ಮೊದಲ ಬಾರಿ ಲಾಡೆನ್ ಹತ್ಯೆ ರಹಸ್ಯ ಬಿಚ್ಚಿಟ್ಟ ಪತ್ನಿ ಅಮಲ್!

 2011ರ ಮೇ 1ರಂದು ಕುಖ್ಯಾತ ಉಗ್ರ ಒಸಾಮಾ ಬಿನ್‌ ಲಾಡೆನ್‌ನ್ನು ಹೇಗೆ ಕೊಂದೆವು ಎಂಬುದರ ಬಗ್ಗೆ ಅಮೆ​ರಿ​ಕದ ನೌಕಾ ಪಡೆಯ ವಿಶೇಷ ಸಿಬ್ಬಂದಿ ಹಲವು ಬಾರಿ ಮಾಹಿತಿ ನೀಡಿ​ದ್ದಾರೆ. ಆದರೆ ದಾಳಿಯ ವೇಳೆ ಮನೆ​ಯೊ​ಳ​ಗಿನ ಪರಿ​ಸ್ಥಿತಿ ಹೇಗಿತ್ತು ಎಂಬು​ದರ ಲಾಡೆನ್‌ನ ನಾಲ್ಕನೇ ಮತ್ತು ಅತ್ಯಂತ ಕಿರಿಯ ಪತ್ನಿ ಅಮಲ್‌ ಮೊದಲ ಬಾರಿ ಮಾಹಿತಿ ನೀಡಿ​ದ್ದಾಳೆ. ‘ದ ಎಕ್ಸೈಲ್‌: ದ ಫ್ಲೈಟ್‌ ಆಫ್‌ ಒಸಾಮಾ ಬಿನ್‌ ಲಾಡೆನ್‌' ಎಂಬ ಪುಸ್ತಕದ ಲೇಖಕರಾದ ಕ್ಯಾಥಿ ಸ್ಕಾಟ್‌-ಕ್ಲಾಕ್‌ ಮತ್ತು ಆ್ಯಡ್ರಿಯನ್‌ ಲೆವಿಗೆ ಲಾಡೆನ್‌ನ ಕೊನೆಯ ಕ್ಷಣಗಳ ಬಗ್ಗೆ ಅಮಲ್‌ ಮಾಹಿತಿ ನೀಡಿದ್ದಾಳೆ.

ಲಂಡ​ನ್‌(ಮೇ.27): 2011ರ ಮೇ 1ರಂದು ಕುಖ್ಯಾತ ಉಗ್ರ ಒಸಾಮಾ ಬಿನ್‌ ಲಾಡೆನ್‌'ನ್ನು ಹೇಗೆ ಕೊಂದೆವು ಎಂಬುದರ ಬಗ್ಗೆ ಅಮೆ​ರಿ​ಕದ ನೌಕಾ ಪಡೆಯ ವಿಶೇಷ ಸಿಬ್ಬಂದಿ ಹಲವು ಬಾರಿ ಮಾಹಿತಿ ನೀಡಿ​ದ್ದಾರೆ. ಆದರೆ ದಾಳಿಯ ವೇಳೆ ಮನೆ​ಯೊಳ​ಗಿನ ಪರಿ​ಸ್ಥಿತಿ ಹೇಗಿತ್ತು ಎಂಬು​ದರ ಲಾಡೆನ್‌ನ ನಾಲ್ಕನೇ ಮತ್ತು ಅತ್ಯಂತ ಕಿರಿಯ ಪತ್ನಿ ಅಮಲ್‌ ಮೊದಲ ಬಾರಿ ಮಾಹಿತಿ ನೀಡಿ​ದ್ದಾಳೆ. ‘ದ ಎಕ್ಸೈಲ್‌: ದ ಫ್ಲೈಟ್‌ ಆಫ್‌ ಒಸಾಮಾ ಬಿನ್‌ ಲಾಡೆನ್‌' ಎಂಬ ಪುಸ್ತಕದ ಲೇಖಕರಾದ ಕ್ಯಾಥಿ ಸ್ಕಾಟ್‌-ಕ್ಲಾಕ್‌ ಮತ್ತು ಆ್ಯಡ್ರಿಯನ್‌ ಲೆವಿಗೆ ಲಾಡೆನ್‌ನ ಕೊನೆಯ ಕ್ಷಣಗಳ ಬಗ್ಗೆ ಅಮಲ್‌ ಮಾಹಿತಿ ನೀಡಿದ್ದಾಳೆ.

