ಬಿಎಸ್ ವೈ ಸುಳ್ಳು ಹೇಳುವುದರಲ್ಲಿ ನಿಸ್ಸೀಮ; ಡೈರಿಗೂ ನನಗೂ ನಂಟಿಲ್ಲ

ಬೆಂಗಳೂರು (ಫೆ.12): ಯಡಿಯೂರಪ್ಪ ಕರ್ನಾಟಕ ಕಂಡ ಕಡು ಭ್ರಷ್ಟ ರಾಜಕಾರಣಿ. ಯಡಿಯೂರಪ್ಪ ಸುಳ್ಳು ಹೇಳುವುದರಲ್ಲಿ ನಿಸ್ಸೀಮ. ಡೈರಿ ಬಗ್ಗೆ ನನಗೇನು ಗೊತ್ತಿಲ್ಲ ಎಂದ ಸಿಎಂ ಸಿದ್ದರಾಮಯ್ಯ ಬಿಎಸ್ ವೈ ವಿರುದ್ಧ ವಾಗ್ದಾಳಿ ನಡೆಸಿದ್ದಾರೆ.    

ಡೈರಿ ಏನು ನನ್ನ ಮನೆಯಲ್ಲಿ ಸಿಕ್ಕಿದಿಯಾ? ಯಡಿಯೂರಪ್ಪ ಹೇಳುವುದೆಲ್ಲ ಬರಿ ಸುಳ್ಳು. ಅಷ್ಟಕ್ಕು ಎಂಎಲ್​ಸಿ ಗೋವಿಂದ ರಾಜು ಯಾರು? ಯಡಿಯೂರಪ್ಪ ವಿರುದ್ಧ 15 ಪ್ರಕರಣಗಳು ದಾಖಲಾಗಿದ್ದವು. ಕೇಂದ್ರದ ಕುಮ್ಮಕ್ಕಿನಿಂದ ಕೆಲವು ವಜಾ ಆಗಿದೆ. ನನ್ನ ಬಗ್ಗೆ ಮಾತನಾಡಲು ಅವರಿಗೆ ಯೋಗ್ಯತೆ ಇಲ್ಲ  ಎಂದು ಕಿಡಿಕಾರಿದ್ದಾರೆ.

12 ಬಾರಿ ಬಜೆಟ್ ಮಂಡಿಸಿದ್ದೇನೆ ನನ್ನ ಮೇಲೆ 1 ಕಪ್ಪು ಚುಕ್ಕೆ ಇಲ್ಲ. ನನ್ನ ವಿರುದ್ಧ ಖಾಸಗಿ ದೂರು ಇಲ್ಲ. ಉಪಚುನಾವಣೆ ಹಿನ್ನೆಲೆಯಲ್ಲಿ ಆರೋಪ ಮಾಡುತ್ತಿದ್ದಾರೆ. ಯಾರದೋ ಮನೆಯಲ್ಲಿ ಸಿಕ್ಕ ಡೈರಿಗು ನನಗೂ ಸಂಬಂಧವಿಲ್ಲ ಎಂದು ಸಿಎಂ ಸಿದ್ದರಾಮಯ್ಯ   ವಾಗ್ದಾಳಿ ನಡೆಸಿದ್ದಾರೆ.