ಎಸ್’ಬಿಐನಿಂದ 20 ಸಾವಿರ ಕೋಟಿ ಸಾಲ ಮನ್ನಾ

ಕಳೆದ ಹಣಕಾಸು ವರ್ಷದಲ್ಲಿ ಸಾರ್ವಜನಿಕ ವಲಯದ ಬ್ಯಾಂಕ್‌ಗಳು ಒಟ್ಟಾರೆ 81,683 ಕೋಟಿ ರೂ.ನಷ್ಟು ವಸೂಲಾಗದೇ ಇದ್ದ ಭಾರೀ ಪ್ರಮಾಣದ ಸಾಲವನ್ನು ಮನ್ನಾ ಮಾಡಿವೆ.

ನವದೆಹಲಿ: ಕಳೆದ ಹಣಕಾಸು ವರ್ಷದಲ್ಲಿ ಸಾರ್ವಜನಿಕ ವಲಯದ ಬ್ಯಾಂಕ್‌ಗಳು ಒಟ್ಟಾರೆ 81,683 ಕೋಟಿ ರೂ.ನಷ್ಟು ವಸೂಲಾಗದೇ ಇದ್ದ ಭಾರೀ ಪ್ರಮಾಣದ ಸಾಲವನ್ನು ಮನ್ನಾ ಮಾಡಿವೆ. ಈ ಪೈಕಿ ಭಾರತೀಯ ಸ್ಟೇಟ್ ಬ್ಯಾಂಕ್ (ಎಸ್‌ಬಿಐ) ಅತಿ ಹೆಚ್ಚು ಅಂದರೆ 20,339 ಕೋಟಿ ರು. ಸಾಲವನ್ನು ಮನ್ನಾ ಮಾಡಿದೆ.

ಇದು ಎಸ್‌ಬಿಐನಲ್ಲಿ 5 ಸಹಯೋಗಿ ಬ್ಯಾಂಕ್‌ಗಳು ವಿಲೀನವಾಗುವುದಕ್ಕೂ ಮುನ್ನ ಮಾಡಲಾದ ಮನ್ನಾ ಆಗಿದೆ ಎಂದು ಕೇಂದ್ರ ಸರ್ಕಾರದ ಅಂಕಿ ಅಂಶಗಳು ಹೇಳಿವೆ. 2012 -13ರಲ್ಲಿ ಸಾರ್ವಜನಿಕ ಸ್ವಾಮ್ಯದ ಬ್ಯಾಂಕ್‌ಗಳು 27,231 ಕೋಟಿ ರು. ವಸೂಲಾಗದ ಸಾಲವನ್ನು ಮನ್ನಾ ಮಾಡಿದ್ದವು. 2013 -14ರಲ್ಲಿ ಇದರ ಪ್ರಮಾಣ 34,409 ಕೋಟಿ, 2014-15 ರಲ್ಲಿ 49,018 ಕೋಟಿ, 2015 -16 ರಲ್ಲಿ 57,585 ಕೋಟಿಗೆ ಏರಿತು.