ಆ ಪುಸ್ತ​ಕ​ದಲ್ಲಿ ಕೆಲ ಮಾಹಿ​ತಿ​ಯನ್ನು ಬ್ರಿಟನ್‌ನ ಪತ್ರಿ​ಕೆ​ಯೊಂದು ಪ್ರಕ​ಟಿ​ಸಿದೆ. ಅದ​ರಲ್ಲಿ ಈ ಎಲ್ಲಾ ಮಾಹಿತಿ ಇದೆ ‘ಊಟ ಮುಗಿ​ಸಿದ ಬಳಿಕ ನಾವು ಪಾತ್ರೆ​ ತೊಳೆದು ಮೇಲಿನ ಮಹ​ಡಿ​ಯಲ್ಲಿ ವಿಶ್ರಾಂತಿ ಪಡೆ​ಯುತ್ತಾ ಇದ್ದೆವು. ಪಕ್ಕ​ದಲ್ಲೇ ಅವರು ಮಲ​ಗಿ​ದ್ದರು. ಅಷ್ಟ​ರಲ್ಲೇ ಮನೆಯ ಬಳಿ ಭಾರೀ ಸದ್ದು ಕೇಳಿ​ಬಂತು. ಆತಂಕದಿಂದ ನಾನು ಪತಿಯನ್ನು ಎಬ್ಬಿ​ಸಿದೆ. ಅವರು ಅಮೆ​ರಿ​ಕನ್ನರು ಬಂದಿ​ದ್ದಾರೆ ಎಂದು ಭಯ​ದಿಂದ ಕೂಗಿ​ಕೊಂಡ​ರು​. ತಾನು ಸಿಕ್ಕಿ​ಬಿ​ದ್ದಿ​ದ್ದೇನೆ ಎಂದು ಅವ​ರಿಗೆ ಗೊತ್ತಾ​ಗಿತ್ತು. ಅವ​ರಿಗೆ ಬೇಕಾ​ಗಿ​ರು​ವುದು ನಾನು, ನೀವೆಲ್ಲಾ ಕೆಳಗಿನ ಮಹ​ಡಿಗೆ ಹೋಗಿ ಎಂದು ಮೂವರು ಪತ್ನಿ​ಯರು ಮತ್ತು ಮಕ್ಕ​ಳಿಗೆ ಹೇಳಿದರು. ನಾನು ಮತ್ತು ನನ್ನ ಪುತ್ರ ಹುಸೇನ್‌ ಅವರ ಜೊತೆಗೇ ಉಳಿ​ದು​ಕೊಂಡೆವು.'

‘ಮುಂದೆ ಕ್ಷಣ​ಕ್ಷ​ಣಕ್ಕೂ ಯೋಧರು ನಮ್ಮ ಸಮೀಪ ಆಗ​ಮಿ​ಸು​ತ್ತಿ​ರುವ ಸದ್ದು ಜೋರಾಗಿ ಕೇಳಿ​ಸ​ತೊ​ಡ​ಗಿತು. ತಪ್ಪಿ​ಸಿ​ಕೊ​ಳ್ಳೋ​ಣ​ವೆಂದರೆ ಯಾವುದೇ ಪರ್ಯಾಯ ಮಾರ್ಗ ನಮಗೆ ಉಳಿ​ದಿ​ರ​ಲಿಲ್ಲ. ಲಾಡೆ​ನ್‌ರ ಒಳ​ವ​ಸ್ತ್ರ​ದಲ್ಲಿ ಬಚ್ಚಿ​ಟ್ಟಿದ್ದ ಒಂದಿಷ್ಟುಹಣ ಮತ್ತು ಕೆಲ ಉಗ್ರರ ಟೆಲಿ​ಫೋನ್‌ ಸಂಖ್ಯೆ ಬಿಟ್ಟರೆ ಅವ​ರೇನೂ ತಮ್ಮ ಬಳಿ ಇಟ್ಟು​ಕೊಂಡಿ​ರ​ಲಿ​ಲ್ಲ. ಕೊನೆಗೆ ಯೋಧರು ನಮ್ಮ ಕೊಠ​ಡಿಗೂ ನುಗ್ಗಿ​ದಾಗ, ನಾನು ಅವರತ್ತ ನುಗ್ಗಿ ಅವ​ರನ್ನು ತಡೆ​ಯಲು ಯತ್ನಿ​ಸಿದೆ. ಈ ವೇಳೆ ಅವರು ಹಾರಿ​ಸಿದ ಗುಂಡು ನನ್ನ ಕಾಲಿಗೆ ತಗ​ಲಿತು. ನಾನು ಸತ್ತಂತೆ ಸುಮ್ಮನೆ ಮಲ​ಗಿದೆ. ಇದಾದ ಕೆಲ ಸೆಕೆಂಡ್‌​ಗ​ಳ​ಲ್ಲಿಯೇ ಯೋಧ​ರು ಲಾಡೆ​ನ್‌​ರನ್ನು ಗುಂಡಿಕ್ಕಿ ಹತ್ಯೆ ಮಾಡಿ​ದರು. ತಾವು ಕೊಂದಿದ್ದು ನಿಜ​ವಾ​ಗಿಯೂ ಲಾಡೆ​ನ್‌​ನನ್ನೇ ಎಂದು ಖಚಿ​ತ​ಪ​ಡಿ​ಸಿ​ಕೊ​ಳ್ಳಲು ಅವರು ಪುತ್ರಿ​ಯ​ರಾದ ಸುಮಯ್ಯಾ ಮತ್ತು ಮಿರಯ್ಯಾ ಅವರನ್ನು ಲಾಡೆನ್‌ ದೇಹ​ದ ಬಳಿ ಹಿಡಿದು ಇದು ಯಾರು ಎಂದರು. ಇಬ್ಬರೂ, ಇದು ನಮ್ಮ ತಂದೆ ಲಾಡೆನ್‌ ಎಂದ ಬಳಿಕ ಅವ​ರನ್ನು ಬದಿಗೆ ತಳ್ಳಿ ಶವ​ ಎಳೆ​ದೊ​ಯ್ದರು​' ಎಂದು ಅಮಲ್‌ ಹೇಳಿದ್ದಾಳೆ.