೇಲೆ ಆನಂದ್ ಹಲ್ಲೆ ನಡೆಸಿದ್ದ. ಈ ಸಂಬಂಧ ಪೊಲೀಸರಿಗೆ ಪ್ರಸನ್ನ ದೂರು ನೀಡಿದ್ದರು. ಆಗ ಠಾಣೆಗೆ ಆನಂದ್ ಹಾಗೂ ಶೈಲಜಾ ಅವರನ್ನು ಕರೆಸಿದ ಪೊಲೀಸರು, ಅವರಿಗೆ ಎಚ್ಚರಿಕೆ ನೀಡಿ ಮುಚ್ಚಳಿಕೆ ಬರೆಸಿ ಕೊಂಡು ಕಳುಹಿಸಿದ್ದರು. ಇದಾದ ನಂತರ ಆಗಸ್ಟ್ 29ರಂದು ಸಂಜೆ ನನ್ನ ಕೊಲೆ ಸಂಚು ರೂಪಿಸುವ ಸಂಬಂಧ ಆನಂದ್ ಜತೆ ಶೈಲಜಾ ಮೊಬೈಲ್ ಸಂಭಾಷಣೆ ಆಡಿಯೋ ಸಿಕ್ಕಿತು.

ಅವರಿಬ್ಬರು ಊಟದಲ್ಲಿ ವಿಷ ಮಿಶ್ರಣ ಕೊಲ್ಲುವ ಸಂಚು ರೂಪಿಸಿದ್ದರು. ಕೂಡಲೇ ಜಾಗ್ರತಗೊಂಡು ಪೊಲೀಸರಿಗೆ ದೂರು ನೀಡಿದ್ದಾಗಿ ಪ್ರಸನ್ನ ಕುಮಾರ್ ಸುದ್ದಿಗಾರರಿಗೆ ತಿಳಿಸಿದ್ದಾರೆ.

ಮೊಬೈಲ್ ರೆಕಾರ್ಡ್ ರಹಸ್ಯ: ತಮ್ಮ ಪತ್ನಿ ಶೈಲಜಾ ಮತ್ತು ರಿಯಲ್ ಎಸ್ಟೇಟ್ ಏಜೆಂಟ್ ಆನಂದ್ ನಡುವಿನ ‘ವಯಸ್ಕ ಪ್ರೇಮ’ ಪ್ರಸಂಗವನ್ನು ಪ್ರಸನ್ನ ಪತ್ತೆ ಹಚ್ಚಿದ್ದು ರೋಚಕ ವಾಗಿದೆ. ಶೈಲಜಾ ಅವರು ತಮ್ಮ ಮಕ್ಕಳನ್ನು ಶಾಲೆಗೆ ಬಿಡಲು ಹೋಗುತ್ತಿದ್ದಾಗ ಆನಂದ್ ಪರಿಚಯವಾಗಿದೆ. ಆದರೆ ಈ ಸ್ನೇಹದ ಬಗ್ಗೆ ಶೈಲಜಾ ಪೋಷಕರಿಗೂ ಪ್ರಸನ್ನಕುಮಾರ್ ಹೇಳಿದರೂ ಯಾರೂ ನಂಬಲಿಲ್ಲ. ಇದರಿಂದ ಬೇಸರಗೊಂಡ ಅವರು, ಸಾಕ್ಷಿ ಸಮೇತ ಪ್ರೇಮ ಪ್ರಣಯ ಸಾಬೀತಪಡಿಸಲು ಮುಂದಾದರು.

ಆಗ ಪತ್ನಿಗೆ ತಿಳಿಯದೆ ಅವರ ಮೊಬೈಲ್‌ಗೆ ಸಂಭಾಷಣೆ ರೆಕಾರ್ಡ್ ಮಾಡಿಕೊಂಡಿದ್ದರು. ಹೀಗೆ ಶೈಲಜಾ ಹಾಗೂ ಆನಂದ್ ಮಾತನಾಡುವ ವೇಳೆ ಪ್ರಸನ್ನ ಕುಮಾರ್‌ಗೆ ಒಂದು ಗತಿ ಕಾಣಿಸಬೇಕು ಎಂದು ಹೇಳಿಕೊಂಡಿದ್ದರು. ಈ ಮಾಹಿತಿಯನ್ನು ಪೊಲೀಸರು ಹಾಗೂ ಕುಟುಂಬದವರಿಗೆ ಪತ್ನಿ ವಿರುದ್ಧ ದೂರು ಸಲ್ಲಿಸಿದ್ದರು ಎಂದು ತಿಳಿದು ಬಂದಿದೆ.

(ಸಾಂದರ್ಭಿಕ ಚಿತ್ರ)