ಮೋದಿ ಹತ್ಯೆಗೆ ಸಂಚು ರೂಪಿಸಲಾಗಿತ್ತು ಎಂಬ ಸುದ್ದಿ ಬಂದಿದ್ದರೂ ನಮ್ಮ ದೇಶದಲ್ಲಿ ಈಗ ಪ್ರಧಾನಿಯೊಬ್ಬರನ್ನು ಹತ್ಯೆ ಮಾಡುವುದು ಸಾಧ್ಯವೇ ಇಲ್ಲ ಎನ್ನುತ್ತಾರೆ ಭದ್ರತಾ ವಿಶ್ಲೇಷಕರು. ಏಕೆಂದರೆ, ಪ್ರಧಾನಿಗಿರುವ ಭದ್ರತೆಯೇ ಅಷ್ಟು ಬಿಗಿಯಾಗಿರುತ್ತದೆ. ಮುಖ್ಯವಾಗಿ ಪ್ರಧಾನಿಗೆ 4 ಹಂತದ ಭದ್ರತೆಯಿರುತ್ತದೆ.
- ಪ್ರಧಾನಿ ಮೋದಿಯವರನ್ನು ಸದಾ ಕಾಲ ಉನ್ನತ ಮಟ್ಟದ ತರಬೇತಿ ಪಡೆದಿರುವ ವಿಶೇಷ ರಕ್ಷಣಾ ದಳ ಸುತ್ತುವರೆದಿರುತ್ತದೆ. ಸಾರ್ವಜನಿಕ ಸಮಾರಂಭಗಳಲ್ಲಿ ಪರಿಶೀಲಿಸದೇ ಕುಟುಂಬದ ಸದಸ್ಯರನ್ನೂ ಹತ್ತಿರಕ್ಕೆ ಬಿಡುವುದಿಲ್ಲ.
- 2ನೇ ಹಂತದಲ್ಲಿಯೂ ಉನ್ನತ ತರಬೇತಿ ಪಡೆದ ಭದ್ರತಾ ಪಡೆ ಸುತ್ತುವರೆದಿದ್ದು, ಪ್ರತಿಯೊಂದು ಚಲನವಲನಗಳನ್ನೂ ಸೂಕ್ಷ್ಮವಾಗಿ ಗಮನಿಸುತ್ತಿರುತ್ತದೆ.
- ಮೂರನೇ ಹಂತದಲ್ಲಿಯೂ ರಾಷ್ಟ್ರೀಯ ಭದ್ರತಾ ಪಡೆಯ ಕಾವಲಿರುತ್ತದೆ
- ನಾಲ್ಕನೆ ಹಂತದಲ್ಲಿ ಅರೆಸೈನಿಕ ಪಡೆಗಳಿಂದ ಭದ್ರತೆಯಿರುತ್ತದೆ. ಪ್ರಧಾನಿ ಬೇರೆ ರಾಜ್ಯಗಳಿಗೆ ತೆರಳಿದ ಸಂದರ್ಭದಲ್ಲಿ ಅವರಿಗೆ ಭದ್ರತೆ ಒದಗಿಸುವುದು ಆ ರಾಜ್ಯದ ಜವಾಬ್ದಾರಿ ಯಾಗಿದ್ದರೂ, ಕೇಂದ್ರದ ಭದ್ರತೆ ಕೂಡ ಇರುತ್ತದೆ.
- ಕೇವಲ ಭದ್ರತಾ ಪಡೆಗಳ ಕಣ್ಗಾವಲು ಮಾತ್ರವಲ್ಲದೆ ಪ್ರಧಾನಿ ಕಾರ್ಯಕ್ರಮದ ಸುತ್ತಲೂ ಡ್ರೋನ್ಗಳು ಹಾಗೂ ವಿಮಾನಗಳ ಕಣ್ಗಾವಲಿರುತ್ತದೆ.