ತಮಿಳುನಾಡಿನಲ್ಲಿ ಎಸ್ಐ ದರ್ಪ : ಗರ್ಭಿಣಿ ದಾರುಣ ಸಾವು

ತಮಿಳುನಾಡಿನಲ್ಲಿ ಬೈಕ್ ಸವಾರನ ಮೇಲೆ ಪೊಲೀಸ್ ಅಧಿಕಾರಿ ದರ್ಪ ತೋರಿದ್ದು, ಇದಕ್ಕೆ ಗರ್ಭಿಣಿ ಬಲಿಯಾದ ಅಮಾನವೀಯ ಘಟನೆ ನಡೆದಿದೆ.

ಆನೇಕಲ್ : ತಮಿಳುನಾಡಿನಲ್ಲಿ ಬೈಕ್ ಸವಾರನ ಮೇಲೆ ಪೊಲೀಸ್ ಅಧಿಕಾರಿ ದರ್ಪ ತೋರಿದ್ದು, ಇದಕ್ಕೆ ಗರ್ಭಿಣಿ ಬಲಿಯಾದ ಅಮಾನವೀಯ ಘಟನೆ ನಡೆದಿದೆ.

ಇಲ್ಲಿನ ತಿರುಚಿಯಲ್ಲಿ ನಿನ್ನೆ ರಾತ್ರಿ ಬೈಕ್ ಸವಾರ ರಾಜು ಪತ್ನಿ ಉಷಾರೊಂದಿಗೆ ತೆರಳುತ್ತಿದ್ದರು. ಈ ವೇಳೆ ಬೈಕ್ ಅಡ್ಡಗಟ್ಟಿದ ಎಸ್ಐ ಕಾಮರಾಜು ಹೆಲ್ಮೆಟ್ ಧರಿಸಿಲ್ಲ ಎಂದು  100 ರು. ಲಂಚಕ್ಕೆ ಬೇಡಿಕೆ ಇಟ್ಟಿದ್ದಾರೆ.

ಈ ವೇಳೆ ಬೈಕ್ ಸವಾರ ಹಾಗೂ ಎಸ್ಐ ನಡುವೆ ಮಾತಿನ ಚಕಮಕಿ ನಡೆದಿದೆ. ಈ ವೇಳೆ ಬೈಕ್ ಸವಾರ ಹಣ ನೀಡದೇ ತನ್ನ ಪತ್ನಿಯೊಂದಿಗೆ  ಮುಂದೆ ಹೋಗಿದ್ದಾರೆ. ಈ ಸಂದರ್ಭದಲ್ಲಿ ಎಸ್ಐ ಬಂದು ಚಲಿಸುತ್ತಿದ್ದ ಬೈಕ್’ಗೆ ಒದ್ದಿದ್ದಾರೆ.ಇದರಿಂದ ಬೈಕ್’ನಲ್ಲಿದ್ದ ಉಷಾ ಹಾಗೂ ರಾಜು ಕೆಳಕ್ಕೆ ಬಿದ್ದಿದ್ದಾರೆ. 

ಗರ್ಭಿಣಿಯಾಗಿದ್ದ ಉಷಾ ಗಂಭೀರವಾಗಿ ಗಾಯಗೊಂಡು ಸ್ಥಳದಲ್ಲೇ ಸಾವನ್ನಪ್ಪಿದ್ದಾರೆ. ಈ ಸಂಬಂಧ ತಿರುಚಿ ಎಸ್ಐ ಕಾಮಾರಾಜು ಮೇಲೆ ಎಸ್ ಪ್ರಕರಣ ದಾಖಲಿಸಿಕೊಂಡಿದ್ದಾರೆ.