ಆಗಸದಲ್ಲಿ ಅಚ್ಚರಿಯ ಬೆಳಕು: ಅಲುಗಾಡದೇ ಊರು ಅಲ್ಲಾಡಿಸಿತು!

ರಾತ್ರಿ ಆಗಸದಲ್ಲಿ ಕಂ ಅಚ್ಚರಿಯ ಬೆಳಕಿಗೆ ಬೆದರಿದ ಊರ ಜನ| ಚಲನೆ ಇಲ್ಲದ ಬೃಹತ್ ಗಾತ್ರದ ಬೆಳಕು ಕಂಡು ದಂಗಾದ ಜನತೆ| ಸಾಮಾಜಿಕ ಜಾಲತಾಣಗಳಲ್ಲಿ ಈ ಬೆಳಕಿನ ವಿಡಿಯೋ ವೈರಲ್|ಕ್ಯಾಲಿರ್ಫೋನಿಯಾ ಆಗಸದಲ್ಲಿ ಕಂಡು ಬಂತು ಅಚ್ಚರಿಯ ಬೆಳಕು| ಉರಿದು ಬೂದಿಯಾದ ಕ್ಷುದ್ರಗ್ರಹ ಇರಬೆಬಹುದೆಂಬ ಅನುಮಾನ

ಕ್ಯಾಲಿಫೋರ್ನಿಯಾ(ಡಿ.21): ಈ ಜಗತ್ತು ಅದೆಷ್ಟು ವಿಸ್ಮಯವೋ ಆಗಸ ಕೂಡ ಅಷ್ಟೇ ವಿಸ್ಮಯ. ಅಸಂಖ್ಯಾತ ರಹಸ್ಯಗಳನ್ನು ತನ್ನ ಮಡಿಲಲ್ಲಿ ಇಟ್ಟುಕೊಂಡಿರುವ ದಿಗಂತದಲ್ಲಿ ದಿನಕ್ಕೊಂದರಂತೆ ಅಚ್ಚರಿಯ ಘಟನಾವಳಿಗಳು ನಡೆಯುತ್ತಲೇ ಇರುತ್ತವೆ.

ಅದರಂತೆ ಕ್ಯಾಲಿಫೋರ್ನಿಯಾದಲ್ಲಿ ಮಾನವ ಈ ಹಿಂದೆಂದೂ ಕಂಡಿರದಂತ ವಿಸ್ಮಯ ಘಟನೆಯೊಂದು ನಡೆದಿದೆ. ನಗರದ ರಾತ್ರಿ ಆಗಸದಲ್ಲಿ ವಿಚಿತ್ರ ಬೆಳಕೊಂದು ಕಂಡಿದ್ದು, ಯಾವುದೇ ಚಲನೆ ಇಲ್ಲದ ಈ ಬೆಳಕನ್ನು ಕಂಡು ಜನರು ದಂಗಾಗಿದ್ದಾರೆ.

ಕ್ಯಾಲಿಫೋರ್ನಿಯಾ ಆಗಸದಲ್ಲಿ ಅತ್ಯಂತ ಸ್ಪಷ್ಟವಾಗಿ ಮತ್ತು ಬೃಹತ್ ಗಾತ್ರದಲ್ಲಿ ಕಂಡ ಈ ಬೆಳಕನ್ನು ಕಂಡು ಜನ ಗಾಬರಿಗೊಂಡಿದ್ದಾರೆ. ಆದರೆ ಈ ಬೆಳಕು ಏನು ಎಂಬುದು ಯಾರಿಗೂ ಅರ್ಥವಾಗಿಲ್ಲ.

ಆಗಸದಲ್ಲಿ ಕಂಡ ಈ ಅಚ್ಚರಿಯನ್ನು ಜನ ತಮ್ಮ ಫೇಸ್‌ಬುಕ್ ಮತ್ತು ಟ್ವಿಟ್ಟರ್‌ಗಳಲ್ಲಿ ಶೇರ್ ಮಾಡುತ್ತಿದ್ದಾರೆ. ಇನ್ನು ರಾಷ್ಟ್ರೀಯ ಹವಾಮಾನ ಸೇವೆ ಇಲಾಖೆ ಇದೊಂದು ಉರಿದು ಬೂದಿಯಾದ ಕ್ಷುದ್ರಗ್ರಹ ಇರಬಹುದು ಎಂದು ಅನುಮಾನ ವ್ಯಕ್ತಪಡಿಸಿದೆ.