ರಾಷ್ಟ್ರೀಯ ಹಾಡು ಪರಿಕಲ್ಪನೆಯೇ ಇಲ್ಲ; ಸುಪ್ರೀಂ ಅಭಿಪ್ರಾಯ

ನವದೆಹಲಿ (ಫೆ.17): ರಾಷ್ಟ್ರೀಯ ಗೀತೆ ಎನ್ನುವ ಪರಿಕಲ್ಪನೆಯೇ ಇಲ್ಲ. ಹಾಗಾಗಿ ನಾವು ಈ ವಿಚಾರ ಸಂಬಂಧ ಚರ್ಚೆ ಮಾಡಲು ಇಚ್ಚಿಸುವುದಿಲ್ಲವೆಂದು ಸುಪ್ರೀಂಕೋರ್ಟ್ ಇಂದು ಅಭಿಪ್ರಾಯಪಟ್ಟಿದೆ.

ರಾಷ್ಟ್ರಗೀತೆ, ರಾಷ್ಟ್ರ ಲಾಂಚನ ಮತ್ತು ರಾಷ್ಟ್ರೀಯ ಗೀತೆ (ವಂದೆ ಮಾತರಂ) ನ್ನು ಉತ್ತೇಜಿಸಲು ಪರಿಚ್ಛೇದ 51ಎ ಅಡಿಯಲ್ಲಿ ರಾಷ್ಟ್ರೀಯ ನೀತಿ ರೂಪಿಸಲು ಕೇಂದ್ರಕ್ಕೆ ನಿರ್ದೇಶಿಸಿ ಎಂದು ಕೋರಿ ಸಲ್ಲಿಸಿದ ಅರ್ಜಿಯನ್ನು ಸುಪ್ರೀಂಕೋರ್ಟ್ ಇಂದು ನಿರಾಕರಿಸಿದೆ.

ಪರಿಚ್ಛೇದ 51 ಎ ರಾಷ್ಟ್ರ ಲಾಂಚನ ಮತ್ತು ರಾಷ್ಟ್ರಗೀತೆ ಬಗ್ಗೆ ಪ್ರಸ್ತಾಪಿಸುತ್ತದೆ. ಆದರೆ ರಾಷ್ಟ್ರೀಯ ಬಗ್ಗೆ ಹೇಳುವುದಿಲ್ಲ ಎಂದು ನ್ಯಾ. ದೀಪಕ್ ಮಿಶ್ರಾ ಹೇಳಿದ್ದಾರೆ.

ಬಿಜೆಪಿ ವಕ್ತಾರ ಅಶ್ವಿನಿ ಉಪಾಧ್ಯಾಯ ಸಾರ್ವಜನಿಕ ಹಿತಾಸಕ್ತಿ ದಾವೆ ಹೂಡಿದ್ದರು.