ಮತ್ತೆ ಭಾರತೀಯರ ಹೃದಯ ಗೆದ್ದ ಅಫ್ರಿದಿಯ ಈ ಟ್ವೀಟ್
ಸಾರಾಂಶ
ಈ ಹಿಂದೆಯೂ ಅಫ್ರಿದಿ ಯುದ್ದ ಬಿಟ್ಟು ಶಾಂತಿ ಕಾಪಾಡೋಣ ಎಂದು ಉಭಯ ದೇಶಗಳಿಗೆ ಕರೆಕೊಟ್ಟಿದ್ದರು.
ಕರಾಚಿ(ಆ.15): ಪಾಕಿಸ್ತಾನ ಮಾಜಿ ಕ್ರಿಕೆಟ್ ಆಟಗಾರ ಶಾಹೀದ್ ಅಫ್ರಿದಿ, 71ನೇ ಸ್ವಾತಂತ್ರೋತ್ಸವದ ಸಂಭ್ರಮದಲ್ಲಿರುವ ಭಾರತಕ್ಕೆ ಶುಭ ಕೋರಿದ್ದಾರೆ.
ಈ ಕುರಿತು ಟ್ವೀಟ್ ಮಾಡಿರುವ ಅಫ್ರಿದಿ, ‘ಭಾರತಕ್ಕೆ ಸ್ವಾತಂತ್ರ್ಯ ದಿನದ ಶುಭಾಶಯಗಳು. ನೆರೆಹೊರೆಯ ರಾಷ್ಟ್ರಗಳಾದ ನಾವು ಶಾಂತಿ, ಸೌಹಾರ್ದತೆ ಹಾಗೂ ಪ್ರೀತಿಗಾಗಿ ಜತೆಯಾಗಿ ಶ್ರಮಿಸೋಣ. ಮಾನವೀಯತೆ ಮುಂದುವರಿಯಲಿ’ ಎಂದು ಟ್ವೀಟ್ ಮಾಡಿದ್ದಾರೆ.
ಅಫ್ರಿದಿಯವರ ಈ ಟ್ವೀಟ್'ಗೆ ಈಗಾಗಲೇ ಸಹಸ್ರಾರು ಮಂದಿ ಪ್ರತಿಕ್ರಿಯೆ ನೀಡಿದ್ದಾರೆ. ಉಭಯ ದೇಶಗಳ ಗಡಿಯಲ್ಲಿ ಉದ್ವಿಘ್ನ ಪರಿಸ್ಥಿತಿಯಿರುವ ಸಂದರ್ಭದಲ್ಲೇ ಅಫ್ರಿದಿ ಟ್ವೀಟ್ ಸಕಾರಾತ್ಮಕವಾಗಿ ಟ್ವೀಟ್ ಮಾಡಿರುವುದು ಭಾರತೀಯರ ಮೆಚ್ಚುಗೆಗೆ ಪಾತ್ರವಾಗಿದೆ.
ವಿಶ್ವದ ಮೂಲೆ ಮೂಲೆಗಳಿಂದ ಮಾತ್ರವಲ್ಲದೇ ಪಾಕ್'ನಿಂದಲೂ ಅಸಂಖ್ಯಾತ ಮಂದಿ ಭಾರತಕ್ಕೆ ಶುಭ ಆಶಿಸಿದ್ದಾರೆ.
ಈ ಹಿಂದೆಯೂ ಅಫ್ರಿದಿ ಯುದ್ದ ಬಿಟ್ಟು ಶಾಂತಿ ಕಾಪಾಡೋಣ ಎಂದು ಉಭಯ ದೇಶಗಳಿಗೆ ಕರೆಕೊಟ್ಟಿದ್ದರು.
ಕರ್ನಾಟಕ, ಭಾರತ (India News) ಮತ್ತು ಜಗತ್ತಿನ ಕ್ಷಣಕ್ಷಣದ ಕನ್ನಡ ಸುದ್ದಿ (Kannada News) ಅಪ್ಡೇಟ್ಗಳಿಗಾಗಿ ಏಷ್ಯಾನೆಟ್ ಸುವರ್ಣ ನ್ಯೂಸ್ ಫಾಲೋ ಮಾಡಿ. ಬ್ರೇಕಿಂಗ್ ಸುದ್ದಿ (Latest Kannada News), ವಿಶೇಷ ವರದಿಗಳು ಮತ್ತು ನೇರ ಪ್ರಸಾರಗಳೊಂದಿಗೆ (kannada news live) ಸಂಪೂರ್ಣ ಮಾಹಿತಿ ಒಂದೇ ಕ್ಲಿಕ್ನಲ್ಲಿ ಲಭ್ಯ. ಏಷ್ಯಾನೆಟ್ ಸುವರ್ಣ ನ್ಯೂಸ್ ಅಧಿಕೃತ ಆ್ಯಪ್ ಡೌನ್ಲೋಡ್ ಮಾಡಿ ಹಾಗು ಎಲ್ಲಾ ಅಪ್ಡೇಟ್ ಗಳನ್ನು ಪಡೆಯಿರಿ.